Ni Aizjih 8
8
1 Yez'hoahhuah daj Moahciz hax: "Mawz mwz dih laux hongz Aizjih naeh, daj dix hax: ‘Yez'hoahhuah hoakzaqnaeh hax: "Hawj dij goanz gux ni inxnaeh, hawj paenqdix bae mbud gux daj biangz gux. 2Jixzawh mawz mboq zoangq dij goanz gux ni inxnaeh, gux hawj dij gvej haiq daengz ndaw Aizjih nauq, 3hawj ndaw dah mizgaj dij gvej. Dij gvej kwnj maz, ndonj mwz ndaw rownz mawz, ndonj mwz ndaw ruk mawz, yoangh mwz ndaw mungxfaz mawz, ndonj mwz ndaw rownz puj koij mawz, yoangh mwz ndaw ndang dij goanz mawz, yoangh mwz ndaw kuq mawz, yoangh mwz ndaw sowh aen banz mawz aeu gaenx kaeuj naeh. 4Dij gvej goj yoangh mwz ndaw ndang mawz, ndaw ndang dij goanz Aizjih mawz, ndaw ndang puj koij mawz."’" 5Yez'hoahhuah daj Moahciz hax: "Mawz haxdoq Yaqlunh, hawj dix aeu laenj maexdaeux ndaw mungz dix naeh jix bae doq naemx ndaw dah, naemx ndaw mowng, naemx ndaw vaengz, hawj dij gvej kwnj maz ndaw Aizjih." 6Yaqlunh daeh aeu laenj maexdaeux ndaw mungz dix jix bae now naemx Aizjih, dij gvej zoq kwnj maz, daengz Aizjih nauq dih rawz goj zawh dij gvej gangq. 7Boangx hoakbang Aizjih naeh goj hoakbang, hawj dij gvej kwnj maz Aizjih. 8Laux hongz Aizjih rongx Moahciz daj Yaqlunh maz, daj doiqdix hax: "Vanz gaenqsu saeh piu vanz Yez'hoahhuah, hawj Yez'hoahhuah aeu sowh dij gvej naeh ni gux, ni dij goanz Aizjih gux, gux zoq hawj dij goanz dix bae mbud dix." 9Moahciz yaeng laux hongz Aizjih, dix hax: "Mawz haxdoq gux, mawz hawj gux zwz rawz saeh mawz, puj koij mawz, dij goanz Aizjih mawz vanz Yez'hoahhuah ndaep dij gvej, hawj dij gvej ni mawz daj ndaw rownz mawz, yuq gaj ndaw dah?" 10Laux hongz Aizjih hax: "Vaenzbig." Moahciz yaeng: "Awh, hoakzaq gaemz mawz hax naeh, hoakzaqnaeh hawj mawz ruxndeq mboq miz dij Sen gaeng daj Yez'hoahhuah dij Sen piu dungzlumj. 11Vaenzbig dij gvej ni mawz, ndaw rownz mawz, puj koij mawz, dij goanz Aizjih mawz, yuq gaj ndaw dah mboqyaq." 12Yaq Moahciz daj Yaqlunh ni laux hongz Aizjih og bae. Moahciz vanz Yez'hoahhuah ndaep sowh dij gvej Yez'hoahhuah aeu haiq laux hongz Aizjih naeh. 13Yez'hoahhuah zoq hoakzaq gaemz Moahciz vanz naeh. Nanghgaj sowh dij gvej yuq ndaw rownz, yuq ndaw gumhhongh, yuq ndaw naz naeh daengzle tai nauq. 14Dij goanz Aizjih aeu dij gvej hoak moangj hoak moangj, dih rawz goj maen raix taeuq. 15Gaj laux hongz Aizjih daeh taen naeuz ndae nyeuz, zaw dix zoq daeuq daj mbaednduq dungzlumj, mboq venq biak kauq Moahciz daj Yaqlunh, zoq daj Yez'hoahhuah hax naeh dungzlumj.
Dij Rimh Hawj Dij Goanz Aizjih Yuqraix
16 Yez'hoahhuah daj Moahciz hax: "Mawz haxdoq Yaqlunh: ‘Jix laenj maexdaeux mawz, saeuh bae mowdmoanz dihndin, hawj mowdmoanz ndaw Aizjih byenqbaenz dij rimh nauq.’" 17Paenqdix zoq hoakzaqnaeh hoak. Yaqlunh jix laenj maexdaeux dix, saeuh mowdmoanz dihndin. Ndaw ndang dij goanz daj ndaw ndang doihdo zoq miz dij rimh. Mowdmoanz ndaw Aizjih gaj dih gaj byenqbaenz dij rimh nauq. 18Ndaw ndang dij goanz daj ndaw ndang doihdo miz dij rimh. Boangx hoakbang Aizjih naeh goj hoakbang, daz hawj miz dij rimh, gaj paenqdix hoak mboq taeng. 19Paenqdix zoq daj laux hongz Aizjih hax: "Gaenqnaeh zawh dij Sen hoak." Laux hongz Aizjih naengzgaj haxnyaeb gvaq, mboq venq biak kauq Moahciz daj Yaqlunh, zoq daj Yez'hoahhuah hax naeh dungzlumj.
Dij Miangz Hawj Dij Goanz Aizjih Yuqraix
20 Yez'hoahhuah daj Moahciz hax: "Nawbig mawz dwnq maz, gau laux hongz Aizjih daeuj haenz dah naeh, mawz bae in doqnaj dix, daj dix hax: ‘Yez'hoahhuah hoakzaqnaeh hax: "Mawz hawj dij goanz gux ni inxnaeh, hawj paenqdix bae mbud gux daj biangz gux. 21Jixzawh mawz mboq hawj dij goanz gux ni inxnaeh, gux hawj dij miangz bae duh ndang mawz, ndang puj koij mawz, ndang dij goanz Aizjih mawz, ndonj mwz ndaw rownz mawz. Ndaw rownz dij goanz Aizjih mawz mizgaj dij miangz, dih su yuq naeh mizgaj dij miangz. 22Gaj vaenz gaeng naeh, gux hawj mbanj Goazsanz, dih dij goanz gux ndowj naeh, daj dihndai mboq dungzlumj, hawj Goazsanz mboq miz dij miangz. Hoakzaqnaeh hawj mawz ruxndeq mizgaj gux zawh Yez'hoahhuah. 23Gux doiq dij goanz gux daj doiq dij goanz mawz mboq dungzlumj, hawj su ta taen singjringh. Vaenzbig miz diauq sowh daeh ndaw fax naeh mboqyaq."’" 24Yez'hoahhuah zoq hoakzaqnaeh hoak. Dij miangz lai daengz mboq zawh haxnyaeux ndonj mwz ndaw rownz laux hongz Aizjih daj mwz ndaw rownz puj koij dix. Daengz ndaw Aizjih mizgaj dij miangz. Cholaeng dij miangz Aizjih egcimz eglauz. 25Laux hongz Aizjih rongx Moahciz daj Yaqlunh maz, daj doiqdix hax: "Awh awh awh, gaenqsu yuq ndaw Aizjih inxnaeh mbud dij Sen su ndeh." 26Moahciz yaeng: "Hoakzaqnaeh baenz mboq ndaej! Sowh gaenq gaenqpiu aeu mbud dij Sen piu Yez'hoahhuah naeh, dij goanz Aizjih ywjhwnq taeuq. Jixzawh gaenqpiu aeu sowh gaenq naeh yuq doqnaj dij goanz Aizjih mbud dij Sen piu, paenqdix rux aeu tin saeuh piu tai mboqyaq. 27Gaenqpiu daeq sam vaenz loh, hoakzaq Yez'hoahhuah yaix piu naeh, yuq ndaw doanghmowz mbud dix." 28Laux hongz Aizjih yaeng: "Gux hawj su ni inxnaeh, bae ndaw doanghmowz mbud dij Sen su Yez'hoahhuah, gaj mboq hawj su ni bae gvae. Gannaeh saeh gux vanz Yez'hoahhuah." 29Moahciz hax: "Gux ni mawz bae vanz Yez'hoahhuah, hawj dij miangz vaenzbig ni mawz, puj koij mawz, dij goanz Aizjih mawz. Gaj mboq jinx mawz daeuq yai piu, mboq hawj dij goanz Yixsowhleh bae mbud Yez'hoahhuah." 30Yaq Moahciz zoq og bae vanz Yez'hoahhuah. 31Yez'hoahhuah zoq hoakzaq gaenq Moahciz vanz naeh hoak, hawj dij miangz ni laux hongz Aizjih, puj koij laux hongz Aizjih, dij goanz Aizjih, do rawz goj mboq low. 32Gaj mbaed naeh, laux hongz Aizjih goj naengzgaj haxnyaeb, mboq hawj dij goanz Yixsowhleh ni.
Currently Selected:
Ni Aizjih 8: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Ni Aizjih 8
8
1 Yez'hoahhuah daj Moahciz hax: "Mawz mwz dih laux hongz Aizjih naeh, daj dix hax: ‘Yez'hoahhuah hoakzaqnaeh hax: "Hawj dij goanz gux ni inxnaeh, hawj paenqdix bae mbud gux daj biangz gux. 2Jixzawh mawz mboq zoangq dij goanz gux ni inxnaeh, gux hawj dij gvej haiq daengz ndaw Aizjih nauq, 3hawj ndaw dah mizgaj dij gvej. Dij gvej kwnj maz, ndonj mwz ndaw rownz mawz, ndonj mwz ndaw ruk mawz, yoangh mwz ndaw mungxfaz mawz, ndonj mwz ndaw rownz puj koij mawz, yoangh mwz ndaw ndang dij goanz mawz, yoangh mwz ndaw kuq mawz, yoangh mwz ndaw sowh aen banz mawz aeu gaenx kaeuj naeh. 4Dij gvej goj yoangh mwz ndaw ndang mawz, ndaw ndang dij goanz Aizjih mawz, ndaw ndang puj koij mawz."’" 5Yez'hoahhuah daj Moahciz hax: "Mawz haxdoq Yaqlunh, hawj dix aeu laenj maexdaeux ndaw mungz dix naeh jix bae doq naemx ndaw dah, naemx ndaw mowng, naemx ndaw vaengz, hawj dij gvej kwnj maz ndaw Aizjih." 6Yaqlunh daeh aeu laenj maexdaeux ndaw mungz dix jix bae now naemx Aizjih, dij gvej zoq kwnj maz, daengz Aizjih nauq dih rawz goj zawh dij gvej gangq. 7Boangx hoakbang Aizjih naeh goj hoakbang, hawj dij gvej kwnj maz Aizjih. 8Laux hongz Aizjih rongx Moahciz daj Yaqlunh maz, daj doiqdix hax: "Vanz gaenqsu saeh piu vanz Yez'hoahhuah, hawj Yez'hoahhuah aeu sowh dij gvej naeh ni gux, ni dij goanz Aizjih gux, gux zoq hawj dij goanz dix bae mbud dix." 9Moahciz yaeng laux hongz Aizjih, dix hax: "Mawz haxdoq gux, mawz hawj gux zwz rawz saeh mawz, puj koij mawz, dij goanz Aizjih mawz vanz Yez'hoahhuah ndaep dij gvej, hawj dij gvej ni mawz daj ndaw rownz mawz, yuq gaj ndaw dah?" 10Laux hongz Aizjih hax: "Vaenzbig." Moahciz yaeng: "Awh, hoakzaq gaemz mawz hax naeh, hoakzaqnaeh hawj mawz ruxndeq mboq miz dij Sen gaeng daj Yez'hoahhuah dij Sen piu dungzlumj. 11Vaenzbig dij gvej ni mawz, ndaw rownz mawz, puj koij mawz, dij goanz Aizjih mawz, yuq gaj ndaw dah mboqyaq." 12Yaq Moahciz daj Yaqlunh ni laux hongz Aizjih og bae. Moahciz vanz Yez'hoahhuah ndaep sowh dij gvej Yez'hoahhuah aeu haiq laux hongz Aizjih naeh. 13Yez'hoahhuah zoq hoakzaq gaemz Moahciz vanz naeh. Nanghgaj sowh dij gvej yuq ndaw rownz, yuq ndaw gumhhongh, yuq ndaw naz naeh daengzle tai nauq. 14Dij goanz Aizjih aeu dij gvej hoak moangj hoak moangj, dih rawz goj maen raix taeuq. 15Gaj laux hongz Aizjih daeh taen naeuz ndae nyeuz, zaw dix zoq daeuq daj mbaednduq dungzlumj, mboq venq biak kauq Moahciz daj Yaqlunh, zoq daj Yez'hoahhuah hax naeh dungzlumj.
Dij Rimh Hawj Dij Goanz Aizjih Yuqraix
16 Yez'hoahhuah daj Moahciz hax: "Mawz haxdoq Yaqlunh: ‘Jix laenj maexdaeux mawz, saeuh bae mowdmoanz dihndin, hawj mowdmoanz ndaw Aizjih byenqbaenz dij rimh nauq.’" 17Paenqdix zoq hoakzaqnaeh hoak. Yaqlunh jix laenj maexdaeux dix, saeuh mowdmoanz dihndin. Ndaw ndang dij goanz daj ndaw ndang doihdo zoq miz dij rimh. Mowdmoanz ndaw Aizjih gaj dih gaj byenqbaenz dij rimh nauq. 18Ndaw ndang dij goanz daj ndaw ndang doihdo miz dij rimh. Boangx hoakbang Aizjih naeh goj hoakbang, daz hawj miz dij rimh, gaj paenqdix hoak mboq taeng. 19Paenqdix zoq daj laux hongz Aizjih hax: "Gaenqnaeh zawh dij Sen hoak." Laux hongz Aizjih naengzgaj haxnyaeb gvaq, mboq venq biak kauq Moahciz daj Yaqlunh, zoq daj Yez'hoahhuah hax naeh dungzlumj.
Dij Miangz Hawj Dij Goanz Aizjih Yuqraix
20 Yez'hoahhuah daj Moahciz hax: "Nawbig mawz dwnq maz, gau laux hongz Aizjih daeuj haenz dah naeh, mawz bae in doqnaj dix, daj dix hax: ‘Yez'hoahhuah hoakzaqnaeh hax: "Mawz hawj dij goanz gux ni inxnaeh, hawj paenqdix bae mbud gux daj biangz gux. 21Jixzawh mawz mboq hawj dij goanz gux ni inxnaeh, gux hawj dij miangz bae duh ndang mawz, ndang puj koij mawz, ndang dij goanz Aizjih mawz, ndonj mwz ndaw rownz mawz. Ndaw rownz dij goanz Aizjih mawz mizgaj dij miangz, dih su yuq naeh mizgaj dij miangz. 22Gaj vaenz gaeng naeh, gux hawj mbanj Goazsanz, dih dij goanz gux ndowj naeh, daj dihndai mboq dungzlumj, hawj Goazsanz mboq miz dij miangz. Hoakzaqnaeh hawj mawz ruxndeq mizgaj gux zawh Yez'hoahhuah. 23Gux doiq dij goanz gux daj doiq dij goanz mawz mboq dungzlumj, hawj su ta taen singjringh. Vaenzbig miz diauq sowh daeh ndaw fax naeh mboqyaq."’" 24Yez'hoahhuah zoq hoakzaqnaeh hoak. Dij miangz lai daengz mboq zawh haxnyaeux ndonj mwz ndaw rownz laux hongz Aizjih daj mwz ndaw rownz puj koij dix. Daengz ndaw Aizjih mizgaj dij miangz. Cholaeng dij miangz Aizjih egcimz eglauz. 25Laux hongz Aizjih rongx Moahciz daj Yaqlunh maz, daj doiqdix hax: "Awh awh awh, gaenqsu yuq ndaw Aizjih inxnaeh mbud dij Sen su ndeh." 26Moahciz yaeng: "Hoakzaqnaeh baenz mboq ndaej! Sowh gaenq gaenqpiu aeu mbud dij Sen piu Yez'hoahhuah naeh, dij goanz Aizjih ywjhwnq taeuq. Jixzawh gaenqpiu aeu sowh gaenq naeh yuq doqnaj dij goanz Aizjih mbud dij Sen piu, paenqdix rux aeu tin saeuh piu tai mboqyaq. 27Gaenqpiu daeq sam vaenz loh, hoakzaq Yez'hoahhuah yaix piu naeh, yuq ndaw doanghmowz mbud dix." 28Laux hongz Aizjih yaeng: "Gux hawj su ni inxnaeh, bae ndaw doanghmowz mbud dij Sen su Yez'hoahhuah, gaj mboq hawj su ni bae gvae. Gannaeh saeh gux vanz Yez'hoahhuah." 29Moahciz hax: "Gux ni mawz bae vanz Yez'hoahhuah, hawj dij miangz vaenzbig ni mawz, puj koij mawz, dij goanz Aizjih mawz. Gaj mboq jinx mawz daeuq yai piu, mboq hawj dij goanz Yixsowhleh bae mbud Yez'hoahhuah." 30Yaq Moahciz zoq og bae vanz Yez'hoahhuah. 31Yez'hoahhuah zoq hoakzaq gaenq Moahciz vanz naeh hoak, hawj dij miangz ni laux hongz Aizjih, puj koij laux hongz Aizjih, dij goanz Aizjih, do rawz goj mboq low. 32Gaj mbaed naeh, laux hongz Aizjih goj naengzgaj haxnyaeb, mboq hawj dij goanz Yixsowhleh ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.