Roma 7
7
1Mado mulu dora ania si do eri, doora kera (uria nau ku ṉata isana wane ki na mulu thaitoomana ṉa lo), na ṉa lo kai ana ana wane si maṉa nia kai maruki u bana? 2Sulaania ṉa lo kai suuwai nia ai ila ai kai to isana kwaina si maṉa wane eri kai maruki bana; ma sui mada sa wane eri e mae, kera luke nia faisia ṉa lo sulia kwaina. 3Mania mada sa nia kai toowane bia ta wane lau, si maṉa kwaina e maruki u, keki alaṉi nia ana kini e oe: ma mada sa kwaina e mae naa, nia kai tonee to faisia ṉa lo, adedea si maṉa ne toowane mena bia ta wane lau, nia kini e ai si oe. 4Mania, doora kera, ni kamulua lau boo kera adea na mulu mae naa faisia ṉa lo ana seena tha Christ; fasi muki toowane ata Wane lau, ana Wane eri na kera tataea faisia toa mae ki, fasi kuki fuṉu ana foee do ifatha God. 5Sulaania si maṉa ba na kulu abula sulia see imole, si lio taa ki, ne lae mai ana ṉa lo, e ra asi do na ana seekulua ki fasi kai fuṉu ana foee do ifana maea. 6Ma si maṉa eri kera luke kulu sui naa faisia ṉa lo, uria na kulu mae naa asi do eri na kera rau ani kulu ania; adedea kuka ra ana tala falu atha Spirit, kusi ra ana tala totonao asi do eri na kera keda.
7Sui si ta na kuki sorea? Na lo na ṉa abula taa la? Si do ka ai neri. Una ena mena, ṉa lo e ai faisia, nau kwasi thaitoomana abula taa la: uria nau kwasi thaitoomana si lio ana thathami lana si do kera ki, mada sa ṉa lo e ai si sorea, Osi thathathamia si do kera ki: 8Ma abula taa la, ne rikia si maṉa nia, e ra ani nau uria si ṉata fifi eri ku thathamia si do oro eeta kera ki: sulaania ṉa lo e ai faisia, abula taa la e mae. 9Ma dini mai inao ku maruki boo, ṉa lo e ai faisi nau: ma sui si maṉa si ṉata fifi e fula mai, abula taa la e maruki lau, ma ni nau ku mae; 10Ma si ṉata fifi eri, ṉa do ana marukia, si do eri boo nau ku fulatoona ṉa do ana maea: 11Uria abula taa la, ne rikia si maṉa nia, e lole nau asi ṉata fifi eri, me thauṉi nau ania. 12Mania ṉa lo e abu, ma si ṉata fifi e abu, ma kokoto, ma lea. 13Sui si do lea eri e ’uria maea ani nau? Si do ka ai neri. Abula taa la ana, fasi keki fatai nia na abula taa la ni boo, uria ne ṉalia mai ṉa maea iaku asi do eri ne lea; — fasi uria si ṉata fifi abula taa la kai taa faamau ka tatha. 14Sulaania kulu thaitoomana ṉa lo do tha Spirit: ma ni nau do ana see imole, kera usi ani nau ifara abula taa la. 15Uria si do na nau ku ilia nau kwasi thaitoomana: uria si do nau ku thathamia e ai, na nau ku ilia ṉado; si do ku rikia ka taa, si do eri ku ilia. 16Ma mada sa si do ku lalakwatania, na nau ku ilia neri, nau ku ala fafia ṉa lo ne lea. 17Mania si maṉa eri ni nau e ai lau na ku ilia si do eri, abula taa la na ni ani nau. 18Sulaania ku thaitoomana e ai ta do lea si ni ani nau, ana seeku neri: uria na thathami lana si do ne lea, ku thathamia boo, ma ili lana ku dora ania. 19Sulaania si do lea na nau ku thathamia, kwasi ilia: ma si do taa na nau ku lalakwatania, ku ilia ṉado. 20Ma sui mada sa si do ku lalakwatania, na nau ku ilia neri, ni nau e ai lau na ku ilia si do eri, abula taa la na ni ani nau. 21Sui nau ku fulatoona si lo eri neri, nau, wane ku thathamii ilia lea la, taa la ni mai isaku. 22Uria na wane nai ruruuku e seethathala ana ṉa lo tha God: 23Ma nau ku rikia ta lo eeta lau, ni ana si do na ana seeku ki, na ka firu bia ṉa lo ana ruruuku, ma ka suuwai nau ku roo sulia ṉa lo ana abula taa la na ni ana si do eki ana seeku. 24Wane ni ruruuku ne taa iamu ae! ni tei na kai faamaruki nau faisia seedo ana maea eri? 25Ku sore lea atha God, ni nia neri atha Jesus Christ na Lord kulu. Mania ni nau ana manataku ku ra ifana ṉa lo tha God; ma ana see imole ku ra ifana ṉa lo ana abula taa la.
Currently Selected:
Roma 7: MLU1949
Highlight
Share
Compare
Copy
Want to have your highlights saved across all your devices? Sign up or sign in
British and Foreign Bible Society 1949, 1951
