Ta̤htû̌sò̌ǐ 115
115
Cǒmara ta pwa̤yo̤ toǒ awi̤akè̌
1Kǒ Cǒmara tûjûpwa̤, na cǒtè̤ ta yo̤, na mo̤ǐ pa ta ta̤mo̤ǐ htě ahǎbòjòtò̤ akhû̌akhî, pa bè̌dubè̌na̤ na, pa bè̌dubè̌na̤ tû̌꤮ na tapwǎ̤꤮ pa.
Pa bǎ bè̌dubè̌na̤ ǐtû̌ pana̤ tò̤.
2Mî̌ma̤tè̤dě khlilèphû̌ toǒ cû̌hî̌tǒ̤ ta, “Asî acǒmaradû̌ ǒ dě bǎtè?”
3Pacǒmaradû̌ mî̌ a ǒ dě mǒkhû̌.
A sò̌yṳma̤ hî̌tè꤮ mî̌ a ma̤.
4Pwǎ̤tadě asîcǒmara pwa̤yo̤ toǒnu, kòyòhǎkhû̌phû̌ bǒ nû̌û.
Dě kò ma̤pwǎ nû̌û ta wûhta.#Ta̤htû̌sò̌ǐ 135:15-18; Ta̤dǔlè̌nǎ 9:20
5Pwa̤yo̤ toǒnu, akhû̌phě ǒ hǐnudě a hî̌bǎjò tò̤.
Ami̤sǎphlǒ ǒ hǐnudě a kè̌shǐjò tò̤tò̤.
6Anò̌ku ǒ hǐnudě a gana̤dejò tò̤.
Anò̌khi ǒ hǐnudě a nṳsajò tò̤tò̤.
7Acǔde ǒ hǐnudě aphî̌jò tò̤.
Akhò̌lopo̤ ǒ hǐnudě a cû̌jò tò̤.
Htohǒtò̤, ayo̤sǎ po̤htò̌jò dě agokû tò̤tò̤.
8Lǒ̤꤮ bò kòyò htě a bǒ pwa̤yo̤nu toǒ bǎbǎ, a yṳnǎla̤ǐ pwa̤yo̤nu toǒ bǎbǎ, a glè sǒsǒkû̌ tû̌ta pwa̤yo̤.
9Kǒ Israelkhlilèphû̌ sî꤮, yṳnǎla̤ǐ Cǒmara tûjûpwa̤.
A mî̌ pwa̤ma̤jè sî, pwa̤ma̤kwaǐ sî.
10Kǒ Aro akhlialè sî꤮, yṳnǎla̤ǐ Cǒmara tûjûpwa̤.
A mî̌ pwa̤ma̤jè sî, pwa̤ma̤kwaǐ sî.
11Kǒ kòyò htě a ǐsha bè̌dubè̌na̤ Cǒmara tûjûpwa̤ toǒ꤮, yṳnǎla̤ǐ Cǒmara tûjûpwa̤.
A mî̌ pwa̤ma̤jo sî, pwa̤ma̤kwaǐ sî.
12Cǒmara tûjûpwa̤ gènè̤htò̌nṳ pa, a glè howi̤ pa.
A glè howi̤ Israelkhlilèphû̌.
A glè howi̤ Aro akhlialè.
13Kòyò htě a ǐsha bè̌dubè̌na̤ Cǒmara tûjûpwa̤ toǒnu, kòyò htě kò lo̤bǎdû̌ nû̌û bǎbǎ, kò lo̤bǎdû̌ nû̌û tò̤ bǎbǎ, a glè howi̤bò asî.#Ta̤dǔlè̌nǎ 11:18, 19:5
14Cǒmara tûjûpwa̤ noǒwo̤ǒhtò̌ tû̌ta sî ta sîphû̌sîli̤ nî̌.
15Cǒmara tûjûpwa̤ dě a bǒlò̤ mǒkhû̌ ta hǎkhû̌ htǒotapwa̤ howi̤tû̌ sî nî̌.
16Mǒkhû̌ mî̌ pǒ̤꤮ Cǒmara tûjûpwa̤ ata.
Hǎkhû̌ lè̌dě a ǐ nû̌ûta kòyòhǎkhû̌phû̌.
17Kòyò htě a sihtohǒ toǒ bǎbǎ, a cû̌to̤kè dě lṳnǎkhwǎdo toǒ bǎbǎ, a htû̌sò̌ǐjò Cǒmara tûjûpwa̤ tò̤.
18Pa htě ahtûpwa̤ htǒotoǒ lè̌dě pa glè htû̌sò̌ǐ Cǒmara tûjûpwa̤.
Pa glè htû̌sò̌ǐ khònò̤ tǒ̤hè tûjûpwa̤talakhǎpwǎ.
Htû̌sò̌ǐ Cǒmara tûjûpwa̤.
Currently Selected:
Ta̤htû̌sò̌ǐ 115: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
