Ta̤htû̌sò̌ǐ 15
15
Cǒmaradû̌ kwi titè?
Khwǐdǎ̤wi̤ ata̤sò̌po̤ htû̌sò̌ǐ.
1Kǒ Cǒmara tûjûpwa̤, ûpè tapwa̤ glè hènṳ dě na ta̤lṳhtò̌hokû pè?
Ûpè tapwa̤ glè hèsabahtò̌ na dě nakholocahtǐ Sǐokholokhû̌nu pè?
2Kòyònu toǒ mî̌ kòyò htě kò bè̌jòpe nû̌û ta̤sǔ tò̤,
A ma̤ ta̤cǒta̤tè̤,
A hî̌bǎcǒhî̌bǎtè̤ yo̤ pwǐ aǒ nû̌û sò̌phlǒkûnu.#Isaǐa 33:15; Sakharǐa 8:16; Ephè̌shiaphû̌ 4:25
3A dǒ kòyòyo̤ dǐkhò̌꤮ tò̤,
A ma̤sǔma̤plě asû̌akho tò̤,
A ǐshoǐbě ahǐphòkòshî̌ tò̤nu toǒ hǒ.#Ta̤lû̌htò̌ge 23:1
4Htohǒtò̤ kòyò htě a wi̤ja kòyòsò̌phlǒphû̌mò̤shî̌hto dě Cǒmaradû̌ wîkè asînu toǒ,
Dě a bè̌dû̌bè̌htû kòyò htě a ǐsha ta bè̌dubè̌na̤ Cǒmara tûjûpwa̤nu toǒ,#Rò̌mǎphû̌ 12:10
A bèlò̤hto ayo̤ ta a glè ma̤ tacǎcǎ dě apò̤asha pwî̌tè꤮ bǎbǎ a ma̤ mè̤mè̤̌ pwǐ a bèhtonu toǒ,
5A nobǒ kû̌kò awû ta aphû̌aî̌ tò̤,#Ta̤lû̌htò̌ge 22:25; Ta̤subusaba 25:36; Ta̤dǒhtû̌ǐ 23:20; Esakǐlè 18:8
Kòyòsò̌phlǒphû̌mò̤ mṳ̂ǎ nû̌û wû ta bǎ ma̤shǔ kòyò ta̤sǔǒtò̤ dě a phî̌shǔ kû̌kò tò̤.#Ta̤lû̌htò̌ge 23:8; Ta̤dǒhtû̌ǐ 16:19
Kòyò htě ama̤ hǐnu tapwa̤nu a ǒměǒgle tûjûpwa̤ pě.#Petru ginǐ̤bǎ tabǎ 1:3-10
Currently Selected:
Ta̤htû̌sò̌ǐ 15: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
