Nwoŋim 4
4
Baŋa Wɛ na wó tɔge Moses baŋa o ke memaŋa yalo to
1Moses déem ma leiri Baŋa Wɛ o we, “Dɛ dedwoŋi ne, Isarele tiina bam bá sɛ a taane dem, ba nam bá pa-ne chega. Ba wó wane ba ta nenɛɛne, nmo seene n wo veere n tete de amo.” 2Baŋa Wɛ ma bwei‑o o we, “Bɛ mo n zei de n jeŋa?” O ma leiri o we, “Nacheiga mo a zia.” 3Baŋa Wɛ ma ta o we, “Dole-ka n de tega ne.” Moses ma dole-ka o de tega ne. Ka ma ji basankwea, ye o duri o daare-ka.
4 Baŋa Wɛ ta ma ta o we, “Twe n jeŋa n ja-ka ka nabili seeni.” Moses na twe o jeŋa o ja basankwea kam to, ka ma jwoori ka ji nacheiga o jeŋa ne. 5Baŋa Wɛ laam maa we, “Keim dento wó pa se ba sɛ we amo Baŋa Wɛ mo seene a veere a tete de nmo, amo wolo na ye ba nabaara Wɛ wom to: Abaraham Wɛ wom, de Izaak Wɛ wom, de Jakob Wɛ wom to.”
6 Baŋa Wɛ ta ma ta‑o o we, “Tore n jeŋa n gɔrɔ kom ne se n dwei n nyɔɔne.” O ma ke konto. Moses na jwoori o le o jeŋa kam to, ka pɔpɔ ka peere mo de naywaane#4:6 naywaane naa sankwɛ jaweo kom. 7Baŋa Wɛ daa ma ta o we, “Daa‑n jwoori n tore n jeŋa kam n gɔrɔ kom ne.” Moses ma kwei o jeŋa o tore o gɔrɔ kom ne. O na jwoori o le-ka to, ka pɔpɔ ka ke lanyerane mo, nenɛɛne o yera yam maama na ye tei to. 8Baŋa Wɛ laam ma ta o we, “Ba ná wo pɛ‑m chega de boboa wo-memaŋe dem, ba laam wó sɛ memaŋe belei tu wom. 9De konto de, ba ná nɛ wo-memaŋa yalei yanto ye ba ta ve se ba sɛ n taane dem, se n mɔ na Naili buga kam ne n daare n lwo-ba te-kora kam baŋa ne. Na bam konto wó ji jana tega kam baŋa ne.”
10Moses déem ma lwoori Baŋa Wɛ o we, “Amo Teiru, amo ware a ŋɔɔne chekke. Ko zege nmo de amo na ŋɔɔne daane to, a maŋe a ware mo. A nam maŋe a bá lɔre ŋɔŋa. A ni ware se de pipiri lanyerane.”#Jeremia 1:6
11 Baŋa Wɛ ma leiri o we, “Wɔ mo pɛ nabiinu o ni dem? Wɔ mo ke zwa-kwarro de memaaro? Wɔ mo pae nabiinu yia se o taa nae, naa se o taa ye lilwei? Ko dae amo Baŋa Wɛ mo na? 12Laam nam véi, se amo wó woli‑m de ŋɔŋa, ye a daare a bere‑m n na wó ta kolo maama to.”
13Moses maa we, “Amo Teiru, jan ja! Toŋe nɔn-gaa se konto tu vo o toŋe totoŋe dem.”
14Moses taane dem déem ma zaŋe Baŋa Wɛ bane. Wɛ ma ta‑o o we, “Se nmo zembaaro Aron wolo de na ye Levi tu to, wonto wae o ŋɔɔne lanyerane. Nii ywo! O wo chwoŋa ne o beene se o jeeri‑m. O nam ná nɛ‑m, ko wó pa o wo pwoli dedɛ. 15Nmo wó wane n ŋɔɔne n bere‑o nmo taane dem de o na wó ta kolo to. Amo wó woli abam de ŋɔŋa ye a bere abam á na wó ke tei maama to. 16Aron mo wó lwoni n taane dem o ŋɔɔne de nɔɔna bam, nenɛɛne o ye nmo ni mo tei. Nmo tete wó leiri amo yuu ne n ŋɔɔne ded‑o. 17Nam kwei nacheiga kanto nmo na zei n jeŋa ne to n woli da n vo, se n lage n ma-ka n toŋe wo-kenkagela mo.”#Nwoŋim 40:35
Moses jwoori o vo Ejipti
18Moses déem ma jwoori o tembaaro Jetero tei o ta‑o o we, “Amo boŋe se a jwoori a chorro tem tei mo Ejipti ne, se a nii ba ta ŋwe de yazura na.” Jetero ma sɛ ye o we, “Véi, se Wɛ wó pa se n yi lanyerane.”
19Moses déem ta na wo Midian ne to, mo Baŋa Wɛ ya tage‑o o we, “Jwoori n vo Ejipti, se balo maama na beeri‑m se ba go to laam tega.” 20Moses ma ja o kaane de o bu-baara bam o jeini-ba bonaga baŋa ne, ye o laam kwei chwoŋa o tɔge de-ba o maa jwoori Ejipti. O déem maa zei Wɛ nacheiga kam o jeŋa ne. 21Baŋa Wɛ ma ta de Moses o we, “Nmo ná yi Ejipti teo kom, wo-kenkagela yalo maama amo na pɛ‑m dam se n ke to, se n fɔge n ke-ya Ejipti Pɛ wom yiga ne. Amo nam wó pa se o bochare taa dana mo, ye o bá sɛ se amo nɔɔna bam viiri. 22Ko ná tu konto, se n ta de Pɛ wom we, ‘Baŋa Wɛ ni dem mo tento:
Isarele ye amo bakeiri-kwea mo. 23Amo nam mo tage de nmo se n pa a bakeiri-kwea kam chwoŋa se o viiri o vo o zuli-ne. Nmo nam ve amo ni. Konto ŋwaane, amo de nam wó go nmo bakeiri-kwea kam mo.’ ”#Nwoŋim 12:29
24Moses de o kwaga kam ta na wo chwoŋa ne ye ba vo ba yi jei selo ba na wó peini se tega poore to, Baŋa Wɛ déem ma vo o tei ye o boŋe se o go‑o. 25Moses kaane Zipora ma zaŋe o kwei kandwɛ-fole na jege ni to o ma o gwoni o bu-baaro wom peini. O ta ma dwei o baro wom napera de tɔnɔ kom ye o ta o we, “Nmo yɔɔre n ye amo baro jana bam ŋwaane mo.” 26O na ŋɔɔne tei to tɔge de pein-gwoŋa kam ŋwaane mo. Baŋa Wɛ daa maa wo go Moses.
27 Baŋa Wɛ déem ma ta de Aron o we, “Zaŋe n vo kagoa kam yuu se n jeeri Moses.” O ma vo o jeeri‑o Wɛ peo kom ne ye o kukwori‑o. 28Moses déem laam ma lwoni o bere Aron kolo maama Baŋa Wɛ na toŋe‑o se o ta to. O ma daare o ta wo-kenkagela yam Baŋa Wɛ na pɛ‑o ni se o ke to taane o bere Aron.
29Moses de Aron déem ma kwei chwoŋa ba vo ba yi Ejipti ye ba la Isarele nakwa bam ba ke daane. 30Aron ma ta kolo maama Baŋa Wɛ déem na tage de Moses to o bere-ba. O de ma ke wo-kenkagela yam maama pa se nɔɔna bam na. 31Nakwa bam déem ma sɛ. Ba ta ma ni Baŋa Wɛ na nɛ ba yaara yam ye o chu o ba se o jwoŋi-ba ya wone tei to. Ba ma chɔɔle tega ne ba zuli Wɛ.
Currently Selected:
Nwoŋim 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 4
4
Baŋa Wɛ na wó tɔge Moses baŋa o ke memaŋa yalo to
1Moses déem ma leiri Baŋa Wɛ o we, “Dɛ dedwoŋi ne, Isarele tiina bam bá sɛ a taane dem, ba nam bá pa-ne chega. Ba wó wane ba ta nenɛɛne, nmo seene n wo veere n tete de amo.” 2Baŋa Wɛ ma bwei‑o o we, “Bɛ mo n zei de n jeŋa?” O ma leiri o we, “Nacheiga mo a zia.” 3Baŋa Wɛ ma ta o we, “Dole-ka n de tega ne.” Moses ma dole-ka o de tega ne. Ka ma ji basankwea, ye o duri o daare-ka.
4 Baŋa Wɛ ta ma ta o we, “Twe n jeŋa n ja-ka ka nabili seeni.” Moses na twe o jeŋa o ja basankwea kam to, ka ma jwoori ka ji nacheiga o jeŋa ne. 5Baŋa Wɛ laam maa we, “Keim dento wó pa se ba sɛ we amo Baŋa Wɛ mo seene a veere a tete de nmo, amo wolo na ye ba nabaara Wɛ wom to: Abaraham Wɛ wom, de Izaak Wɛ wom, de Jakob Wɛ wom to.”
6 Baŋa Wɛ ta ma ta‑o o we, “Tore n jeŋa n gɔrɔ kom ne se n dwei n nyɔɔne.” O ma ke konto. Moses na jwoori o le o jeŋa kam to, ka pɔpɔ ka peere mo de naywaane#4:6 naywaane naa sankwɛ jaweo kom. 7Baŋa Wɛ daa ma ta o we, “Daa‑n jwoori n tore n jeŋa kam n gɔrɔ kom ne.” Moses ma kwei o jeŋa o tore o gɔrɔ kom ne. O na jwoori o le-ka to, ka pɔpɔ ka ke lanyerane mo, nenɛɛne o yera yam maama na ye tei to. 8Baŋa Wɛ laam ma ta o we, “Ba ná wo pɛ‑m chega de boboa wo-memaŋe dem, ba laam wó sɛ memaŋe belei tu wom. 9De konto de, ba ná nɛ wo-memaŋa yalei yanto ye ba ta ve se ba sɛ n taane dem, se n mɔ na Naili buga kam ne n daare n lwo-ba te-kora kam baŋa ne. Na bam konto wó ji jana tega kam baŋa ne.”
10Moses déem ma lwoori Baŋa Wɛ o we, “Amo Teiru, amo ware a ŋɔɔne chekke. Ko zege nmo de amo na ŋɔɔne daane to, a maŋe a ware mo. A nam maŋe a bá lɔre ŋɔŋa. A ni ware se de pipiri lanyerane.”#Jeremia 1:6
11 Baŋa Wɛ ma leiri o we, “Wɔ mo pɛ nabiinu o ni dem? Wɔ mo ke zwa-kwarro de memaaro? Wɔ mo pae nabiinu yia se o taa nae, naa se o taa ye lilwei? Ko dae amo Baŋa Wɛ mo na? 12Laam nam véi, se amo wó woli‑m de ŋɔŋa, ye a daare a bere‑m n na wó ta kolo maama to.”
13Moses maa we, “Amo Teiru, jan ja! Toŋe nɔn-gaa se konto tu vo o toŋe totoŋe dem.”
14Moses taane dem déem ma zaŋe Baŋa Wɛ bane. Wɛ ma ta‑o o we, “Se nmo zembaaro Aron wolo de na ye Levi tu to, wonto wae o ŋɔɔne lanyerane. Nii ywo! O wo chwoŋa ne o beene se o jeeri‑m. O nam ná nɛ‑m, ko wó pa o wo pwoli dedɛ. 15Nmo wó wane n ŋɔɔne n bere‑o nmo taane dem de o na wó ta kolo to. Amo wó woli abam de ŋɔŋa ye a bere abam á na wó ke tei maama to. 16Aron mo wó lwoni n taane dem o ŋɔɔne de nɔɔna bam, nenɛɛne o ye nmo ni mo tei. Nmo tete wó leiri amo yuu ne n ŋɔɔne ded‑o. 17Nam kwei nacheiga kanto nmo na zei n jeŋa ne to n woli da n vo, se n lage n ma-ka n toŋe wo-kenkagela mo.”#Nwoŋim 40:35
Moses jwoori o vo Ejipti
18Moses déem ma jwoori o tembaaro Jetero tei o ta‑o o we, “Amo boŋe se a jwoori a chorro tem tei mo Ejipti ne, se a nii ba ta ŋwe de yazura na.” Jetero ma sɛ ye o we, “Véi, se Wɛ wó pa se n yi lanyerane.”
19Moses déem ta na wo Midian ne to, mo Baŋa Wɛ ya tage‑o o we, “Jwoori n vo Ejipti, se balo maama na beeri‑m se ba go to laam tega.” 20Moses ma ja o kaane de o bu-baara bam o jeini-ba bonaga baŋa ne, ye o laam kwei chwoŋa o tɔge de-ba o maa jwoori Ejipti. O déem maa zei Wɛ nacheiga kam o jeŋa ne. 21Baŋa Wɛ ma ta de Moses o we, “Nmo ná yi Ejipti teo kom, wo-kenkagela yalo maama amo na pɛ‑m dam se n ke to, se n fɔge n ke-ya Ejipti Pɛ wom yiga ne. Amo nam wó pa se o bochare taa dana mo, ye o bá sɛ se amo nɔɔna bam viiri. 22Ko ná tu konto, se n ta de Pɛ wom we, ‘Baŋa Wɛ ni dem mo tento:
Isarele ye amo bakeiri-kwea mo. 23Amo nam mo tage de nmo se n pa a bakeiri-kwea kam chwoŋa se o viiri o vo o zuli-ne. Nmo nam ve amo ni. Konto ŋwaane, amo de nam wó go nmo bakeiri-kwea kam mo.’ ”#Nwoŋim 12:29
24Moses de o kwaga kam ta na wo chwoŋa ne ye ba vo ba yi jei selo ba na wó peini se tega poore to, Baŋa Wɛ déem ma vo o tei ye o boŋe se o go‑o. 25Moses kaane Zipora ma zaŋe o kwei kandwɛ-fole na jege ni to o ma o gwoni o bu-baaro wom peini. O ta ma dwei o baro wom napera de tɔnɔ kom ye o ta o we, “Nmo yɔɔre n ye amo baro jana bam ŋwaane mo.” 26O na ŋɔɔne tei to tɔge de pein-gwoŋa kam ŋwaane mo. Baŋa Wɛ daa maa wo go Moses.
27 Baŋa Wɛ déem ma ta de Aron o we, “Zaŋe n vo kagoa kam yuu se n jeeri Moses.” O ma vo o jeeri‑o Wɛ peo kom ne ye o kukwori‑o. 28Moses déem laam ma lwoni o bere Aron kolo maama Baŋa Wɛ na toŋe‑o se o ta to. O ma daare o ta wo-kenkagela yam Baŋa Wɛ na pɛ‑o ni se o ke to taane o bere Aron.
29Moses de Aron déem ma kwei chwoŋa ba vo ba yi Ejipti ye ba la Isarele nakwa bam ba ke daane. 30Aron ma ta kolo maama Baŋa Wɛ déem na tage de Moses to o bere-ba. O de ma ke wo-kenkagela yam maama pa se nɔɔna bam na. 31Nakwa bam déem ma sɛ. Ba ta ma ni Baŋa Wɛ na nɛ ba yaara yam ye o chu o ba se o jwoŋi-ba ya wone tei to. Ba ma chɔɔle tega ne ba zuli Wɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)