Htû̌sò̌htò̌ 135
135
Lî̤sǎwǐ htû̌sò̌htò̌
1-2Ǒ꤮ pwa̤ ô̌ dǒ Cǒmara tûjû̌pwa̤ ahǐ, pa Cǒmaradû̌ ata̤lṳhtò̌hôkû tokhlǒ sî꤮, htû̌sò̌htò̌ Cǒmara tûjû̌pwa̤, htû̌sò̌htò̌ mò̌ lû̌mi̤.
Cǒmara tûjû̌pwa̤ apwa̤ma̤ta̤phû̌ sî꤮, htû̌sò̌htò̌ mò̌ lô̌khô.
3Cǒmara tûjû̌pwa̤ mî̌ awô̌ mî̌ca akhû̌akhî, htû̌sò̌htò̌ mò̌ lû̌û.
A sǎphlǒwô̌꤮ mî̌ca akhû̌akhî, sǎwǐhtûsò̌htò̌ mò̌ ami̤.
4Cǒmara tûjû̌pwa̤ rû̌htò̌ hǒ Phayakò akhlialè tokhlǒ kû̌ aya tûû̌.
A rû̌htò̌ Isôrě̤la khlilèphû̌nu kû̌ alě̤dû̌pwî̤htû.#Hǎplǎge 19:5; Dǒhtû̌ǐ 7:6, 14:2
5He sî̌ganǎ̤ kû̌ Cǒmara tûjû̌pwa̤ mî̌ asîrîpô̤phǎ.
Paběcǎdû̌ mî̌ adû̌ahtû lǒ꤮ khlo kû̌ Cǒmara dǒ ashǐshawa̤ tokhlǒ lǒ̤꤮ bò.
6Dǒ mǒkhû̌ nobǎbǎ, bǎ hǎkhû̌nu bǎbǎ, dǒ shidû̌tawe̤kû bǎbǎ, dǒ shidû̌shite̤we̤ kòda nubǎbǎ, Cǒmara tûjû̌pwa̤ ma̤ lǒ̤bò pô̤̌ a sǎyṳma̤nu.
7A no htò̌ poǒlṳ̌ dǒ mǒgòtṳ̌kòshǐ, a no htûhtò̌ shî̌lî̌bǒbǒ, khwè̌juju.
Gilisǎ ô̌ dǒ Cǒmara ala̤bè̌ô̌plǒ gili̤sǎ gûlǎ̤ tokhlǒ a no sǎhè gili̤sǎ.#Yeramǐya 10:13
8Cǒmara tûjû̌pwa̤ ma̤si kèbò Ijǐgǎ phû̌wè̤̌pwǎ̤ kû̌ ta̤phû̌ta̤li̤ wè̤̌pwǎ̤.#Hǎplǎge 11:1-12:30; Htû̌sò̌htò̌ 78:51, 105:36
9Cǒmaradû̌ dǔlṳ̌ ata̤cô̌klî̌cô̌cè kû̌ ta̤sǔkhǔsǔsò̌ tokhlǒ dě a shěpě̤ Ijî̌gǎkhwǐ kû̌ lǒ̤bò apwa̤ma̤ta̤phû̌ tokhlǒ.#Hǎplǎge 7:1-10:29; Dǒhtû̌ǐ 6:22, 24:11
10A ma̤pî̌kè dû̌wî̤ mî̌ca khlilèphû̌ tokhlǒ, htokhôtô̤̌ a ma̤sikè khwǐ dǒ a ta̤shû̌ta̤sho tokhlǒ.
11A ma̤sikèbò Amò̤rǐkhlilè khwi Khwǐsǐhû,#Cû̌lèmi̤kla 21:21-24; Dǒhtû̌ǐ 2:30-33; Htû̌sò̌htò̌ 136:19 Bashagǎkhwǐ khwǐûkǎ kû̌ lǒ̤bò Khanagǎ akhwǐ tokhlǒ.#Cû̌lèmi̤kla 21:33-35; Dǒhtû̌ǐ 3:1-6; Htû̌sò̌htò̌ 136:17-20
12Asî hǎkhû̌ tokhlǒnu, a ǐ kè kû̌ a kòyò Isarela khlilèphû̌ tokhlǒ kû̌ û̌cata̤bǐ.
13Ǒ꤮ Cǒmara tûjû̌pwa̤, nami̤ mî̌ a ô̌gleô̌mě tajû̌ pwa̤.
Ǒ Cǒmara tûjû̌pwa̤, nami̤ gǔ lṳ̌shilṳ̌gǎ tûû̌ tajû̌꤮ pwa̤.
14Cǒmara tûjû̌pwa̤ gǔ ô̌cu dǒ a kòyò tôkhô.
A gǔ sǎyṳgwèbǎǐ ǐtû̌ apwa̤ma̤ta̤phû̌ tokhlǒ.
15Khlilè shǔshawa̤ tokhlǒ a Cǒmara ya̤yô̤ya̤gî̌ mî̌ kòyòhǎkhû̌phû̌ bô̌ lû̌ dě kòyò ma̤pwǎ lû̌ kû̌ ruhta.#Htû̌sò̌htò̌ 115:4-8; Ta̤dǔlè̌lṳ̌htò̌ 9:20
16Akhû̌phě ô̌ bǎbǎkǎlè a hî̌bǎ jò tô̤̌.
Amǐ̤sǎphlǒ ô̌ bǎbǎkǎlè a kè̌shǐjò tô̤̌tô̤̌.
17Anò̌ku ô̌ bǎbǎkǎlè a ganǎ̤de jò tô̤̌.
Anò̌khî ô̌ bǎbǎkǎlè a sǎhtò̌sǎnṳ̌ jò tô̤̌ ya.
18Lǒ̤꤮ bò kòyò dǒ a bô̌ kòyòyô̤ nutokhlǒ bǎbǎ, a nǎla̤ǐ kòyòyô̤ nutokhlǒ bǎbǎ, a gǔ sô̌sô̌ kû̌ kòyòyô̤.
19Ǒ꤮ Phaisarěla akhlialè sî, htû̌sò̌htò̌ Cǒmara tûjû̌pwa̤.
Ǒ Pha Arṳ̂ akhlialè pwa̤shû̌gǎ sî, htû̌sò̌htò̌ Cǒmara tûjû̌pwa̤.#Htû̌sò̌htò̌ 115:9-11
20Ǒ꤮ phalewǐ akhlialè sî, htû̌sò̌htò̌ Cǒmara tûjû̌pwa̤.
Ǒ꤮ kòyò dǒ a ǐsha bè̌dubè̌nǎ̤ Cǒmara tûjû̌pwa̤ sî, htû̌sò̌htò̌ Cǒmara tûjû̌pwa̤.
21Kòyò gǔ htû̌sò̌htò̌ tûû̌ Cǒmara tûjû̌pwa̤ ô̌ dǒ khôlô Sǐû Wî̤̌yarǔshôlekû nutôpwa̤.
Htû̌sò̌htò̌ Cǒmara tûjû̌pwa̤ nî̌꤮.
Currently Selected:
Htû̌sò̌htò̌ 135: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
