Roma 13
13
1Kamulua sui muki roo sulia toa gwauwai ki: sulaania e ai ta do gwauwai si to lau, talitoona bana si do eki ne ita mai atha God; ma toa eki na kera gwauwai asi maṉa eri tha God e faainotoda. 2Mania wane na kai suusia wane gwauwai eri, kai firu bia si do na tha God e gwalua: ma toa na keki firu una eri toto keki roṉoa toa na keki sorea kwae lada. 3Sulaania toa inoto ki do ana faamau lana ra lea ki e ai, ra taa. Sui oki thathamia mau la uria wane gwauwai eri kei ei faisi oe? oki ilia si do ne lea, ma nia kai taṉo oe: 4Sulaania wane eri na wane ni ra tha God ifamu uria si do ne lea. Ma mada soki ilia si do ne taa, oki mau; uria ne ai si tonee rau ana nini ni firu: sulaania wane eri na ṉa wane ni ra tha God, wane na kai duua ana rakeiria abula taa lana wane na kai abula taa. 5Mania muki roo suli nia e ai si ei boo, talitoona uria rakeiria eri e ai, uria liomu ne lea lau boo. 6Uria na sulia si kula eri muki falea lau boo takisi ki iada; sulaania ni kera toa ni ra tha God ki, na keka seemabe ṉado asi do eri boo. 7Mania oko falea si do ne kokoto oki faledaki ifana toa eki sui boo: takisi ki ifana wane ne kokoto oki falea takisi ki ifana; tei do ana do oe ki ifana wane ne kokoto oki falea tei do ana do oe ki ifana; mau la ifana wane ne kokoto oki mau ania; fare baita la ifana wane ne kokoto oki fare baita ani nia.
8Osi ṉaṉali laṉa asi do ta wane, talitoona bana liothau la uri kamulua kwailiu: uria wane na kai liothau ana wane nia e ilia naa si do eki sui bana na ṉa lo e sorea. 9Sulaania si ṉata eri, Osi oee, Osi thathauwane, Osi bibili, Osi lolole fafia imole, Osi thathathamia si do kera ki, ma mada sa ta si ṉata fifi to u bana, kera ofua ana tee si do asi baea eri neri, Oki liothau ana wane oe ’uria oko liothau ani oe i talaamu. 10Ṉa liothau la e ai si ilia ta si do ne taa uria wane nia: mania liothau la e ilia naa si do eki sui bana na ṉa lo e sorea.
11Ma muki ilia si do eri, uria na mulu thaitoomana maalutana si maṉa eri, na si maṉa kamulua neri ana tharai la faisia biṉa liu la: uria asi maṉa eri marukia kulu e kwaikaraṉi ka tatha asi maṉa ba na kulu bii fitoo. 12Baita lana fa rodo e sui naa, si maṉa eri karaṉi dani naa: mania kuki naṉa ania si ra ana maerodo ki, ma kuki alua rauma ana lalaa la fafia seekulua. 13Kuki abula kokoto, ’uria i la thato; ana malasaole la ma si bula la na kafo bubula kai buloa imole e ai, ana moosuiluma ma daidei la e ai, ana firu la ma uga la ka ai lau boo. 14Muki tooni fafia seemulua atha Lord Jesus Christ, ma musi beta ta si do maakwalia see imole, ifana si thathami la taa nia ki.
Currently Selected:
Roma 13: MLU1949
Highlight
Share
Compare
Copy
Want to have your highlights saved across all your devices? Sign up or sign in
British and Foreign Bible Society 1949, 1951
