Ta̤htû̌sò̌ǐ 121
121
Cǒmara tûjûpwa̤ mî̌ pwa̤ma̤kwaǐ pa
Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.
1He kè̌htò̌ dě kholo toǒ alo̤, heta̤ma̤jè hèlò̤ bǎtè tò̤glò pě?
2Heta̤ma̤jè hèlò̤ dě Cǒmara tûjûpwa̤, pwa̤ htě a bǒlò̤ mǒkhû̌ ta hǎkhû̌ htǒotapwa̤ aǒ.
3A noto̤ nǒ na dě klè̌sǔklè̌bǎ akû tò̤.
Pwa̤ htě a ǒpo̤kè̌ǐ na htǒotapwa̤ a hǎmoǒtò̤.
4Dè hî̌ mè̤mè̤̌ mî̌, pwa̤ htě a ǒpo̤kè̌ǐ Israelphû̌ htǒotapwa̤ hǎmoǒkhwe tò̤, a hǎmoǒ nǒ dǐkhò̌꤮ tò̤tò̤.
5Cǒmara tûjûpwa̤ asana̤ glè ǒpo̤kè̌ǐ na.
Cǒmara tûjûpwa̤ ǒkû̌ nakòshî̌ pwǐ ta̤yo̤ǔ dě a ǔlò̤bǐ na.
6Lṳmṳsha mî̌ lṳmṳ glè gûlû̌ nǒ na tò̤.
Lṳmṳkhǐ mî̌ la glè ma̤pò̤ma̤sha nǒ na tò̤tò̤.
7Cǒmara tûjûpwa̤ ma̤kwaǐ na dě ta̤phû̌mò̤shî̌hto pṳ̂̌꤮ tacǎ akla.
A ǒpo̤kè̌ǐpo̤ nata̤htûpwa̤.
8Na cû̌ bǎtè꤮ bǎbǎ, na ǒ bǎtè꤮ bǎbǎ, sahtò̌ khònò̤ tǒ̤hè tûjûpwa̤ talakhǎ, a ǒpo̤kè̌ǐ tû̌ta na.
Currently Selected:
Ta̤htû̌sò̌ǐ 121: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
