Ta̤htû̌sò̌ǐ 47
47
Cǒmaradû̌ mî̌ pwa̤pǒ adû̌gutṳ̌
(Khwǐ awǐlǒ tabǎ 8:1-13)
Kǒri akhlialè toǒ ata̤sò̌po̤ htû̌sò̌ǐ. Dě ta̤sò̌po̤ htǒomî̌ pwa̤sò̌po̤ ta̤ toǒ ahǐkǒdû̌ ta ta̤lṳhtò̌hokûnu tapwa̤ aya.
1Kǒ khlilèphû̌ lǒ̤꤮ bò toǒ, pla̤ sîcǔde, sò̌le̤sò̌lò̤ yi̤kǒ htû̌sò̌ǐ Cǒmaradû̌.
2Cǒmara tûjûpwa̤ htě adû̌ahtûkhlo kò htǒo tapwa̤numî̌ asò̌gònò̤ ǐsha mè̤mè̤̌.#Ta̤dǒhtû̌ǐ 7:21
A mî̌ hǎkhû̌běkhû̌ akhwǐdû̌.
3A ma̤pè̤kèbò bǎ pa khlilèphû̌ toǒ.
A noyî̤lò̤kè pa ta khlilèphû̌ toǒ dě pakhǎlǎla̤.
4A wû̌lǎphî̌ bǎ pashiga ta paû̌cata̤bî̌ aya.
A mo̤ǐ Yǎ̤kò#47:4 Ebrephû̌yo̤ hî̌ta Yǎ̤kò htǒomî̌ Yǎ̤kò mî̌ amè̤mè̤, Israel akhlialè mî̌ amè̤ jòjò. akhû̌akhî, ga htǒotaga mî̌ pa Israelphû̌ toǒ la̤phî̌dû̌phî̌htû ǐ akòshî̌kòtṳ.
5Bǎ Cǒmaradû̌ cû̌htò̌ dě ta̤lṳhtò̌hokû akhanu, kò sò̌le̤sò̌lò̤ kaǎguhtò̌bò Cǒmara tûjûpwa̤.
Kò ǔhtò̌bò gwè.
6Sò̌po̤htû̌sò̌ǐ mò̌, sò̌po̤htû̌sò̌htò̌ mò̌ Cǒmaradû̌.
Sò̌po̤htû̌sò̌htò̌ mò̌, sò̌po̤htû̌sò̌htò̌ mò̌ pakhwǐdû̌.
7Cǒmaradû̌ mî̌ hǎkhû̌běkhû̌ akhwǐdû̌,#Esakǐlè 14:9 sò̌po̤ htû̌sò̌ǐ mò̌ yǎta ta̤hǎta̤wo.
8Cǒmaradû̌ hǎnòò̌lò̤ dě agògohtahtò̌yî̤ cahtǐkhû̌.
A pǒǐbò khlilèphû̌ toǒ.#Ta̤khwè̌mǎnǎ awǐlǒ tabǎ 16:31
9Khlilèphû̌ ahǐkǒlǒkòdû̌ toǒ hè ǒhtuǒplǒ htukû̌bò ta Abraham acǒmara akòyò.
Hǎkhû̌běkhû̌ ahǐkǒlǒkòdû̌ toǒnu, aǒpwǎ dě Cǒmaradû̌ ata̤pǒ ala̤.
Cǒmara mî̌ kò bè̌htò̌yî̤khlo nû̌û.
Currently Selected:
Ta̤htû̌sò̌ǐ 47: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
