Htû̌sò̌htò̌ 136
136
Ta̤htûsò̌htò̌ǐ Cǒmara ata̤mô̤ dǒ ahǎbòjò tô̤̌
1Cǒmara tûjû̌pwa̤ wô̌ mî̌ca, hî̌bwǐhî̌sîrîhtò̌ lô̌khô lû̌û.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.#Lî̤wě̤mǎnǎ awǐlǒ tôbǎ 16:34; Lî̤wě̤mǎnǎ ginǐ̤bǎ tôbǎ 5:13, 7:3; Ěsara 3:11; Htû̌sò̌htò̌ 100:5, 106:1, 107:1, 118:1; Yeramǐya 33:11
2Hî̌bwǐhî̌sîrîhtò̌ Cǒmaradû̌ dǒ asîrîpô̤phǎ lǒkhlo kû̌ Cǒmara dǒ ashǐshawa̤ tokhlǒ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
3Hî̌bwǐhî̌sîrîhtò̌ Běcǎdû̌ dǒ asîrîdû̌sîrîhtû lǒkhlo kû̌ Běcǎ dǒ ashǐshawa̤ tokhlǒ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
4Pwa̤ dǒ a ma̤jò ta̤cô̌klî̌cô̌sè numî̌ tǒ̤ Cǒmara pwǎ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
5Cǒmara mî̌ pwa̤ dǒ a bô̌lò̤ mǒkhû̌ kû̌ ata̤sî̌yaphlôphǎ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.#Mǒhtûlû̌hǎhtûsa 1:1-19; Htû̌sò̌htò̌ 104:24; Pwa̤sî̌pwa̤jò̌phû̌ alě̤yô̤̌ 8:27-30
6A mî̌ pwa̤ dǒ a dalò̤ hǎkhû̌ dǒ shidû̌tawe̤kû.#Mǒhtûlû̌hǎhtûsa 1:2; Yashǎya 42:5, 44:24
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
7A mî̌ pwa̤ dǒ a bô̌lò̤ lṳmṳ̌, la kû̌ shǎ.#Mǒhtûlû̌hǎhtûsa 1:16
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
8A mî̌ pwa̤ dǒ a no pǒǐ lṳmṳ̌ kû̌ lṳmṳ̌sha.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
9A mî̌ pwa̤ dǒ a no pǒǐ la, shǎ kû̌ lṳmṳ̌khǐ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
10Cǒmara mî̌ pwa̤ dǒ a ma̤si kèbò Ijǐgǎ phû̌wè̤̌pwǎ̤ tokhlǒ.#Hǎplǎge 12:29; Htû̌sò̌htò̌ 78:51, 135:8
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
11A mî̌ pwa̤ dǒ a kaǎge Isôrě̤lakhlilèphû̌ tokhlǒ dǒ Ijǐgǎ.#Hǎplǎge 12:51
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
12A mî̌ pwa̤ dǒ a kaǎhtò̌ asî kû̌ acǔde dǒ asîrîshû̌sho, acǔgô̌ dǒ asîrîpô̤phǎ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
13A mî̌ pwa̤ dǒ a ma̤phò̌ shidû̌shitewe̤li̤ ginǐ̤khô.#Hǎplǎge 14:21-29
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
14A mî̌ pwa̤ dǒ a no jûlò̤phlǔ Isôrě̤lakhlilè tokhlǒ dǒ shidû̌shitewe̤li̤ aklǎmakû.#Hǎplǎge 14:22
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
15A mî̌ pwa̤ dǒ a ma̤lò̤cǔsi kèbò Ijî̌gǎkhwǐ kû̌ akliphû̌ tokhlǒ dǒ shidû̌shitewe̤li̤kû.#Hǎplǎge 14:27
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
16A mî̌ pwa̤ dǒ a sûcû̌tûlûbò̌kè a kòyò tokhlǒ kû̌ gǎshashigǎkhû̌.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
17Cǒmara mî̌ pwa̤ dǒ a ma̤pè̤̌kè khwǐ dǒ a ta̤suwi̤sòwò̤ tokhlǒ.
Ata̤mô̤ dǒ ahǎbòjò tô̤̌ nu, a ô̌měô̌gle tûjû̌pwa̤.
18A mî̌ pwa̤ dǒ a ma̤sikè khwǐ dǒ asîrîdû̌sîrîhtû tokhlǒ.
Ata̤mô̤ dǒ ahǎbòjò tô̤̌ nu, a ô̌měô̌gle tûjû̌pwa̤.
19A mî̌ pwa̤ dǒ a ma̤sikè Amò̤rǐkhlilèphû̌ khwi Khwǐsǐhû.#Cû̌lèmi̤kla 21:21-30; Dǒhtû̌ǐ 2:30-33; Htû̌sò̌htò̌ 135:11
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
20A mî̌ pwa̤ dǒ a ma̤sikè Bashagǎkhwǐ Khwǐûbǎ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
21A mî̌ pwa̤ dǒ a ǐ khwǐ nutokhlǒ ahǎkhû̌ kû̌ a kòyò tokhlǒ aya û̌cata̤bǐ.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
22Û̌cata̤bǐ hǒo, abè̌kè kû̌ apwa̤ma̤ta̤phû̌ Isôrě̤lakhlilèphû̌.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
23Bǎ pa khû̌shiǎjǎ jî̌le akhanu, Cǒmara shôpe̤ nô̌ pa tô̤̌.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
24A mî̌ pwa̤ dǒ a ma̤hǎplǎkè pa dǒ pwa̤sǎkhě pa tokhlǒ acǔdekû.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
25A mî̌ pwa̤ dǒ a ǐ ta̤bǎbô̌ dǒ ata̤htûpwa̤ ô̌ lǒ̤bò alǎ̤ǎlǎ̤ô aya.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
26Hî̌bwǐhî̌sîrîhtò̌ Cǒmaradû̌ dǒ a pǒǐ mǒkhû̌ nutôpwa̤.
Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.
Currently Selected:
Htû̌sò̌htò̌ 136: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
