Ni Aizjih 10
10
Daengz Ndaw Aizjih Zawh Gaj Dij Daek
1 Yez'hoahhuah daj Moahciz hax: "Mawz mwz dih laux hongz Aizjih naeh, gux haeuz hawj dix daj sowh puj saeq baihdawj dix naeh haxnyaeb, hoakzaqnaeh, gux yuq doqnaj paenqdix hoak sowh gaenq ndaw fax naeh. 2Sowh gaenq gux chaenxfah dij goanz Aizjih naeh, zoq zawh sowh saeh ndaw fax gux hoak bae doqnaj dij goanz Aizjih naeh, mawz aeu daengzle laemh dwk luglan mawz, hawj paenqdix zoh lej laemh dwk zoh. Hoakzaqnaeh, hawj gaenqsu daengzle ruxndeq gux zawh Yez'hoahhuah." 3Moahciz daj Yaqlunh zoq mwz dih laux hongz Aizjih naeh, daj dix hax: "Yez'hoahhuah, dij Sen puj Cizboahlaiz hoakzaqnaeh hax: Mawz daz yuq doqnaj gux chungzhaeuz taeng zwz rawz oah? Hawj dij goanz gux ni dih inxnaeh, hawj paenqdix bae biangz gux, mbud gux. 4Jixzawh mawz mboq hawj dij goanz gux ni, vaenzbig gux hawj dij daek maz dih mawz. 5Daengz dihndin mizgaj dij daek, hawj dij goanz lez mboq taen dihndin. Ndaw doangh ndaw naz, sowh gaenq maegdaet saeuh mboq zoah, low daeuj naeh, zoah dij daek jin nauq mboqyaq, mbaw maex gaeng goj zoah jin nauq. 6Ndaw rownz mawz, ndaw rownz puj saeq mawz, ndaw rownz dij goanz Aizjih daengzle mizgaj dij daek. Puj jeq rownz mawz, zoh rawz gojvenj, mboq sanz miz gawz ndaej taen miz dij daek lai baenzzaqnaeh." Hax gah, Moahciz zoq ueq laeng, ni laux hongz Aizjih og bae. 7Sowh puj saeq baihdawj laux hongz naeh daj laux hongz hax: "Goanz naeh hawj raeuz miz saeh lai baenzzaqnaeh, dix daz hawj raeuz miz saeh taeng zwz rawz mux? Hawj paenqdix bae biangz daj mbud Yez'hoahhuah, dij Sen paenqdix ndeh. Aizjih haeuz mba'mbungj nauq, mawz naengz mboq ruxndeq maj?" 8Yaq, Moahciz daj Yaqlunh zoah daenh rongx dauh mwz dih laux hongz naeh. Laux hongz daj doiqdix hax: "Gaenqsu bae biangz daj mbud dij Sen su Yez'hoahhuah ndeh, gaj gawz bae raeuh ah?" 9Moahciz yaeng: "Gaenqpiu bae gaem jeng Yez'hoahhuah. Baenzzaqnaeh, gaenqpiu puj jeq puj oanq goj zaemh bae, lug nyingz lug zaiz piu goj zaemh bae, goj ndaq daengz boangx mbej boangx moaz piu zaemh bae." 10Laux hongz daj doiqdix hax: "Su faeklaih gux rux vanz Yez'hoahhuah gumx su, hawj su ni mboqloah, gux toj mboq rux hawj lug su ni. Gaenqsu miz saeh dwx yah, gaenqsu hem ixux. 11Mboq hawj daengzle bae, hawj gaj puj zaiz su bae biangz daj mbud Yez'hoahhuah, daengz mbaednduq su goj zawh hoakzaqnaeh hax naeujneh." Yaq doiqdix zoq zoah daem og nog. 12Yez'hoahhuah daj Moahciz hax: "Ed mungz mawz bae doq Aizjih, hawj dij daek maz ndaw Aizjih, jin sowh kaeujpyaek maegdaet saeuh low naeh nauq." 13Moahciz zoq aeu laenj maexdaeux jix bae doq ndaw Aizjih, Yez'hoahhuah hawj sowh laemz daeq baih tang vaenz og naeh baeuq maz yaengh vaenz yaengh hwnz. Taeng zawnaw zaeux, sowh laemz daeq baih tang vaenz og baeuq maz naeh baeuq dij daek maz. 14Dij daek maz daengz Aizjih nauq, yuq ndaw Aizjih ced, dij daek lai daengz mboq zawh haxnyaeux, daeq zwz rawz maz mboq sanz miz dij daek lai baenzzaqnaeh, mwznaj goj mboq rux miz lai baenzzaqnaeh. 15Daengz dihndin zawh gaj dij daek, hawj daengz dihndin byenq ndaem nauq. Dij daek jin kaeujpyaek dihndin nauq, jin maeg ndaw go nauq, zoq zawh jin sowh gaenq maegdaet saeuh low naeh nauq. Hoakzaqnaeh, daengz ndaw Aizjih nauq, maex gojndae, kaeujpyaek ndaw naz gojndae, mboq miz dih rawz naengz qeu. 16Yaq, laux hongz Aizjih cenq rongx Moahciz daj Yaqlunh maz, dix hax: "Gux hoak loang dij Sen su Yez'hoahhuah, goj hoak loang su. 17Gannaeh vanz mawz yangq gaenq hoakloang gux mbaed ux, goj vanz su vanz dij Sen su Yez'hoahhuah, hawj aen nanq ni inxnaeh." 18Moahciz zoq ni laux hongz og bae, vanz Yez'hoahhuah. 19Yez'hoahhuah hawj sowh laemz daeq baih tang vaenz og baeuq maz naeh byenqbaenz sowh laemz daeq baih tang vaenz doak baeuq maz naeh, baeuq dij daek kwnj maz, baeuq bae ndaw Haijndiang. Yuq ndaw Aizjih, daengz do dij daek ux naengz mboq low. 20Gaj Yez'hoahhuah hawj zaw laux hongz Aizjih haxnyaeb, hoakzaqnaeh laux hongz Aizjih mboq venq hawj dij goanz Yixsowhleh ni.
Fax Ndaw Aizjih Ndaem Yaengh Sam Vaenz
21 Yez'hoahhuah daj Moahciz hax: "Mawz aeu mungz jix mwz doq ndaw fax, hawj daengz ndaw Aizjih faxndaem nauq, sowh faxndaem naeh ndaem daj rux lumh zoah dungzlumj." 22Moahciz aeu mungz jix mwz doq ndaw fax, daengz ndaw Aizjih nauq faxndaem yaengh sam vaenz. 23Sam vaenz naeh, dij goanz gawz goj lez mboq taen gawz, gawz goj dwnq ni dih hoakri yuq naeh mboq baenz. Mizgaj sowh dih dij goanz Yixsowhleh yuq naeh rungh. 24Laux hongz Aizjih zoq rongx Moahciz maz, dix hax: "Gaenqsu bae biangz daj mbud Yez'hoahhuah ndeh, nanghgaj su aeu boangx mbej boangx moaz su nyaengx, lug su goj hawj daj su zaemh bae." 25Moahciz yaeng: "Mboq baenz oh, mawz hawj gaenqpiu tw doihdo mwz mbud Yez'hoahhuah zuxbaenz. Unj gaenqpiu mwz mbud Yez'hoahhuah, gaenq aeu mbud daengzhwx niz mbud daengzhwx, gaenq aeu pyaeu mbud niz pyaeu mbud. 26Doihdo piu goj aeu daj piu zaemh mwz zuxbaenz, do rawz goj mboq hawj low. Unj, gaenqpiu lowg mwz mbud dij Sen piu Yez'hoahhuah. Gaj gannaeh naengz mwz mboq taeng dih naeh, piu mboq ruxndeq aeu do rawz biangz daj mbud Yez'hoahhuah." 27Gaj Yez'hoahhuah hawj zaw laux hongz Aizjih haxnyaeb. Baenzzaqnaeh, laux hongz mboq venq hawj dij goanz Yixsowhleh ni. 28Laux hongz daj Moahciz hax: "Ni gux naeuz gvae ux, mawz hem ixux, laek daeuq taen naj gux, mawz daeuq taen naj gux zwzrawz, mawz zoah tai mboqyaq." 29Moahciz yaeng: "Mawz hax hoj yah, gux mboq rux daeuq maz taen naj mawz yah."
Currently Selected:
Ni Aizjih 10: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Ni Aizjih 10
10
Daengz Ndaw Aizjih Zawh Gaj Dij Daek
1 Yez'hoahhuah daj Moahciz hax: "Mawz mwz dih laux hongz Aizjih naeh, gux haeuz hawj dix daj sowh puj saeq baihdawj dix naeh haxnyaeb, hoakzaqnaeh, gux yuq doqnaj paenqdix hoak sowh gaenq ndaw fax naeh. 2Sowh gaenq gux chaenxfah dij goanz Aizjih naeh, zoq zawh sowh saeh ndaw fax gux hoak bae doqnaj dij goanz Aizjih naeh, mawz aeu daengzle laemh dwk luglan mawz, hawj paenqdix zoh lej laemh dwk zoh. Hoakzaqnaeh, hawj gaenqsu daengzle ruxndeq gux zawh Yez'hoahhuah." 3Moahciz daj Yaqlunh zoq mwz dih laux hongz Aizjih naeh, daj dix hax: "Yez'hoahhuah, dij Sen puj Cizboahlaiz hoakzaqnaeh hax: Mawz daz yuq doqnaj gux chungzhaeuz taeng zwz rawz oah? Hawj dij goanz gux ni dih inxnaeh, hawj paenqdix bae biangz gux, mbud gux. 4Jixzawh mawz mboq hawj dij goanz gux ni, vaenzbig gux hawj dij daek maz dih mawz. 5Daengz dihndin mizgaj dij daek, hawj dij goanz lez mboq taen dihndin. Ndaw doangh ndaw naz, sowh gaenq maegdaet saeuh mboq zoah, low daeuj naeh, zoah dij daek jin nauq mboqyaq, mbaw maex gaeng goj zoah jin nauq. 6Ndaw rownz mawz, ndaw rownz puj saeq mawz, ndaw rownz dij goanz Aizjih daengzle mizgaj dij daek. Puj jeq rownz mawz, zoh rawz gojvenj, mboq sanz miz gawz ndaej taen miz dij daek lai baenzzaqnaeh." Hax gah, Moahciz zoq ueq laeng, ni laux hongz Aizjih og bae. 7Sowh puj saeq baihdawj laux hongz naeh daj laux hongz hax: "Goanz naeh hawj raeuz miz saeh lai baenzzaqnaeh, dix daz hawj raeuz miz saeh taeng zwz rawz mux? Hawj paenqdix bae biangz daj mbud Yez'hoahhuah, dij Sen paenqdix ndeh. Aizjih haeuz mba'mbungj nauq, mawz naengz mboq ruxndeq maj?" 8Yaq, Moahciz daj Yaqlunh zoah daenh rongx dauh mwz dih laux hongz naeh. Laux hongz daj doiqdix hax: "Gaenqsu bae biangz daj mbud dij Sen su Yez'hoahhuah ndeh, gaj gawz bae raeuh ah?" 9Moahciz yaeng: "Gaenqpiu bae gaem jeng Yez'hoahhuah. Baenzzaqnaeh, gaenqpiu puj jeq puj oanq goj zaemh bae, lug nyingz lug zaiz piu goj zaemh bae, goj ndaq daengz boangx mbej boangx moaz piu zaemh bae." 10Laux hongz daj doiqdix hax: "Su faeklaih gux rux vanz Yez'hoahhuah gumx su, hawj su ni mboqloah, gux toj mboq rux hawj lug su ni. Gaenqsu miz saeh dwx yah, gaenqsu hem ixux. 11Mboq hawj daengzle bae, hawj gaj puj zaiz su bae biangz daj mbud Yez'hoahhuah, daengz mbaednduq su goj zawh hoakzaqnaeh hax naeujneh." Yaq doiqdix zoq zoah daem og nog. 12Yez'hoahhuah daj Moahciz hax: "Ed mungz mawz bae doq Aizjih, hawj dij daek maz ndaw Aizjih, jin sowh kaeujpyaek maegdaet saeuh low naeh nauq." 13Moahciz zoq aeu laenj maexdaeux jix bae doq ndaw Aizjih, Yez'hoahhuah hawj sowh laemz daeq baih tang vaenz og naeh baeuq maz yaengh vaenz yaengh hwnz. Taeng zawnaw zaeux, sowh laemz daeq baih tang vaenz og baeuq maz naeh baeuq dij daek maz. 14Dij daek maz daengz Aizjih nauq, yuq ndaw Aizjih ced, dij daek lai daengz mboq zawh haxnyaeux, daeq zwz rawz maz mboq sanz miz dij daek lai baenzzaqnaeh, mwznaj goj mboq rux miz lai baenzzaqnaeh. 15Daengz dihndin zawh gaj dij daek, hawj daengz dihndin byenq ndaem nauq. Dij daek jin kaeujpyaek dihndin nauq, jin maeg ndaw go nauq, zoq zawh jin sowh gaenq maegdaet saeuh low naeh nauq. Hoakzaqnaeh, daengz ndaw Aizjih nauq, maex gojndae, kaeujpyaek ndaw naz gojndae, mboq miz dih rawz naengz qeu. 16Yaq, laux hongz Aizjih cenq rongx Moahciz daj Yaqlunh maz, dix hax: "Gux hoak loang dij Sen su Yez'hoahhuah, goj hoak loang su. 17Gannaeh vanz mawz yangq gaenq hoakloang gux mbaed ux, goj vanz su vanz dij Sen su Yez'hoahhuah, hawj aen nanq ni inxnaeh." 18Moahciz zoq ni laux hongz og bae, vanz Yez'hoahhuah. 19Yez'hoahhuah hawj sowh laemz daeq baih tang vaenz og baeuq maz naeh byenqbaenz sowh laemz daeq baih tang vaenz doak baeuq maz naeh, baeuq dij daek kwnj maz, baeuq bae ndaw Haijndiang. Yuq ndaw Aizjih, daengz do dij daek ux naengz mboq low. 20Gaj Yez'hoahhuah hawj zaw laux hongz Aizjih haxnyaeb, hoakzaqnaeh laux hongz Aizjih mboq venq hawj dij goanz Yixsowhleh ni.
Fax Ndaw Aizjih Ndaem Yaengh Sam Vaenz
21 Yez'hoahhuah daj Moahciz hax: "Mawz aeu mungz jix mwz doq ndaw fax, hawj daengz ndaw Aizjih faxndaem nauq, sowh faxndaem naeh ndaem daj rux lumh zoah dungzlumj." 22Moahciz aeu mungz jix mwz doq ndaw fax, daengz ndaw Aizjih nauq faxndaem yaengh sam vaenz. 23Sam vaenz naeh, dij goanz gawz goj lez mboq taen gawz, gawz goj dwnq ni dih hoakri yuq naeh mboq baenz. Mizgaj sowh dih dij goanz Yixsowhleh yuq naeh rungh. 24Laux hongz Aizjih zoq rongx Moahciz maz, dix hax: "Gaenqsu bae biangz daj mbud Yez'hoahhuah ndeh, nanghgaj su aeu boangx mbej boangx moaz su nyaengx, lug su goj hawj daj su zaemh bae." 25Moahciz yaeng: "Mboq baenz oh, mawz hawj gaenqpiu tw doihdo mwz mbud Yez'hoahhuah zuxbaenz. Unj gaenqpiu mwz mbud Yez'hoahhuah, gaenq aeu mbud daengzhwx niz mbud daengzhwx, gaenq aeu pyaeu mbud niz pyaeu mbud. 26Doihdo piu goj aeu daj piu zaemh mwz zuxbaenz, do rawz goj mboq hawj low. Unj, gaenqpiu lowg mwz mbud dij Sen piu Yez'hoahhuah. Gaj gannaeh naengz mwz mboq taeng dih naeh, piu mboq ruxndeq aeu do rawz biangz daj mbud Yez'hoahhuah." 27Gaj Yez'hoahhuah hawj zaw laux hongz Aizjih haxnyaeb. Baenzzaqnaeh, laux hongz mboq venq hawj dij goanz Yixsowhleh ni. 28Laux hongz daj Moahciz hax: "Ni gux naeuz gvae ux, mawz hem ixux, laek daeuq taen naj gux, mawz daeuq taen naj gux zwzrawz, mawz zoah tai mboqyaq." 29Moahciz yaeng: "Mawz hax hoj yah, gux mboq rux daeuq maz taen naj mawz yah."
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.