Proverbios 2
2
Bila c'ax lec ya jtatic ta p'ijil c'ope
1Jnich'an, u'uninbon me te c'opetic cu'une;
q'ueja me ta ajol, q'ueja me ta awo'tan te mandaliletic cu'une.
2Ac'a me achiquin a te p'ijil c'ope;
ac'a me ta ajol soc awo'tan sna'el stuuntesel.
3C'ana me ta spisil awip te sp'ijil ajole, soc te toj-o'tanile;
4jc'axel xawac' aba ta sleel,
jichuc me ta awo'tan te bit'il yacat ta sleel plata
soc te yacat ta sleel nac'bil c'ulejalil.
5Jich me ya ana' a te bit'il ay ta ich'el ta muc' te Cajwaltique;
jich me ya ata te bit'il ya ana'bey sba te Diose.
6Melel ja' Cajwaltic te ya yac' te p'ijil-o'tanil,
p'ijil c'op soc te p'ijil jolole,
ja' ya xloc' tel ta ye stuquel.
7Te Cajwaltic ya scoltay soc ya scanantay te mach'atic toj ya yac' sbaic
soc te ma'yuc bila amen ya spasique;
8ya scanantay te mach'atic ja' ya spasic spisil ora te bila stojil ta pasele,
soc ya scanantay te mach'atic jun yo'tanic ta stojole.
9Jich me ya ana' te bila toj soc ya me ana' te bila yich'oj swentaile,
soc ja'uc me ay ta awo'tan spasel te bila leque;
10melel ta ajol ya me awich' te ap'ijile,
ya me awaiybey xchi'il ta awo'tan c'oem.
11Te nacal-o'tanil soc te p'ijil-jolole,
ja' me ya scanantayat spisil ora;
12ja'ic me te ya yac'at ta libre te ma stsalat te be te amene,
soc ja'ic me ya yac'at ta libre ta sc'abic te mach'atic j'ixta-o'tanetique,
13ja' te mach'atic ya yijq'uitayic te lequil be,
te ya st'unbeyic sbelal yijc'al q'uinale,
14te bin nax yo'tanic yu'un te ya xju' yu'unic uts'inwaneje,
te q'uin c'oem yu'unic te bila amen ya spasique,
15te ja' st'unojic te ma stojil beuque,
te jowejemic ta toj be.
16Ya me scoltayat ta sc'ab te yan antse,
te jchajp sc'op ya xlo'laywane,#Pr 7.5.
17te ya xch'ay jilel te mach'a sjoy ta ch'iele
te jich ya xch'ay ta yo'tan te bila chapal yu'un soc te Diose.
18Teme ya at'un bael te be ya xbajt' ta sna te antse,
ja' me yacat ta st'unel c'oem a te sbelal lajele;
19te mach'atic ya x'ochic bael ta sna, ma ba ya sujt'iquix tel,
jc'axel ma'yuquix bi ora ya yantayic te sbelal cuxlejale.
20Beenan me ta lequil be jiche,
ja' me xanopbey stalel te mach'atic toj yo'tanique.
21Melel te mach'atic toj ya yac' sbaic soc te lec yat'elique,
ya me xjalajic ta q'uinal stuquelic;
22yan te mach'atic amen yo'tanic soc te jchebal-o'tanetic,
ya me yich'ic bulel loq'uel ta q'uinal,
soc ya me yich'ic ch'ojel loq'uel ta q'uinal stuquelic.#Sal 37.9.
Currently Selected:
Proverbios 2: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.