Nwoŋim 5
5
Moses de Aron vei Ejipti Pɛ wom tei
1Ko na ke fee to, Moses de Aron déem ma vo Ejipti Pɛ wom tei ba ta ba we, “Baŋa Wɛ wom na ye Isarele tiina bam Wɛ to ni mo tento: ‘Pa chwoŋa se a nɔɔna bam viiri. Ba jege se ba vo kagoa wone ba ke kuri mo ba zuli amo.’ ” 2Pa-faro wom maa we, “Wɔ mo ye Baŋa Wɛ, pa ko maŋe se a sɛ o ni se Isarele tiina bam viiri? Amo yeiri Baŋa Wɛ wom konto, a nam bá pa chwoŋa se Isarele tiina bam viiri.”
3Ba laam ma leiri‑o ba we, “Hiburu tiina Wɛ wom mo tu debam tei. Konto ŋwaane, dé lwoori nmo tei ne se dé na pwola dé kwei da yatɔ chwoŋa dé vo kagoa kam wone dé ke kaanem dáane dé pa dé Tu Baŋa Wɛ. Kokuri to, dé ná wo ke konto, o wó waare debam dedaane jawe-chɛɛro dwi dwi mo, naa o pa se dé to jara-keim wone ye dé te.” 4Pɛ wom ma ve ye o ta o we, “Moses de Aron, bɛ mo ye abam pa se nɔɔna bam yage ba totoŋa? Abam maama jwoori-na á vo á totoŋa ni ne!” 5O ta maa we, “Nii-na ywo! Nɔɔna bam laam tiini ba daga Ejipti tega kam ne, ye á dáa lage se á cheiŋi-ba se ba yé toŋe ba totoŋa yam.”
6Dento dɛ ne, Ejipti Pɛ wom ma bwoŋi dedɛɛra balo na fe tontoŋena bam de totoŋ-chɛɛra to de balo na nii totoŋa yam baŋa ne to, ye o pa-ba ni. O déem maa we:
7“Abam daa yé kwei-na ga-korro á pa nɔɔna bam se ba taa mae ba mage bira. Banto tete laam mo jege se ba beeri ga-korro ba ma ba toŋe totoŋa yam. 8Ba bira yam ba na wó mage to ba jege se ya muri, de fenfee de. Ba ye jawɔre-nyena mo! Konto ŋwaane mo ba beeri chwoŋa se ba vo ba ke kaanem ba pa ba Wɛ wom. 9Pa-na se totoŋa yam tiini ya chɛ ba yera. Konto wó pa se ba yé na yiga se ba daa cheigi vwa yam konto.”
10Balo na fe kabɛ sem de totoŋ-chɛɛra to de totoŋa yiga tiina bam déem ma nwoŋi ba vo ba ta de nɔɔna bam ba we, “Pɛ wom tage tento mo: ‘Amo daa bá pa abam ga-korro. 11Abam mo jege se á vo á beeri ga-korro á pa á tete. Nam ta‑á yei-na we á bira yam á na maŋe á yeini á mage to ba jege se ya muri ya ni ne de fenfee de.’ ”
12Ko déem ma pa se nɔɔna bam jage Ejipti tega kam jei maama ne ba beeri ga-korro se ba ma ba toŋe. 13Balo na fe kabɛ sem de totoŋa to, de déem laam tiini ba fe-ba, ye ba tɛ-ba ba we, “Dɛ maama abam totoŋa yam jege se ya yi ko daama na ye tei ye á jwoŋi ga-korro debam tei ne to mo.” 14Pɛ wom nɔɔna balo na fe kabɛ sem de totoŋ-chɛɛra to déem ma bɛɛse Isarele yiga tiina balo na nii totoŋa yam baŋa ne to. Ba maa jege-ba ba maga ye ba we, “Ko ke da yalei ye á nɔɔna bam wo mage bira yam se ya ja ya ni ne, nenɛɛne ko daama na ye tei to. Bɛ mo kea?”
15Isarele totoŋa yiga tiina bam laam ma vo ba lwoori Pa-faro wom ba we, “Dé Tu, bɛ laam mo kea ye nmo jege debam n ke tento? 16Dedɛɛra bam daa ba pae debam ga-korro se dé taa ma dé toŋa, ye ba ta fe debam se dé mage bira yam se ya yé muri. Ba ta maa jege debam ba maga, ye ko ye banto yiga mo.” 17Pɛ wom ma leiri-ba o we, “Nii jawɔre-nyena banto! Abam na vae totoŋa to ŋwaane mo á kare á beeri chwoŋa amo tei ne se á vo á ke kaanem á pa Baŋa Wɛ. 18Lela! Se á jwoori á totoŋa ni ne! Ba bá pa abam ga-korro. Á nam ta jege se á mage bira yam mo se ya ja ya ni.” 19Isarele totoŋa yiga tiina bam ma lɔre we keim dem laam tiini de chamma mo de pa banto de Isarele tiina bam maama. Kokuri to, ba maane we bira yam ba na wó mage dɛ maama to ba jege se ya muri ya ni ne.
20Nɔɔna bam déem na nwoŋi Pɛ wom tei ne to, mo ba jeeri Moses de Aron. Ba de déem nam maŋe ba zege ba cheigi nɔɔna bam mo se ba ba. 21Ba na nɛ-ba to, mo ba poone de Moses de Aron ba we, “Baŋa Wɛ wó waare abam á na ke kolo to ŋwaane. Abam laam pɛ se debam totoŋa tiini ya lwoi mo Ejipti Pɛ de o dedɛɛra bam momwa ne. Á ta ma á pa-ba pwola se ba go debam.”
22Moses ma pipiri o vo o bwei Baŋa Wɛ o we, “Amo Teiru, bɛ mo ye n tiini n ja cham dento n ba n pa n nɔɔna bam? Nmo boŋe se n ke tento mo ye n toŋe-ne ywo to na? 23Ko zege dɛ delo amo na vei a ŋɔɔne dedaane Pɛ wom nmo yere ŋwaane to, mo o yɔɔre o pae nmo nɔɔna bam cham se ba taa di. Nmo tete nam ba ke kolokolo se n jwoŋi-ba n yage.”
Currently Selected:
Nwoŋim 5: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 5
5
Moses de Aron vei Ejipti Pɛ wom tei
1Ko na ke fee to, Moses de Aron déem ma vo Ejipti Pɛ wom tei ba ta ba we, “Baŋa Wɛ wom na ye Isarele tiina bam Wɛ to ni mo tento: ‘Pa chwoŋa se a nɔɔna bam viiri. Ba jege se ba vo kagoa wone ba ke kuri mo ba zuli amo.’ ” 2Pa-faro wom maa we, “Wɔ mo ye Baŋa Wɛ, pa ko maŋe se a sɛ o ni se Isarele tiina bam viiri? Amo yeiri Baŋa Wɛ wom konto, a nam bá pa chwoŋa se Isarele tiina bam viiri.”
3Ba laam ma leiri‑o ba we, “Hiburu tiina Wɛ wom mo tu debam tei. Konto ŋwaane, dé lwoori nmo tei ne se dé na pwola dé kwei da yatɔ chwoŋa dé vo kagoa kam wone dé ke kaanem dáane dé pa dé Tu Baŋa Wɛ. Kokuri to, dé ná wo ke konto, o wó waare debam dedaane jawe-chɛɛro dwi dwi mo, naa o pa se dé to jara-keim wone ye dé te.” 4Pɛ wom ma ve ye o ta o we, “Moses de Aron, bɛ mo ye abam pa se nɔɔna bam yage ba totoŋa? Abam maama jwoori-na á vo á totoŋa ni ne!” 5O ta maa we, “Nii-na ywo! Nɔɔna bam laam tiini ba daga Ejipti tega kam ne, ye á dáa lage se á cheiŋi-ba se ba yé toŋe ba totoŋa yam.”
6Dento dɛ ne, Ejipti Pɛ wom ma bwoŋi dedɛɛra balo na fe tontoŋena bam de totoŋ-chɛɛra to de balo na nii totoŋa yam baŋa ne to, ye o pa-ba ni. O déem maa we:
7“Abam daa yé kwei-na ga-korro á pa nɔɔna bam se ba taa mae ba mage bira. Banto tete laam mo jege se ba beeri ga-korro ba ma ba toŋe totoŋa yam. 8Ba bira yam ba na wó mage to ba jege se ya muri, de fenfee de. Ba ye jawɔre-nyena mo! Konto ŋwaane mo ba beeri chwoŋa se ba vo ba ke kaanem ba pa ba Wɛ wom. 9Pa-na se totoŋa yam tiini ya chɛ ba yera. Konto wó pa se ba yé na yiga se ba daa cheigi vwa yam konto.”
10Balo na fe kabɛ sem de totoŋ-chɛɛra to de totoŋa yiga tiina bam déem ma nwoŋi ba vo ba ta de nɔɔna bam ba we, “Pɛ wom tage tento mo: ‘Amo daa bá pa abam ga-korro. 11Abam mo jege se á vo á beeri ga-korro á pa á tete. Nam ta‑á yei-na we á bira yam á na maŋe á yeini á mage to ba jege se ya muri ya ni ne de fenfee de.’ ”
12Ko déem ma pa se nɔɔna bam jage Ejipti tega kam jei maama ne ba beeri ga-korro se ba ma ba toŋe. 13Balo na fe kabɛ sem de totoŋa to, de déem laam tiini ba fe-ba, ye ba tɛ-ba ba we, “Dɛ maama abam totoŋa yam jege se ya yi ko daama na ye tei ye á jwoŋi ga-korro debam tei ne to mo.” 14Pɛ wom nɔɔna balo na fe kabɛ sem de totoŋ-chɛɛra to déem ma bɛɛse Isarele yiga tiina balo na nii totoŋa yam baŋa ne to. Ba maa jege-ba ba maga ye ba we, “Ko ke da yalei ye á nɔɔna bam wo mage bira yam se ya ja ya ni ne, nenɛɛne ko daama na ye tei to. Bɛ mo kea?”
15Isarele totoŋa yiga tiina bam laam ma vo ba lwoori Pa-faro wom ba we, “Dé Tu, bɛ laam mo kea ye nmo jege debam n ke tento? 16Dedɛɛra bam daa ba pae debam ga-korro se dé taa ma dé toŋa, ye ba ta fe debam se dé mage bira yam se ya yé muri. Ba ta maa jege debam ba maga, ye ko ye banto yiga mo.” 17Pɛ wom ma leiri-ba o we, “Nii jawɔre-nyena banto! Abam na vae totoŋa to ŋwaane mo á kare á beeri chwoŋa amo tei ne se á vo á ke kaanem á pa Baŋa Wɛ. 18Lela! Se á jwoori á totoŋa ni ne! Ba bá pa abam ga-korro. Á nam ta jege se á mage bira yam mo se ya ja ya ni.” 19Isarele totoŋa yiga tiina bam ma lɔre we keim dem laam tiini de chamma mo de pa banto de Isarele tiina bam maama. Kokuri to, ba maane we bira yam ba na wó mage dɛ maama to ba jege se ya muri ya ni ne.
20Nɔɔna bam déem na nwoŋi Pɛ wom tei ne to, mo ba jeeri Moses de Aron. Ba de déem nam maŋe ba zege ba cheigi nɔɔna bam mo se ba ba. 21Ba na nɛ-ba to, mo ba poone de Moses de Aron ba we, “Baŋa Wɛ wó waare abam á na ke kolo to ŋwaane. Abam laam pɛ se debam totoŋa tiini ya lwoi mo Ejipti Pɛ de o dedɛɛra bam momwa ne. Á ta ma á pa-ba pwola se ba go debam.”
22Moses ma pipiri o vo o bwei Baŋa Wɛ o we, “Amo Teiru, bɛ mo ye n tiini n ja cham dento n ba n pa n nɔɔna bam? Nmo boŋe se n ke tento mo ye n toŋe-ne ywo to na? 23Ko zege dɛ delo amo na vei a ŋɔɔne dedaane Pɛ wom nmo yere ŋwaane to, mo o yɔɔre o pae nmo nɔɔna bam cham se ba taa di. Nmo tete nam ba ke kolokolo se n jwoŋi-ba n yage.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)