Ta̤htû̌sò̌ǐ 14
14
Kòyòhǎkhû̌phû̌ ata̤phû̌mò̤shî̌hto
Khwǐdǎ̤wi̤ ata̤sò̌po̤ htû̌sò̌ǐ. Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒdû̌ dě ta̤lṳhtò̌hokûnu tapwa̤ aya.
1Kòyònòdû̌ hî̌ lǒkho dě asò̌phlǒkû ta, “Cǒmara ǒtò̤.”
Asî ta̤bè̌sò̌phlǒsǔshi mî̌ aphû̌mò̤shî̌hto, ata̤phî̌ta̤ma̤ mî̌ aphû̌mò̤shî̌hto.
Dě asî klanu, a ma̤ ta̤wǒ ǒpe dǐpwǎ̤꤮ tò̤.#Rò̌mǎphû̌ 3:10-12
2Ma̤pûhǐ Cǒmara tûjûpwa̤ sî̌ya ta kòyò htě a ǒhtûpwa̤ te̤mǎ, kòyò htě a kè̌lǎ nû̌û ǒ ya mî̌ ǒtò̤ya ayanu, aǒ dě mǒkhû̌ kè̌lò̤ kòyòhǎkhû̌phû̌.
3Pwǎta kòyò pṳ̂̌꤮ tapwa̤ cû̌pa̤bò ta Cǒmaradû̌.
Asî htûkèbò kòyòphû̌mò̤ hǒ.
Kòyò htě a ma̤ ta̤wǒnu a ǒpe dǐpwǎ̤꤮ tò̤, toǒtapwa̤ pwǎnu, aǒ tò̤.#Mǒhtûlû̌hǎhtûsa 6:5; Ta̤htû̌sò̌ǐ 53:3; Rò̌mǎphû̌ 3:12
4Cǒmara tûjûpwa̤ gwè, “Lǒ̤꤮ bò kòyòphû̌mò̤ toǒ, a kè̌lǎsî̌ya kû̌nò kò dǐkhò̌꤮ tò̤ ya?
“Asî ěǎbò hekòyò dě a gana̤de heyo̤nu toǒ sǒsǒta ta ǎ mû̌.#Jeremǐa 10:25; Mika 3:3
“Asî kwisabahtò̌ kû̌ he dǐkhò̌꤮ tò̤.”#Isaǐa 64:7
5Hǐnudě asî bǎ kè̌shǐshěto̤bǎ ta ta̤sò̌gònò̤ ǐsha dû̌꤮ pě. Pwǎtadě Cǒmara ǒkû̌ ta kòyòcǒkòyòtè̤.
6Kòyòphû̌mò̤nu toǒ ma̤pî̌ma̤lṳ̂kèbò kòyòshuphǔshèwèphû̌ ata̤yè̤lò̤nǎ.
Cǒmara tûjûpwa̤ mî̌ kòyòshuphǔshèwèphû̌ ala̤ǒtûdûbǐ agûla̤.
7He kwisaba lǒ̤sû̌lǒ̤sò̌ ta ta̤ma̤lû̌htò̌ge Israelphû̌ ayanu, a ǒ dě Sǐokholokhû̌ hèlò̤ tû̌ta pě nî̌.
Htû̌꤮ Cǒmara tûjûpwa̤ kaǎgeplǒbòsǒ akòyò htě kò pṳ̂cû̌kè nû̌ûnu toǒ akhapěnu, Yǎ̤kò akhlialè glè sò̌le̤sò̌lò̤, Israelphû̌ glè mo̤sû̌mo̤sò̌ pě.
Currently Selected:
Ta̤htû̌sò̌ǐ 14: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
