3 Jɔn 1
1
1Amo wolo na ye Yezu kɔgɔ kom nakwe to mo popone tɔnɔ konto se a pa a badwoŋ-swono Gayus. Chega ŋwaane to, amo swoi nmo lanyerane.
2Amo badwoŋ-swono, amo yeini a lwoori Wɛ a pa nmo se n ta‑n jege yazura de yiga-veiŋa woŋo maama wone, ne n bochare de na fɔge tei Wɛ chwoŋa tɔgem ŋwaane to. 3Dé nu-bia badaara tu ba ta nmo taane, ye ko pa a tiini a na wopwolo, de a na lɔre we n fɔge n zege Wɛ chega kam wone to. A yei we n yɔɔre n tɔge chega chwoŋa kam konto mo. 4Amo ná yeini a lɔre we a bia bam seene ba tɔge chega chwoŋa kam, ko pae wopwolo tiini ko wora a tei ne se ko gaale.
5Amo badwoŋ-swono, nmo tɔge chwoŋa lanyerane de n na yeini n woli dé nu-bia bam tei to, ne ba ná maŋe ba ye veira mo de. 6Dé nu-bia bam zege Yezu kɔgɔ kom yiga ne ba ta nmo na jege ba swono tei to. Ko lana se n ta‑n woli-ba ba chwoŋa kam veiŋa wone, se ko maŋe de Wɛ boboŋa na lage tei to. 7Kolo ŋwaane nɔɔna bam konto na nwoŋi se ba kekare logo kom to, ko ye se ba zeiŋi Yezu Krista yere dem mo. Ba maa ba sɛa se ba jwoŋi kolokolo balo na yeiri Wɛ to jeŋa ne. 8Konto ŋwaane ko maŋe se debam mo woli nɔɔna bam konto dwi ba totoŋa yam seeni, se ko bere we debam de tɔge dé toŋe Wɛ chega kam ŋwaane.
9Amo déem popone tɔnɔ a pa Yezu kɔgɔ kolo na wo nmo tei ne to. Dioterefa yiga nam tera debam wone. O maa lage se o taa ye á kɔgɔ kom yiga tu. 10Konto ŋwaane, amo ná tu abam tei, a laam wó ta o kikia yam maama jaja se nɔɔna lɔre. Wonto yeini o ŋɔɔne ta-balwaaro mo o ke debam yuu ne. Konto nam ta ba pwoli o wo. Kolo na woli da to, o yeini o ba sɛ se o jeeri dé nu-bia bam lanyerane o daare o cheiŋi balo na lage se ba jeeri-ba lanyerane to, ye o ta zeili-ba Yezu kɔgɔ kom wone.
11Amo badwoŋ-swono, yé sɛ n lwoni keim-lwanno, se n daare n ta‑n tɔge keim-laaro. Wolo maama na toŋe keim-laaro to ye Wɛ nyem mo. Wolo nam na toŋe keim-lwanno to ta wo lɔre Wɛ. 12Ko nam ná ye Demetiru, nɔɔna maama pae o ye nɔn-ŋom. O na tɔge chega kam tei to de bere we o ye nɔn-ŋom. Debam ywo-seeni de zege o chega kam kwaga ne, ye á yei we dé na tɛ kolo to seene ko ye chega mo.
13Amo ya jege wonnu dedɛ se a ta a bere abam. A nam ba lage se a popone a ke tɔnɔ ne. 14Wɛ ná pɛ chwoŋa, a nam wó ba abam tei leile, se dé laam ŋɔɔne daane jaja.
15Wɛ wó pa‑m yazura.
Dé badwoŋ-swonnu na wo ywo-seeni to mo jɔɔne nmo. Nmo de jɔɔne dé badwonna bam dedoa dedoa n pa debam.
Currently Selected:
3 Jɔn 1: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)