Yezsuzyaq 6

Baenq Yezliqgoz Chaenh

1Yezliqgoz chaenh mbu dij goanz Yixsowhleh, baegdu long ndaw chaenh naeh ngaemz ndae taeuq, mboq miz gawz bae dauh. 2Yez'hoahhuah daj Yezsuzyaq hax: "Gux haeuz jehdingq aeu dij goanz ndaw Yezliqgoz chaenh, laux hongz paenqdix, yaq sowh bin dungzgaenx zaengx riangz dwx naeh nyaengx mwz ndaw mungz su. 3Mawz daj puj zaiz gaenqsu sowh puj dungzsaeuh baenz naeh daengzle baenq aen chaenh naeh, vaenz ux baenq mbaed ux, hoakzaqnaeh choak vaenz dungzdam. 4Nemz jiat goanz puj mbud dij Sen goanz ux gaem kaeu dij mbej ux, daeq daekgoanq aen gvih dij Sen. Vaenz daih jiat, gaenqsu baenq aen chaenh naeh jiat mbaed, puj mbud dij Sen goj baeuq kaeu dij mbej. 5Gaenqsu ruxnyinz kaeu dij mbej chung ndowj ndowj gaurawz, gaenqsu zoq caqsiq rongx, bowng'jingz homx aen chaenh naeh toj laeg mboqyaq. Gaenqsu zoq daengh swh lenh mwz ndaw chaenh."

6 Yezsuzyaq goanz lug zaiz Naenq naeh zoq rongx puj mbud dij Sen maz, daj paenqdix hax: "Puj mbud dij Sen su tam aen gvih Yez'hoahhuah, yaq gaenqsu jiat goanz daeq daekgoanq aen gvih Yez'hoahhuah, jiat goanz naeh goanz ux gaem kaeu dij mbej ux." 7Yaq Yezsuzyaq daeuq daj sowh dij goanz mwz dungzsaeuh naeh hax: "Gaenqsu mwz baenq aen chaenh naeh, sowh puj gaem gaenq dungzsaeuh naeh daeq daekgoanq aen gvih Yez'hoahhuah." 8Yezsuzyaq nemz paenqdix yaq, jiat goanz puj mbud dij Sen goanz ux gaem kaeu dij mbej ux daeq daekgoanq aen gvih Yez'hoahhuah baeuq kaeu dij mbej. Aen gvih Yez'hoahhuah zoq tam nowngzlaeng paenqdix. 9Sowh puj gaem gaenq dungzsaeuh naeh daeq daekgoanq puj mbud dij Sen sowh puj baeuq kaeu dij mbej naeh, baihlaeng aen gvih Yez'hoahhuah goj miz boangx ux dawz. Puj mbud dij Sen menq daeq menq baeuq kaeu dij mbej. 10Yezsuzyaq saengq sowh puj mwz baenq haenz chaenh naeh: "Laek rongx, laek goak saek gaemz kauq, laek hawj daenh ruxnyinz su hax gaeng. Taj taeng vaenz gux nemz su caqsiq rongx naeh, gaenqsu goanq caqsiq rongx." 11Hoakzaqnaeh, vaenz gaengnaeh aen gvih Yez'hoahhuah baenq aen chaenh naeh, baenq mbaed ux, daengzle zoq dauh bae dih paenqdix ndowj naeh, yuq dih naeh ndowj.

12Nawlaeng Yezsuzyaq dwnq maz, puj mbud dij Sen daeuq tam aen gvih Yez'hoahhuah. 13Jiat goanz puj mbud dij Sen goanz ux gaem kaeu dij mbej ux, daeq daekgoanq aen gvih Yez'hoahhuah, menq daeq menq baeuq. Sowh puj gaem gaenq dungzsaeuh naeh daeq daekgoanq paenqdix, baihlaeng aen gvih Yez'hoahhuah goj miz boangx ux dawz. 14Vaenz naeh zawh vaenz daih ngih, goanzlai baenq aen chaenh naeh mbaed ux, zoq dauh bae dih paenqdix ndowj naeh. Choak vaenz dungzdam, paenqdix gaj vaenz gaj hoakzaqnaeh.

Bowng'jingz Homx Haenz Chaenh Naeh Laeg Nauq

15Vaenz daih jiat, gau fax hiamq rungh naeh, paenqdix dwnq maz, hoakzaq vaenz ndai naeh baenq aen chaenh naeh, gaj vaenz naeh paenqdix baenq jiat mbaed. 16Mbaed daih jiat, gau puj mbud dij Sen baeuq kaeu dij mbej naeh, Yezsuzyaq daj sowh puj mwz baenq haenz chaenh naeh hax: "Yez'hoahhuah haeuz aeu aen chaenh naeh hawj gaenqsu yah, baenzzaqnaeh gaenqsu caqsiq rongx. 17Ndaep aen chaenh naeh daj daengzle sowh gaenq yuq ndaw chaenh naeh. Yangq gaj Lazhoah goanz puj kaindang naeh, yangq dix daj rownz dix, hawj paenqdix zaeu. Dix hawj sowh dij goanz raeuz nemz bae dih paenqdix leanj naeh yuq rownz dix gowx. 18Gaj gaenqsu yauq caqsiq hem, ndaep daengzle nauq, laek aeu gaeng dit rawz. Jixzawh gaenqsu aeu gaenqsu zoq byenqbaenz sowh gaenq hoj ndaep naeh. 19Mizgaj jim, ngaenz, za'hoq dongz za'hoq liak mboq ndaep, le gaenqnaeh zawh gaenq Yez'hoahhuah, baenzzaqnaeh aeu le gaenqnaeh nyaengx aen rownz aeu nyaengx za'hoq Yez'hoahhuah naeh." 20Gau dij goanz Yixsowhleh ruxnyinz kaeu dij mbej chung ndowj ndowj naeh, paenqdix zoq caqsiq rongx, yaq puj mbud dij Sen goj naengzgaj baeuq kaeu dij mbej, bowng'jingz homx aen chaenh naeh zoq laeg. Sowh puj mwz dungzsaeuh naeh gaj goanz gaj daengh swh lenh mwz ndaw chaenh, ndaep aen chaenh naeh. 21Paenqdix ndaep aen chaenh naeh nauq aeu hawj Yez'hoahhuah, puj nyingz puj zaiz, puj jeq puj oanq, dij moaz dij mbej, dij loix, gaeng goj zoah paenqdix aeu remz kaj nauq.

Rownz Lazhoah Daengz Rownz Ndaej Jeuq

22 Yezsuzyaq daj song goanz koax daekgoanq mwz leanj dih gaeng naeh hax: "Gaenqsu mwz rownzgoanz puj kaindang naeh, hoakzaq gaenqsu ndaej yinq dix naeh, zowz goanz nyingz gaeng naeh daj daengzle dij goanz dix nauq, zowz paenqdix daeq ndaw rownz daeuj." 23Song goanz mbauqreauh naeh zoq mwz, mwz zowz Lazhoah, bohmeh dix, bihnongx zaiz dix, lingz daeuj nauq, lingz paenqdix bae haenz dih dij goanz Yixsowhleh ndowj naeh. 24Dij goanz Yixsowhleh aeu faez pyaeu aen chaenh naeh daj daengzle gaenq yuq ndaw chaenh naeh. Mizgaj jim, ngaenz, za'hoq dongz za'hoq liak mboq ndaep, aeu nyaengx aen rownz aeu nyaengx za'hoq Yez'hoahhuah naeh. 25Lazhoah ndaej hawj sowh dij goanz Yezsuzyaq nemz mwz leanj Yezliqgoz chaenh naeh yuq rownz dix gowx, baenzzaqnaeh, Yezsuzyaq jeuq Lazhoah goanz puj kaindang naeh daj rownz dez Lazhoah. Luglan Lazhoah daj dij goanz Yixsowhleh zaemh ndowj, taeng deg vaenzzawjraeuz.

Gawz Daeuq Daengj Yezliqgoz Chaenh Gawz Zoq Zoah Tai

26Zwz naeh, Yezsuzyaq saengq dij goanz Yixsowhleh zaeh zaeh, dix hax: "Gawz daeuq daengj Yezliqgoz chaenh, gawz zoq yuq doqnaj Yez'hoahhuah zoah fah. Dix mbut dinsaeu zwzrawz, lug zaiz to dix tai mboqyaq. Dix doj baegdu haenz chaenh naeh zwzrawz, lug zaiz laj dix toj tai mboqyaq." 27Yez'hoahhuah saeh Yezsuzyaq, minxzwh Yezsuzyaq leuz bae dih bae dih.

Currently Selected:

Yezsuzyaq 6: ZHN

Highlight

Copy