Ta̤htû̌sò̌ǐ 122
122
Ta̤sò̌po̤ htû̌sò̌ǐ ta ta̤kwisaba Yerǔshèlèwî̤ aya
Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤. Khwǐdǎ̤wi̤ ata̤sò̌po̤ htû̌sò̌ǐ.
1“Pa cû̌plǒ nû̌û dě Cǒmara tûjûpwa̤ ahǐ hò̌꤮,” kò hî̌ he hǐnu akhanu, he sò̌le̤sò̌lò̤.
2Kǒ Yerǔshèlèwî̤, pa ihtǒǒ dě nawî̤takhadû̌kû.
3Yerǔshèlèwî̤ mî̌ wî̤ htě a ǒměǒgle dě kò ma̤lò̤te̤jajò yǎtò̤.
4Israelkhlilèphû̌ mî̌ Cǒmara tûjûpwa̤ akòyò toǒ hè subusabahtò̌ lǒkho bǎo.
Pwǐ Cǒmara tûjûpwa̤ hî̌bǎlò̤ ayo̤nu, asî hè hî̌bwǐhî̌sîrî htû̌sò̌ǐ nû̌ûmi̤.
5Pwa̤htû hǐkǒlǒkòdû̌ hǎnòò̌lò̤ dě gògohtahtò̌yî̤ akhû̌, a pǒǐta̤ pwǐ ata̤hî̌bǎlò̤yo̤nu.
A hǎnòò̌lò̤ dě Khwǐdǎ̤wi̤ akhlialè toǒ agògohtahtò̌yî̤ akhû̌.
6Kwisaba ta Yerǔshèlèwî̤ la̤ǒmo̤ǒkwǐ aya.
Kòyò htě a mo̤ǐ wî̤ htǒotî̤wî̤ ǒmo̤ǒkwǐ ǒlǒǒbebò tû̌ta nî̌.
7Ta̤ǒmo̤ǒkwǐ ǒkû̌ tû̌ta dě nawî̤we̤dû̌ akû nî̌.
Ta̤ma̤kwaǐ ǒkû̌ tû̌ta dě nawî̤we̤dû̌ tònò akû nî̌.
8Dě hehǐphû̌phòphû̌, hekhobǒsû̌ ayanu, he glè hî̌ ta, “Yerǔshèlèwî̤ ǒ tû̌ta ta̤ǒmo̤ǒkwǐ nî̌.”
9Dě Cǒmara tûjûpwa̤, pa Cǒmaradû̌ ahǐ ayanu, he glè kwisabahtò̌ ta Yerǔshèlèwî̤ ǒmo̤ǒpè̤ ǒlǒǒbe.
Currently Selected:
Ta̤htû̌sò̌ǐ 122: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
