Ni Aizjih 9
9
Doihdo Dij Goanz Aizjih Baenzrah
1 Yez'hoahhuah daj Moahciz hax: "Mawz mwz dih laux hongz Aizjih naeh, daj dix hax: ‘Yez'hoahhuah, dij Sen puj Cizboahlaiz hoakzaqnaeh hax: "Hawj dij goanz gux ni inxnaeh, hawj paenqdix bae mbud gux daj biangz gux. 2Jixzawh mawz mboq hawj paenqdix ni inxnaeh, naengzgaj gaemh paenqdix yuq, 3gux aeu mungz gux zaemj bae doq doihdo mawz, hawj doihdo mawz baenzrah. Zoq zawh hawj dij max, dij loix, loahtoah, dij moaz, dij mbej baenzrah, chaej naek taeuq. 4Gux doiq doihdo dij goanz Yixsowhleh daj doiq doihdo dij goanz Aizjih mboq dungzlumj. Nanghgaj zawh doihdo dij goanz Yixsowhleh, do rawz goj mboq hawj tai."’" 5Yez'hoahhuah haeuz lowg zwz hoak gaenq naeh yaq, dix daj Moahciz hax: "Vaenzbig gux toj yuq dih naeh hoak gaenqnaeh mboqyaq." 6Vaenzlaeng, Yez'hoahhuah zoq hoak mbaed saeh naeh, doihdo dij goanz Aizjih tai nauq. Gaj doihdo dij goanz Yixsowhleh, do rawz goj mboq tai. 7Laux hongz Aizjih nemz dij goanz bae lez doihdo dij goanz Yixsowhleh tai mbaeuq. Hix! Doihdo dij goanz Yixsowhleh do rawz goj mboq tai ngah! Gaj zaw laux hongz naengzgaj nyaeb, mboq venq hawj dij goanz Yixsowhleh ni.
Ndaw Ndang Dij Goanz Daj Ndaw Ndang Doihdo Baenz Mbaed Baenz Nong
8 Yez'hoahhuah daj Moahciz daj Yaqlunh hax: "Gaenqsu aeu daengz song mungz gaem daeuh, Moahciz mawz yuq doqnaj laux hongz Aizjih aeu daeuh sauq mwz baih ndaw fax. 9Sowh daeuh naeh rux byenqbaenz mowdmoanz, yuq daengz ndaw Aizjih nauq, mowdmoanz mbin daeuj doq dij goanz daj doihdo ndaw Aizjih, ndang dij goanz daj ndang doihdo zoq rux baenz mbaed baenz nong." 10Moahciz daj Yaqlunh gaem daeuh, bae doqnaj laux hongz Aizjih in. Moahciz aeu daeuh viangh mwz baih ndaw fax, ndang dij goanz daj ndang doihdo zoq baenz mbaed baenz nong. 11Sowh ndang puj hoakbang naeh daj ndang dij goanz Aizjih dungzlumj baenz mbaed baenz nong. Baenzzaqnaeh sowh puj hoakbang naeh yuq doqnaj Moahciz in mboq gvej. 12Yez'hoahhuah hawj laux hongz Aizjih haxnyaeb, laux hongz Aizjih zoq mboq venq biak kauq Moahciz daj Yaqlunh, daj Yez'hoahhuah haxdoq Moahciz naeh dungzlumj.
Maegdaet Daeuj Zoah Dij Goanz, Doihdo, Kaeujpyaek Aizjih
13 Yez'hoahhuah daj Moahciz hax: "Mawz nawbig dwnq maz, mwz in doqnaj laux hongz Aizjih, daj dix hax: ‘Yez'hoahhuah, dij Sen puj Cizboahlaiz hoakzaqnaeh hax: Hawj dij goanz gux ni inxnaeh, hawj paenqdix bae biangz gux daj mbud gux. 14Mbaed naeh gux aeu daengzle aen nanq zoaj bae now to hoakri mawz, zoaj bae now to sowh puj saeq yuq baih dawj mawz naeh, zoaj bae now to dij goanz Aizjih mawz, hawj mawz ruxndeq mboq miz gaeng haen lumj gux. 15Jixzawh gux aeu mungz gux zaemj bae doq mawz daj dij goanz Aizjih mawz, hawj gaenqsu baenzrah, gaenqsu daengz tai ndowj loh. 16Gaj gux yaeuj mawz, zawh hawj su leztaen gux riangz baenzzaqrawz, hawj daengz dawjfax leuz zwh gux nauq. 17Gaj mawz naengz yuq doqnaj dij goanz gux hax mawz haen zawz mboqraeuh, mboq hawj dij goanz gux ni. 18Vaenzbig sowh gau naeh, gux hawj maegdaet daeuj dwx taeuq, daeq zwz miz goh Aizjih naeh maz, mboq sanz miz saek mbaed miz maegdaet daeuj dwx baenzzaqnaeh. 19Nanghgaj sowh dij goanz yuq ndaw naz daj sowh doihdo mboq ndaq maz rownz naeh, maegdaet daeuj hoj ndang paenqdix, paenqdix tai mboqyaq. Baenzzaqnaeh, gannaeh mawz nemz dij goanz bae, bae ndaq doihdo mawz daj aeu gaenq yuq ndaw naz mawz naeh maz, aeu maz nyaengx ndae.’" 20Sowh puj saeq yuq baih dawj laux hongz naeh, mbangj goanz sinq gaemz kauq Yez'hoahhuah hax naeh rux baenzzaeh, paenqdix mbu, zoq nemz puj koij dix ndaq doihdo maz rownz, hawj puj koij daj doihdo yuq rownz. 21Gaj sowh puj mboq aeu gaemz kauq Yez'hoahhuah nyaengxzaw naeh, jizzaz hawj puj koij dix daj doihdo yuq ndaw naz.
22 Yez'hoahhuah daj Moahciz hax: "Mawz aeu maexdaeux jix mwz ndaw fax, hawj Aizjih gaj dih gaj miz maegdaet, hawj maegdaet doak daeuj hoj ndang dij goanz, doak daeuj hoj ndang doihdo, doak daeuj hoj kaeujpyaek ndaw naz." 23Moahciz aeu maexdaeux jix mwz ndaw fax, Yez'hoahhuah zoq hawj faxumj faxmyaeb, hawj faez myaeb daeuj dihndin, hawj Aizjih miz maegdaet daeuj. 24Zwz naeh maegdaet daeuj dwx taeuq, maegdaet daj faez dungzzauz daeuj, nyinzndang daengz mboq zawh haxnyaeux. Daeq zwz miz goh Aizjih naeh maz, mboq miz saek mbaed miz maegdaet daeuj dwx baenzzaqnaeh. 25Ndaw doangh ndaw naz Aizjih, zoah maegdaet saeuh mba'mbungj nauq, sowh dij goanz daj doihdo yuq ndaw doangh ndaw naz naeh goj zoah maegdaet saeuh, maex zoah maegdaet saeuh taek nauq. 26Mizgaj Goazsanz, dih dij goanz Yixsowhleh yuq naeh, mboq miz maegdaet. 27Laux hongz Aizjih rongx Moahciz daj Yaqlunh maz, daj paenqdix hax: "Mbaed naeh zawh gux hoak loang yaj. Yez'hoahhuah hoak hoh, gux daj dij goanz gux hoak loang dwx. 28Fax umj ngaemx gvaq loh, maeg daet daeuj dwx gvaq loh, vanz gaenqsu bae vanz Yez'hoahhuah hawj le gaenqnaeh daeuj gah, gux hawj dij goanz Yixsowhleh ni inxnaeh, mboq deq su eh." 29Moahciz yaeng laux hongz: "Gux cenq daeq ndaw chaenh og bae, zoq yaeuj song mungz vanz Yez'hoahhuah, faxumj gah mboqyaq, maegdaet goj daeuj gah mboqyaq, hoakzaqnaeh hawj mawz ruxndeq dihndin zawh gaenq Yez'hoahhuah gangq. 30Gaj gaenqmawz daj puj saeq baihdawj mawz, gux ruxndeq gaenqsu naengz mboq ruxndeq mbu dij Sen, Yez'hoahhuah." 31Laemh zwz naeh, kaeujmeg dwx haeuz og rongz, banq haeuz og ndog, kaeujmeg dwx daj banq zoah maegdaet saeuh nauq. 32Mizgaj kaeujmeg ix daj kaeujmeg zaz saeuh mboq zoah, unj paenqdix zawh sowh kaeujmeg baenz laj naeh. 33Moahciz ni laux hongz og ndaw chaenh bae, yaeuj song mungz dix vanz Yez'hoahhuah, fax zoq umj gah, maegdaet zoq daeuj gah, paen goj mbaet. 34Laux hongz Aizjih leztaen paen mbaet, maegdaet daeuj gah, faxumj gah, zoq daeuq hoak loang, dix daj sowh puj saeq baihdawj dix naeh, zaw naengzgaj nyaeb. 35Laux hongz Aizjih haxnyaeb, mboq venq hawj dij goanz Yixsowhleh ni, daj gaemz Yez'hoahhuah haxdoq Moahciz naeh dungzlumj.
Currently Selected:
Ni Aizjih 9: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Ni Aizjih 9
9
Doihdo Dij Goanz Aizjih Baenzrah
1 Yez'hoahhuah daj Moahciz hax: "Mawz mwz dih laux hongz Aizjih naeh, daj dix hax: ‘Yez'hoahhuah, dij Sen puj Cizboahlaiz hoakzaqnaeh hax: "Hawj dij goanz gux ni inxnaeh, hawj paenqdix bae mbud gux daj biangz gux. 2Jixzawh mawz mboq hawj paenqdix ni inxnaeh, naengzgaj gaemh paenqdix yuq, 3gux aeu mungz gux zaemj bae doq doihdo mawz, hawj doihdo mawz baenzrah. Zoq zawh hawj dij max, dij loix, loahtoah, dij moaz, dij mbej baenzrah, chaej naek taeuq. 4Gux doiq doihdo dij goanz Yixsowhleh daj doiq doihdo dij goanz Aizjih mboq dungzlumj. Nanghgaj zawh doihdo dij goanz Yixsowhleh, do rawz goj mboq hawj tai."’" 5Yez'hoahhuah haeuz lowg zwz hoak gaenq naeh yaq, dix daj Moahciz hax: "Vaenzbig gux toj yuq dih naeh hoak gaenqnaeh mboqyaq." 6Vaenzlaeng, Yez'hoahhuah zoq hoak mbaed saeh naeh, doihdo dij goanz Aizjih tai nauq. Gaj doihdo dij goanz Yixsowhleh, do rawz goj mboq tai. 7Laux hongz Aizjih nemz dij goanz bae lez doihdo dij goanz Yixsowhleh tai mbaeuq. Hix! Doihdo dij goanz Yixsowhleh do rawz goj mboq tai ngah! Gaj zaw laux hongz naengzgaj nyaeb, mboq venq hawj dij goanz Yixsowhleh ni.
Ndaw Ndang Dij Goanz Daj Ndaw Ndang Doihdo Baenz Mbaed Baenz Nong
8 Yez'hoahhuah daj Moahciz daj Yaqlunh hax: "Gaenqsu aeu daengz song mungz gaem daeuh, Moahciz mawz yuq doqnaj laux hongz Aizjih aeu daeuh sauq mwz baih ndaw fax. 9Sowh daeuh naeh rux byenqbaenz mowdmoanz, yuq daengz ndaw Aizjih nauq, mowdmoanz mbin daeuj doq dij goanz daj doihdo ndaw Aizjih, ndang dij goanz daj ndang doihdo zoq rux baenz mbaed baenz nong." 10Moahciz daj Yaqlunh gaem daeuh, bae doqnaj laux hongz Aizjih in. Moahciz aeu daeuh viangh mwz baih ndaw fax, ndang dij goanz daj ndang doihdo zoq baenz mbaed baenz nong. 11Sowh ndang puj hoakbang naeh daj ndang dij goanz Aizjih dungzlumj baenz mbaed baenz nong. Baenzzaqnaeh sowh puj hoakbang naeh yuq doqnaj Moahciz in mboq gvej. 12Yez'hoahhuah hawj laux hongz Aizjih haxnyaeb, laux hongz Aizjih zoq mboq venq biak kauq Moahciz daj Yaqlunh, daj Yez'hoahhuah haxdoq Moahciz naeh dungzlumj.
Maegdaet Daeuj Zoah Dij Goanz, Doihdo, Kaeujpyaek Aizjih
13 Yez'hoahhuah daj Moahciz hax: "Mawz nawbig dwnq maz, mwz in doqnaj laux hongz Aizjih, daj dix hax: ‘Yez'hoahhuah, dij Sen puj Cizboahlaiz hoakzaqnaeh hax: Hawj dij goanz gux ni inxnaeh, hawj paenqdix bae biangz gux daj mbud gux. 14Mbaed naeh gux aeu daengzle aen nanq zoaj bae now to hoakri mawz, zoaj bae now to sowh puj saeq yuq baih dawj mawz naeh, zoaj bae now to dij goanz Aizjih mawz, hawj mawz ruxndeq mboq miz gaeng haen lumj gux. 15Jixzawh gux aeu mungz gux zaemj bae doq mawz daj dij goanz Aizjih mawz, hawj gaenqsu baenzrah, gaenqsu daengz tai ndowj loh. 16Gaj gux yaeuj mawz, zawh hawj su leztaen gux riangz baenzzaqrawz, hawj daengz dawjfax leuz zwh gux nauq. 17Gaj mawz naengz yuq doqnaj dij goanz gux hax mawz haen zawz mboqraeuh, mboq hawj dij goanz gux ni. 18Vaenzbig sowh gau naeh, gux hawj maegdaet daeuj dwx taeuq, daeq zwz miz goh Aizjih naeh maz, mboq sanz miz saek mbaed miz maegdaet daeuj dwx baenzzaqnaeh. 19Nanghgaj sowh dij goanz yuq ndaw naz daj sowh doihdo mboq ndaq maz rownz naeh, maegdaet daeuj hoj ndang paenqdix, paenqdix tai mboqyaq. Baenzzaqnaeh, gannaeh mawz nemz dij goanz bae, bae ndaq doihdo mawz daj aeu gaenq yuq ndaw naz mawz naeh maz, aeu maz nyaengx ndae.’" 20Sowh puj saeq yuq baih dawj laux hongz naeh, mbangj goanz sinq gaemz kauq Yez'hoahhuah hax naeh rux baenzzaeh, paenqdix mbu, zoq nemz puj koij dix ndaq doihdo maz rownz, hawj puj koij daj doihdo yuq rownz. 21Gaj sowh puj mboq aeu gaemz kauq Yez'hoahhuah nyaengxzaw naeh, jizzaz hawj puj koij dix daj doihdo yuq ndaw naz.
22 Yez'hoahhuah daj Moahciz hax: "Mawz aeu maexdaeux jix mwz ndaw fax, hawj Aizjih gaj dih gaj miz maegdaet, hawj maegdaet doak daeuj hoj ndang dij goanz, doak daeuj hoj ndang doihdo, doak daeuj hoj kaeujpyaek ndaw naz." 23Moahciz aeu maexdaeux jix mwz ndaw fax, Yez'hoahhuah zoq hawj faxumj faxmyaeb, hawj faez myaeb daeuj dihndin, hawj Aizjih miz maegdaet daeuj. 24Zwz naeh maegdaet daeuj dwx taeuq, maegdaet daj faez dungzzauz daeuj, nyinzndang daengz mboq zawh haxnyaeux. Daeq zwz miz goh Aizjih naeh maz, mboq miz saek mbaed miz maegdaet daeuj dwx baenzzaqnaeh. 25Ndaw doangh ndaw naz Aizjih, zoah maegdaet saeuh mba'mbungj nauq, sowh dij goanz daj doihdo yuq ndaw doangh ndaw naz naeh goj zoah maegdaet saeuh, maex zoah maegdaet saeuh taek nauq. 26Mizgaj Goazsanz, dih dij goanz Yixsowhleh yuq naeh, mboq miz maegdaet. 27Laux hongz Aizjih rongx Moahciz daj Yaqlunh maz, daj paenqdix hax: "Mbaed naeh zawh gux hoak loang yaj. Yez'hoahhuah hoak hoh, gux daj dij goanz gux hoak loang dwx. 28Fax umj ngaemx gvaq loh, maeg daet daeuj dwx gvaq loh, vanz gaenqsu bae vanz Yez'hoahhuah hawj le gaenqnaeh daeuj gah, gux hawj dij goanz Yixsowhleh ni inxnaeh, mboq deq su eh." 29Moahciz yaeng laux hongz: "Gux cenq daeq ndaw chaenh og bae, zoq yaeuj song mungz vanz Yez'hoahhuah, faxumj gah mboqyaq, maegdaet goj daeuj gah mboqyaq, hoakzaqnaeh hawj mawz ruxndeq dihndin zawh gaenq Yez'hoahhuah gangq. 30Gaj gaenqmawz daj puj saeq baihdawj mawz, gux ruxndeq gaenqsu naengz mboq ruxndeq mbu dij Sen, Yez'hoahhuah." 31Laemh zwz naeh, kaeujmeg dwx haeuz og rongz, banq haeuz og ndog, kaeujmeg dwx daj banq zoah maegdaet saeuh nauq. 32Mizgaj kaeujmeg ix daj kaeujmeg zaz saeuh mboq zoah, unj paenqdix zawh sowh kaeujmeg baenz laj naeh. 33Moahciz ni laux hongz og ndaw chaenh bae, yaeuj song mungz dix vanz Yez'hoahhuah, fax zoq umj gah, maegdaet zoq daeuj gah, paen goj mbaet. 34Laux hongz Aizjih leztaen paen mbaet, maegdaet daeuj gah, faxumj gah, zoq daeuq hoak loang, dix daj sowh puj saeq baihdawj dix naeh, zaw naengzgaj nyaeb. 35Laux hongz Aizjih haxnyaeb, mboq venq hawj dij goanz Yixsowhleh ni, daj gaemz Yez'hoahhuah haxdoq Moahciz naeh dungzlumj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.