ဂါလာတိ နိဒါန်း
နိဒါန်း
စာရွီးဆရာ အကြောင်း
စာရွီးဆရာ နာမည် ပေါလု ဖြစ်ပါရေ (ဂါလာတိ ၁:၁-၂)။ စာရွီးဆရာ အကြောင်းကို အလှပ သိချင်ရေဆိုကေ ရောမဩဝါဒ စာစောင် နိဒါန်းမာ ကြည့်ပါ။
စာရွီးစာ အချိန်န နေရာ
ခရစ်သက္ကရာဇ် ၄၈ နှစ်လှောက်မာ ရှုရိပြည်နယ် အန္တိအုတ်မြို့က မဟုတ်ကေ ယေရုရှလင်မြို့ကနီရို့ ဒေ စာစောင်ကို ရွီးလီစာ ဖြစ်နိုင်ပါရေ။ ဒေ စာစောင် မဟုတ်ကေ ယာကုပ်ဩဝါဒ စာစောင်စာ ဓမ္မသစ်ကျမ်းမာ ပထမ ရွီးလီစာ စာစောင် ဖြစ်နိုင်ပါရေ။
စာရွီးဆရာ၏ ရွယ်မှတ်ချက်
ဒေ စာစောင်ကို ရွီးလီစာ အကြောင်းကား၊ ဂါလာတိပြည်နယ် အသင်းတော်မာ ကျုံသူရို့စာ ထာဝရဘုရား၏ ကျေးဇူးတော်ကို မိလားခရို့ မှားယွင်းစာ သွန်သင်ချက်ကို လက်ခံလီကတ်ပါရေ၊ အကြောင်းကား တစ်ချိုး အယောင်ဆောင် ဆရာရို့စာ ကျုံခြင်းတရားနအတူ ပညှတ်တရားကိုလည်း လိုက်နာရဖို့ ဆိုပြီးကေ သွန်သင်ပီးလီကတ်ပါရေ။ ယင်းအတွက်န ပေါလုစာ သတင်းကောင်းကို ဂရုစိုက်ရို့ ဒေပိုင် ရှင်းပြလီပါရေ၊ ပညှတ်တရားကနီရို့ ကယ်တင်ခြင်းကို မရနိုင်၊ ယေကေလည်း ခရစ်တော်ကို ကျုံခြင်းကနီရို့ရာ ကယ်တင်ခြင်းကို ရနိုင်ရေ (ဂါလာတိ ၃:၁၁၊ ၅:၂-၆၊ ၆:၁၅)။ ယင်းအတွက်န ကယ်တင်ခြင်းကို ရသူရို့စာ အရာတစ်ပြန် ပညှတ်တရားအောက်မာ ကျွန်မခံဘိုင်းန လွတ်လပ်ခြင်းမာ နီကတ်ရဖို့ (ဂါလာတိ ၅:၁၊ ၁၃)။ အရာ လွတ်လပ်သူအနေန သန့်ရှင်းသောဝိညာဉ်တော်၏ အသီးတိကို သီးကတ်ရဖို့ (ဂါလာတိ ၅:၁၈၊ ၂၂-၂၃)။
စာအုပ် ခွဲခြားမှု
ဒေ စာစောင်စာ အခြားစာစောင်တိထက် ခွဲခြားမှု ဖြစ်တေကား၊ ဒေ စာစောင်မာ ကျုံသူရို့ကို ချီမွမ်းစာ စကားန နှုတ်ဆက်စာ စကား တစ်ခွန်းလည်း မပါပါ။
ဒေ ဂါလာတိဩဝါဒ စာစောင်စာ အခြားစာစောင်တိန ခွဲခြားကေလည်း ရောမဩဝါဒ စာစောင်နတူပါရေ၊ အကြောင်းကား ရောမဩဝါဒ စာစောင်မာပိုင် ပညှတ်တရားကနီရို့ ကယ်တင်ခြင်းကို မရနိုင်၊ ယေကေလည်း သက်သက် ကျုံခြင်းတရားကနီရို့ရာ ကယ်တင်ခြင်းကို ရနိုင်ရေဆိုစာ စကားစာ ဂါလာတိဩဝါဒ စာစောင်မာလည်း ရွီးရို့ ဟိပါရေ။
အကြောင်းအရာ အကျဉ်းချုပ်
(က) နှုတ်ဆက်ခြင်း ၁:၁-၁၀
(ခ) တမန်တော်အနေန ပေါလု၏ အခွင့်အာဏာ ၁:၁၁-၂:၂၁
(ဂ) ထာဝရဘုရား၏ ကျေးဇူးတော် သတင်းကောင်း ၃:၁-၄:၃၁
(ဃ) ခရစ်ယာန် တစ်ယောက် လွတ်လပ်ချက် ၅:၁-၆:၁၀
(င) အဆုံးသတ်ချက် စကား ၆:၁၁-၁၈
Currently Selected:
ဂါလာတိ နိဒါန်း: RMZ
Highlight
Copy
Compare
Share
Want to have your highlights saved across all your devices? Sign up or sign in
©2023 Wycliffe Bible Translators, Inc.