Ta̤htû̌sò̌ǐ 114
114
Ta̤ma̤lû̌htò̌ge ata̤sò̌po̤
1Bǎ Israelphû̌ mî̌ Yǎ̤kò akhlialè a ǒ dě Egyptga, khlilèphû̌hǔwa̤ aga dě a hǎhtò̌gekè akhanu,#Ta̤lû̌htò̌ge 12:51 2Yṳ̌daphû̌ htûhtò̌ Cǒmara akòyò cahtǐ.
Cǒmara pǒǐbò Israelphû̌.
3Shidû̌shite̤we̤ kè̌shǐ dě a hǎhtò̌khlè̌cû̌ tephekè.#Ta̤lû̌htò̌ge 14:21
Jòda shikhî̌ dě a dû̌ǒkǔkè.#Jò̌shua 3:16
4Kholodû̌kholohtû pe̤ lò̤kèta sophû̌phadû̌.
Kholoplǔphû̌ pe̤ lò̤kèta sophû̌phû̌.
5Kǒ shidû̌shite̤we̤, na cû̌ hǎhtò̌khlè̌ tephekè ma̤tè?
Kǒ Jòda shikhî̌, na cû̌ dû̌ǒkǔkè ma̤tè?
6Kǒ kholodû̌kholohtû toǒ, sî cû̌pe̤ sǒsǒkû̌ta sophû̌phadû̌ mî̌ ma̤tè?
Kǒ kholoplǔphû̌ toǒ, sî cû̌pe̤ sǒsǒkû̌ta sophû̌phû̌ mî̌ ma̤tè?
7Kǒ hǎkhû̌, gònò̤gèglè mò̌ dě Běcǎ ta̤adû̌ alo̤mo̤nu.
Gònò̤gèglè mò̌ dě Yǎ̤kò acǒmaradû̌ alo̤mo̤nu.
8Lo̤nu, Cǒmara nohtûhtò̌ nû̌û ta shikoǒ.
Lo̤dû̌nu, a nohtûhtò̌ nû̌û ta shihtǎpo̤.#Ta̤lû̌htò̌ge 17:1-7; Ta̤dǒbǎ 20:2-13
Currently Selected:
Ta̤htû̌sò̌ǐ 114: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
