Jemsi 1
1
1Amo Jemsi wolo na ye Wɛ kabaa de debam Teiru Yezu Krista kabaa to mo popone tɔnɔ konto.#Matiyu 13:55; Kikia 12:17; 15:13 A jɔɔne abam dwi kuni fuga-balei bam na ye Wɛ nɔɔna ye á jage á yi logo baŋa jei maama to.
Wɛ zeini nɔɔna lanyerane
2A nu-bia bam, maŋa kalo maama cham ná tu abam baŋa, se á ta‑á jege wopwolo lanyerane, kolo ŋwaane á yei we yaara dwi dwi ná tui abam tei, 3ko ye se ya maŋe abam mo ya nii á na ke á wo-dedoa de Wɛ tei to.#Matiyu 5:11-12; 1 Piita 1:7 Ko kwaga ne ko laam wó pa se á ta‑á jege pu-dɛa lanyerane á woli da. 4Kwaane-na se á ta‑á zege lanyerane de pu-dɛa se á yé jwoori kwaga. Keim dem konto wó fɔge abam fase, pa se á boboŋa kweere de Wɛ chwoŋa tɔgem, se á yé wane á ga kolokolo.
5Abam wolo maama nam ná yeiri kolo na lana se o ke to, konto tu jege se o lwoori swa mo Wɛ tei ne. Wɛ yeini o woli nɔɔna maama lanyerane mo, ye o ba ŋwaana. Nmo ná lwoori swa o tei ne, o wó ke konto mo o pa‑m.#Matiyu 7:7 6Nmo nam ná lwoori woŋo Wɛ tei ne, se n ta‑n jege boŋem-dɛɔ we, n wó seene n na. Yé ta‑n jege bobwea ko baŋa ne, kokuri bobwea tu nye ne vio na dole na-ŋone, pa se vei yiga de kwaga tei to mo. 7-8Konto tu bere o wo ke o wo-dedoa de Wɛ, ye o yeini o za o boboŋa de kolo maama o na boŋe se o ke to. Nɔɔno wom konto dwoŋi yé taa boŋe we, o wó na woŋo dé Teiru wom tei ne.
9Nmo wolo na tɔge Yezu ye yiniga jege‑m to, se n ta‑n jege wopwolo de Wɛ na pɛ n jege yere o tei ne to ŋwaane. 10Nmo wolo nam na ye nadum to, se n de ta‑n jege wopwolo de Wɛ na pɛ se n gwooni n tete o tei ne to ŋwaane. Nabiina ba dáana ye ba toa, ba ná maŋe ba ye naduna tei de. Ko nye ne gaaro na ke punnu ye te jege lam tei to mo. 11Wea nam ná bega, ka wó baane-te mo pa te kwaare. Punnu tem ma siiri ye te daa ba jege lam. Ko nam ye bedwe mo de naduna na wó ba ba te ba jejegero tem lagem wone tei to.
12Nɔɔno wolo ná wo cham wone ye o ná zege lanyerane de pu-dɛa, konto tu jege yu-ywoŋo mo. O yaara yam ná faŋe‑o ya ti, ye o ta ná zege lanyerane, o laam wó na Wɛ pɛɛre delo na ye ŋwea chekke to. Wɛ pwooli se o pa ŋwea kam konto mo balo maama na swoi‑o to.
13Nɔɔno ná nɛ maŋem, o yé zaŋe o kwei o ma gwori Wɛ. O yé zaŋe o ta nenɛɛne, ko ye Wɛ mo soge‑o se o ke wo-lɔŋɔ. Kolokolo tera ko na wó wane ko soge Wɛ se o tusi, ye Wɛ tete bá sɛ se o soge nɔɔno se o tusi. 14Woŋo kolo nam na yeini ko soge‑m to ye n tete boboŋa mo. Ya maa pae n fera zoore wo-zɔɔna, ye ya gane‑m se n vo n to gwoŋo ne. 15Nmo ná sɛ n tɔge n boboŋ-balwaaro tem, ya laam pa se n ke wo-lwanno mo. Wo-lwanno tem laam wó puli te taa daga nmo baŋa ne, ye ko laam daare toone yerane mo.
16A nu-bi-swonnu bam, ta‑á yei-na á tete. 17Pɛɛre delo maama na lana ye de jege chega to mo dé yeini dé jwoŋi Wɛ tei ne. Wonto mo ke wonnu telo maama na wo wɛyuu ne ye te pae pwooni to. Wonnu tem konto mo yeini te wae te pipira wea de tete. Wɛ nam ba leira ne tento wonnu tem tei. 18O boboŋa jaane mo se o tɔge o chega taane dem ŋwaane o pa dé na o ŋwe-doŋa kam. Ko nye nenɛɛne o le debam mo o ke nɔɔna maama yiga ne se dé taa ye o bia.
Kikia yalo na maŋe de Wɛ chwoŋa tɔgem to
19A nu-bi-swonnu bam, ta‑á yei-na we, nɔɔno maama jege se o zuri o yera mo o taa cheigi o dwoŋi taane, se o yé gare o ŋɔɔne. O jege se o ja o bane mo. 20Kolo ŋwaane n bá‑n wane n tɔge ban-zɔŋɔ ŋwaane n ke wo-laaro ne Wɛ boboŋa na lage tei to mo.
21Konto ŋwaane, le-na wo-zɔɔna yalo maama na wo á wone to á yage, se á daare á che á tete de wo-lwanno telo na lage te chɔge abam to. Wɛ maŋe o kwei o taane dem o ke abam bochara ne. Nam gwooni-na á tete á sɛ-de lanyerane, de na wó wane de jwoŋi abam de yage to ŋwaane.
22Nam ta‑á yei-na se á ta‑á tɔge Wɛ kwora kam, se ko dae we á ta‑á cheigi o taane dem yerane.#Matiyu 7:21-27 23Nɔɔno wolo ná cheigi Wɛ taane ye o ba tɔge de na bere tei to, kotu gane o tete mo. O nye nenɛɛne nɔɔno mo kwei niu se o ma o nii o tete. 24O ma nii o na o yibia na ye tei to, ye o laam pipiri o kɛ o daare niu kom. Ko wo dáane de o na swei o yibia kam na ye tei to. 25Ko nam ná ye Wɛ ni taane dem, dento lana fase ye de wae de jwoŋi nɔɔna pa ba na ba tete. Nɔɔno ná nii-de ye o jege-de o yuu ne maŋa maama, konto tu bá taa nye de wolo na gare o swei chega kalo o na lɔre to. O maa ye wolo na seene o tɔge chega kam to mo. Wonto wó na wopwolo lanyerane o kikia maama baŋa ne.
26Abam wolo ná boŋe we o kɔre Wɛ, ye o ná ware o ni taane o ja, wonto gane o tete mo. O Wɛ kɔrɔ kom maa ye kafɛ mo. 27Dé Kwo Wɛ nam na lage se dé sɛ‑o tei to mo ye se dé taa zeini botara de kadeina balo na yaare to,#Nwoŋim 22:22 ye dé kwaane dé che dé tete de logo baŋa wo-zɔɔna yam. Wɛ kɔrɔ konto dwoŋi mo su Wɛ yi, ye tusim tere ko wone.
Currently Selected:
Jemsi 1: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jemsi 1
1
1Amo Jemsi wolo na ye Wɛ kabaa de debam Teiru Yezu Krista kabaa to mo popone tɔnɔ konto.#Matiyu 13:55; Kikia 12:17; 15:13 A jɔɔne abam dwi kuni fuga-balei bam na ye Wɛ nɔɔna ye á jage á yi logo baŋa jei maama to.
Wɛ zeini nɔɔna lanyerane
2A nu-bia bam, maŋa kalo maama cham ná tu abam baŋa, se á ta‑á jege wopwolo lanyerane, kolo ŋwaane á yei we yaara dwi dwi ná tui abam tei, 3ko ye se ya maŋe abam mo ya nii á na ke á wo-dedoa de Wɛ tei to.#Matiyu 5:11-12; 1 Piita 1:7 Ko kwaga ne ko laam wó pa se á ta‑á jege pu-dɛa lanyerane á woli da. 4Kwaane-na se á ta‑á zege lanyerane de pu-dɛa se á yé jwoori kwaga. Keim dem konto wó fɔge abam fase, pa se á boboŋa kweere de Wɛ chwoŋa tɔgem, se á yé wane á ga kolokolo.
5Abam wolo maama nam ná yeiri kolo na lana se o ke to, konto tu jege se o lwoori swa mo Wɛ tei ne. Wɛ yeini o woli nɔɔna maama lanyerane mo, ye o ba ŋwaana. Nmo ná lwoori swa o tei ne, o wó ke konto mo o pa‑m.#Matiyu 7:7 6Nmo nam ná lwoori woŋo Wɛ tei ne, se n ta‑n jege boŋem-dɛɔ we, n wó seene n na. Yé ta‑n jege bobwea ko baŋa ne, kokuri bobwea tu nye ne vio na dole na-ŋone, pa se vei yiga de kwaga tei to mo. 7-8Konto tu bere o wo ke o wo-dedoa de Wɛ, ye o yeini o za o boboŋa de kolo maama o na boŋe se o ke to. Nɔɔno wom konto dwoŋi yé taa boŋe we, o wó na woŋo dé Teiru wom tei ne.
9Nmo wolo na tɔge Yezu ye yiniga jege‑m to, se n ta‑n jege wopwolo de Wɛ na pɛ n jege yere o tei ne to ŋwaane. 10Nmo wolo nam na ye nadum to, se n de ta‑n jege wopwolo de Wɛ na pɛ se n gwooni n tete o tei ne to ŋwaane. Nabiina ba dáana ye ba toa, ba ná maŋe ba ye naduna tei de. Ko nye ne gaaro na ke punnu ye te jege lam tei to mo. 11Wea nam ná bega, ka wó baane-te mo pa te kwaare. Punnu tem ma siiri ye te daa ba jege lam. Ko nam ye bedwe mo de naduna na wó ba ba te ba jejegero tem lagem wone tei to.
12Nɔɔno wolo ná wo cham wone ye o ná zege lanyerane de pu-dɛa, konto tu jege yu-ywoŋo mo. O yaara yam ná faŋe‑o ya ti, ye o ta ná zege lanyerane, o laam wó na Wɛ pɛɛre delo na ye ŋwea chekke to. Wɛ pwooli se o pa ŋwea kam konto mo balo maama na swoi‑o to.
13Nɔɔno ná nɛ maŋem, o yé zaŋe o kwei o ma gwori Wɛ. O yé zaŋe o ta nenɛɛne, ko ye Wɛ mo soge‑o se o ke wo-lɔŋɔ. Kolokolo tera ko na wó wane ko soge Wɛ se o tusi, ye Wɛ tete bá sɛ se o soge nɔɔno se o tusi. 14Woŋo kolo nam na yeini ko soge‑m to ye n tete boboŋa mo. Ya maa pae n fera zoore wo-zɔɔna, ye ya gane‑m se n vo n to gwoŋo ne. 15Nmo ná sɛ n tɔge n boboŋ-balwaaro tem, ya laam pa se n ke wo-lwanno mo. Wo-lwanno tem laam wó puli te taa daga nmo baŋa ne, ye ko laam daare toone yerane mo.
16A nu-bi-swonnu bam, ta‑á yei-na á tete. 17Pɛɛre delo maama na lana ye de jege chega to mo dé yeini dé jwoŋi Wɛ tei ne. Wonto mo ke wonnu telo maama na wo wɛyuu ne ye te pae pwooni to. Wonnu tem konto mo yeini te wae te pipira wea de tete. Wɛ nam ba leira ne tento wonnu tem tei. 18O boboŋa jaane mo se o tɔge o chega taane dem ŋwaane o pa dé na o ŋwe-doŋa kam. Ko nye nenɛɛne o le debam mo o ke nɔɔna maama yiga ne se dé taa ye o bia.
Kikia yalo na maŋe de Wɛ chwoŋa tɔgem to
19A nu-bi-swonnu bam, ta‑á yei-na we, nɔɔno maama jege se o zuri o yera mo o taa cheigi o dwoŋi taane, se o yé gare o ŋɔɔne. O jege se o ja o bane mo. 20Kolo ŋwaane n bá‑n wane n tɔge ban-zɔŋɔ ŋwaane n ke wo-laaro ne Wɛ boboŋa na lage tei to mo.
21Konto ŋwaane, le-na wo-zɔɔna yalo maama na wo á wone to á yage, se á daare á che á tete de wo-lwanno telo na lage te chɔge abam to. Wɛ maŋe o kwei o taane dem o ke abam bochara ne. Nam gwooni-na á tete á sɛ-de lanyerane, de na wó wane de jwoŋi abam de yage to ŋwaane.
22Nam ta‑á yei-na se á ta‑á tɔge Wɛ kwora kam, se ko dae we á ta‑á cheigi o taane dem yerane.#Matiyu 7:21-27 23Nɔɔno wolo ná cheigi Wɛ taane ye o ba tɔge de na bere tei to, kotu gane o tete mo. O nye nenɛɛne nɔɔno mo kwei niu se o ma o nii o tete. 24O ma nii o na o yibia na ye tei to, ye o laam pipiri o kɛ o daare niu kom. Ko wo dáane de o na swei o yibia kam na ye tei to. 25Ko nam ná ye Wɛ ni taane dem, dento lana fase ye de wae de jwoŋi nɔɔna pa ba na ba tete. Nɔɔno ná nii-de ye o jege-de o yuu ne maŋa maama, konto tu bá taa nye de wolo na gare o swei chega kalo o na lɔre to. O maa ye wolo na seene o tɔge chega kam to mo. Wonto wó na wopwolo lanyerane o kikia maama baŋa ne.
26Abam wolo ná boŋe we o kɔre Wɛ, ye o ná ware o ni taane o ja, wonto gane o tete mo. O Wɛ kɔrɔ kom maa ye kafɛ mo. 27Dé Kwo Wɛ nam na lage se dé sɛ‑o tei to mo ye se dé taa zeini botara de kadeina balo na yaare to,#Nwoŋim 22:22 ye dé kwaane dé che dé tete de logo baŋa wo-zɔɔna yam. Wɛ kɔrɔ konto dwoŋi mo su Wɛ yi, ye tusim tere ko wone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)