Nwoŋim 3
3
1Moses déem lɛɛre o jege o tembaaro Jetero bone dem de o pei sem o nii te baŋa ne mo. Jetero déem maa ye Midian tiina kaanem tu. Dɛ dedwe, Moses ma ja vara bam o kɛ kagoa kam kwaga ne, o vo o yi Sinayi peo.#3:1 Sinayi: Hiburu = Horeb (Sinayi yere dedwoŋi) Peo kom konto mo ye Wɛ tete jeiga kam. 2Moses na wora to mo Baŋa Wɛ maleka kam veere ka tete ded‑o ne min-vogo tei to. Moses ma na we mini dem jaane sabara kadwoŋi ye de laam ba di sabara kam de zwɛa. 3Moses ma ta o tete ne we, “Amo wó fɔɔre mo a yi a nii wo-kenkagele dento, se a lɔre bɛ mo ke ye sabara kam ba zwɛa to.”
4 Baŋa Wɛ ma maane we o fɔɔre o yi se o nii. Wɛ ma zege sabara kam wone o bwoŋi‑o o we, “Moses! Moses!” Moses ma leiri we, “Nii-ne da.” 5Wɛ ma ta o we, “Yé tiini n twɛ ywo. Le n natera yam, se mɛ n na zege to ye amo tete nyem mo.” 6O daa ta ma ta o we, “Amo ye nmo kwo Wɛ wom mo. A maa kwori a ye nmo nabaara Wɛ wom: Abaraham Wɛ wom, de Izaak Wɛ wom, dedaane Jakob Wɛ wom mo.” Moses déem na nigi konto to mo o seigi o yibia. O déem kɔre se o nii o na Wɛ.
7 Baŋa Wɛ ma ta o we, “Chega to, amo maane cham delo na yi a nɔɔna bam Ejipti ne to. Ba totoŋa yiga tiina bam na tiini ba bɛɛse-ba pa se ba keeri tei maama to zo amo zwa. A yiga nam wo ba yaara yam wone. 8Konto ŋwaane, amo laam tu ba tei se a jwoŋi-ba mo a yage Ejipti tiina bam jeŋa ne. Amo ta wó pa se ba zaŋe ba nwoŋi ba vo ba jeini tega kalo na lamma ye ka daga to baŋa ne. Tega kam konto ywomma de varem de kɔnɔ. Ko nam ye tega kalo Kanaan tiina bam, de Hiti tiina bam, de Amori tiina bam, de Pɛrizi tiina bam, de Hivi tiina bam, dedaane Jebusi tiina bam maama na zoore to mo.#Pulim 15:18-21 9Isarele tiina bam keira kam yi-ne, ye a ta kwori a na Ejipti tiina bam na jege-ba ba bɛɛse tei maama to. 10Konto ŋwaane, a laam nam lage a toŋe nmo mo se n vo Ejipti Pɛ wom tei n ja amo nɔɔna Isarele tiina bam n nwoŋi Ejipti teo kom ne.”
11Moses ma ta de Wɛ o we, “Amo ye wɔ mo? A muri se a vo Pa-faro wom tei a ja Isarele tiina bam a nwoŋi Ejipti ne.” 12Wɛ daa ta ma ta o we, “Amo wó taa wora nmo tei ne. Memaŋe dento mo wó bere we amo mo seene a toŋe‑m: Nmo ná jaane a nɔɔna bam n nwoŋi Ejipti ne, abam laam wó ba peo konto yuu ne mo á zuli-ne.”#Nwoŋim 19:3
13Moses ma leiri o we, “Amo nam ná vei Isarele tiina bam tei ye a ta-ba we ‘Abam nabaara Wɛ wom mo toŋe-ne á tei ne,’ ba wó wane ba bwei amo we ‘Wɛ wom konto yere mo bɛ?’ Tetɛ mo amo wó leiri-ba?”
14Wɛ ma ta de Moses o we, “Amo mo ye a na maŋe a ye wolo to. Ta dedaane Isarele tiina bam we, Amo-maŋe-a-wora-taa-wuu mo toŋe‑m ba tei ne.”#Nwoŋim 6:3 15Wɛ ma daare o ta de Moses o we:
“Ta de Isarele tiina bam we, ‘Taa wuu Tu Baŋa Wɛ na ye á nabaara Wɛ wom to, Abaraham Wɛ wom, de Izaak Wɛ wom, de Jakob Wɛ wom mo toŋe-ne á tei ne.’ Amo yere dem mo konto se ko taa vei wuu. Ko ná zege dwi dedwe ne se ko vo ko yi dwi dedwoŋi ne, yere dem konto mo ba wó taa mae ba guli a gula. 16Nam véi n la Isarele nakwa bam n ke daane se n ta-ba we, ‘Baŋa Wɛ wom na ye abam nabaara Wɛ wom to, Abaraham Wɛ wom, de Izaak Wɛ wom, de Jakob Wɛ wom mo tu amo tei. O nam tage o we: Amo seene a nii á baŋa ne mo, ye a na kolo maama na yi abam Ejipti ne to. 17Amo nam maŋe a pwooli we a lage a ja abam a nwoŋi á yaara yam wone á na nɛ Ejipti ne to. Amo ta wó pa se á zaŋe á vo tega kalo Kanaan tiina bam na zoore da to, de Hiti tiina bam, de Amori tiina bam, de Pɛrizi tiina bam, de Hivi tiina bam, dedaane Jebusi tiina bam. Tega kam konto ywomma mo de varem de kɔnɔ.’
18Nmo ná tage konto dwoŋi, Isarele nakwa bam wó sɛ n taane dem. Nmo laam jege se n ja-ba se á vo Ejipti pɛ wom tei, ye á ta ded‑o we, ‘Baŋa Wɛ wom na ye Hiburu tiina bam Wɛ to mo tu debam tei. Konto, pa debam pwola se dé ma da yatɔ dé kwei chwoŋa dé vo kagoa kam wone dé ke kaanem dáane dé pa dé Tu Baŋa Wɛ wom.’ 19Amo nam yei we Pɛ wom bá sɛ o pa abam pwola se á vo, ko ná dae we a mɛ dam mo a fe‑o. 20Amo laam wó ma a dam a waare Ejipti tiina bam dedaane wo-kenkagela yalo a na wó ke ba tetare ne to. Ko kwaga ne mo Pɛ wom laam wó pa abam chwoŋa se á viiri.
21Amo nam ta wó pa se á kikia su Ejipti tiina bam yi. Konto wó pa se á bá gwɛ de je-yaara á viiri. 22Abam kaana maama jege se ba vo ba fara balo na ye Ejipti tiina kaana to tei mo, dedaane kaane wolo maama na zoore ba sɔŋɔ ne to tei. Ba laam maa wó lwoori ba na lu-nyenno wonnu, de sabu-seŋa wonnu, dedaane gwaaro telo á bia na wó taa jege ba zoore to. Abam ná ke konto mo, á wó ma swa á ja Ejipti tiina bam jejegero tem á woli da á viiri.”
Currently Selected:
Nwoŋim 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 3
3
1Moses déem lɛɛre o jege o tembaaro Jetero bone dem de o pei sem o nii te baŋa ne mo. Jetero déem maa ye Midian tiina kaanem tu. Dɛ dedwe, Moses ma ja vara bam o kɛ kagoa kam kwaga ne, o vo o yi Sinayi peo.#3:1 Sinayi: Hiburu = Horeb (Sinayi yere dedwoŋi) Peo kom konto mo ye Wɛ tete jeiga kam. 2Moses na wora to mo Baŋa Wɛ maleka kam veere ka tete ded‑o ne min-vogo tei to. Moses ma na we mini dem jaane sabara kadwoŋi ye de laam ba di sabara kam de zwɛa. 3Moses ma ta o tete ne we, “Amo wó fɔɔre mo a yi a nii wo-kenkagele dento, se a lɔre bɛ mo ke ye sabara kam ba zwɛa to.”
4 Baŋa Wɛ ma maane we o fɔɔre o yi se o nii. Wɛ ma zege sabara kam wone o bwoŋi‑o o we, “Moses! Moses!” Moses ma leiri we, “Nii-ne da.” 5Wɛ ma ta o we, “Yé tiini n twɛ ywo. Le n natera yam, se mɛ n na zege to ye amo tete nyem mo.” 6O daa ta ma ta o we, “Amo ye nmo kwo Wɛ wom mo. A maa kwori a ye nmo nabaara Wɛ wom: Abaraham Wɛ wom, de Izaak Wɛ wom, dedaane Jakob Wɛ wom mo.” Moses déem na nigi konto to mo o seigi o yibia. O déem kɔre se o nii o na Wɛ.
7 Baŋa Wɛ ma ta o we, “Chega to, amo maane cham delo na yi a nɔɔna bam Ejipti ne to. Ba totoŋa yiga tiina bam na tiini ba bɛɛse-ba pa se ba keeri tei maama to zo amo zwa. A yiga nam wo ba yaara yam wone. 8Konto ŋwaane, amo laam tu ba tei se a jwoŋi-ba mo a yage Ejipti tiina bam jeŋa ne. Amo ta wó pa se ba zaŋe ba nwoŋi ba vo ba jeini tega kalo na lamma ye ka daga to baŋa ne. Tega kam konto ywomma de varem de kɔnɔ. Ko nam ye tega kalo Kanaan tiina bam, de Hiti tiina bam, de Amori tiina bam, de Pɛrizi tiina bam, de Hivi tiina bam, dedaane Jebusi tiina bam maama na zoore to mo.#Pulim 15:18-21 9Isarele tiina bam keira kam yi-ne, ye a ta kwori a na Ejipti tiina bam na jege-ba ba bɛɛse tei maama to. 10Konto ŋwaane, a laam nam lage a toŋe nmo mo se n vo Ejipti Pɛ wom tei n ja amo nɔɔna Isarele tiina bam n nwoŋi Ejipti teo kom ne.”
11Moses ma ta de Wɛ o we, “Amo ye wɔ mo? A muri se a vo Pa-faro wom tei a ja Isarele tiina bam a nwoŋi Ejipti ne.” 12Wɛ daa ta ma ta o we, “Amo wó taa wora nmo tei ne. Memaŋe dento mo wó bere we amo mo seene a toŋe‑m: Nmo ná jaane a nɔɔna bam n nwoŋi Ejipti ne, abam laam wó ba peo konto yuu ne mo á zuli-ne.”#Nwoŋim 19:3
13Moses ma leiri o we, “Amo nam ná vei Isarele tiina bam tei ye a ta-ba we ‘Abam nabaara Wɛ wom mo toŋe-ne á tei ne,’ ba wó wane ba bwei amo we ‘Wɛ wom konto yere mo bɛ?’ Tetɛ mo amo wó leiri-ba?”
14Wɛ ma ta de Moses o we, “Amo mo ye a na maŋe a ye wolo to. Ta dedaane Isarele tiina bam we, Amo-maŋe-a-wora-taa-wuu mo toŋe‑m ba tei ne.”#Nwoŋim 6:3 15Wɛ ma daare o ta de Moses o we:
“Ta de Isarele tiina bam we, ‘Taa wuu Tu Baŋa Wɛ na ye á nabaara Wɛ wom to, Abaraham Wɛ wom, de Izaak Wɛ wom, de Jakob Wɛ wom mo toŋe-ne á tei ne.’ Amo yere dem mo konto se ko taa vei wuu. Ko ná zege dwi dedwe ne se ko vo ko yi dwi dedwoŋi ne, yere dem konto mo ba wó taa mae ba guli a gula. 16Nam véi n la Isarele nakwa bam n ke daane se n ta-ba we, ‘Baŋa Wɛ wom na ye abam nabaara Wɛ wom to, Abaraham Wɛ wom, de Izaak Wɛ wom, de Jakob Wɛ wom mo tu amo tei. O nam tage o we: Amo seene a nii á baŋa ne mo, ye a na kolo maama na yi abam Ejipti ne to. 17Amo nam maŋe a pwooli we a lage a ja abam a nwoŋi á yaara yam wone á na nɛ Ejipti ne to. Amo ta wó pa se á zaŋe á vo tega kalo Kanaan tiina bam na zoore da to, de Hiti tiina bam, de Amori tiina bam, de Pɛrizi tiina bam, de Hivi tiina bam, dedaane Jebusi tiina bam. Tega kam konto ywomma mo de varem de kɔnɔ.’
18Nmo ná tage konto dwoŋi, Isarele nakwa bam wó sɛ n taane dem. Nmo laam jege se n ja-ba se á vo Ejipti pɛ wom tei, ye á ta ded‑o we, ‘Baŋa Wɛ wom na ye Hiburu tiina bam Wɛ to mo tu debam tei. Konto, pa debam pwola se dé ma da yatɔ dé kwei chwoŋa dé vo kagoa kam wone dé ke kaanem dáane dé pa dé Tu Baŋa Wɛ wom.’ 19Amo nam yei we Pɛ wom bá sɛ o pa abam pwola se á vo, ko ná dae we a mɛ dam mo a fe‑o. 20Amo laam wó ma a dam a waare Ejipti tiina bam dedaane wo-kenkagela yalo a na wó ke ba tetare ne to. Ko kwaga ne mo Pɛ wom laam wó pa abam chwoŋa se á viiri.
21Amo nam ta wó pa se á kikia su Ejipti tiina bam yi. Konto wó pa se á bá gwɛ de je-yaara á viiri. 22Abam kaana maama jege se ba vo ba fara balo na ye Ejipti tiina kaana to tei mo, dedaane kaane wolo maama na zoore ba sɔŋɔ ne to tei. Ba laam maa wó lwoori ba na lu-nyenno wonnu, de sabu-seŋa wonnu, dedaane gwaaro telo á bia na wó taa jege ba zoore to. Abam ná ke konto mo, á wó ma swa á ja Ejipti tiina bam jejegero tem á woli da á viiri.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)