Ezequiel 48
48
Ya yich' puquel lumq'uinal ta stojol chajbalchajp sts'umbal Israel
1-7“Ja' te lista yu'un sts'umbal ta chajbalchajp Israel:
Ya xjajch' ta sti'il ta stojol norte, te ya xjajch' bael ta Mar Mediterráneo ya xc'ax ta Hetlón, ta yochibal Hamat soc Hazar-enán, ta stojol sur te q'uinaletic yu'un Damasco soc Hamat, ta juju-jchajp sts'umbalic ya me yich' jsejp sq'uinalic. Te sq'uinalic ya xjajch' ta sti'il ta stojol sloq'uib c'aal c'alal ta smalib c'aal, jich xmelmon ya xbajt' te listae:
Dan
Aser
Neftalí
Manasés
Efraín
Rubén
Judá
8“Tey me ya xjajch'ix a te q'uinal parte ya yich' p'isele. Ta stojol sloq'uib c'aal c'alal ta stojol smalib c'aal, olil yoxlajunmil (12,500) metro ta sjamalul. Te snajt'il ja' me pajal soc te yantic q'uinaletic, c'alal ta sloq'uib c'aal, c'alal ta smalib c'aal. Ta yolil me q'uinal ya x'ain te templo.
Ch'ul q'uinal yu'un Cajwaltic
(Ez 45.1-6)
9“Te jsejp ch'ul q'uinal yu'un Cajwaltic, te ay ta yolil te q'uinale, ay me olil yoxlajunmil (12,500) metro ta snajt'il soc lajunmil (10,000) metro ta xujc'. 10Ta yolil te jsejp q'uinal, ay me jpam q'uinal ch'ultesbil te ja' nax mero yu'un te sacerdoteetique. Ta stojol norte soc ta stojol sur, ay me olil yoxlajunmil (12,500) metro, ta stojol sloq'uib c'aal soc ta stojol smalib c'aal jo'mil (5,000) metro. Ta yolil me ya x'ain te templo yu'un te Cajwaltique. 11Te q'uinal ay me ta swenta te ch'ul sacerdoteetic yu'un Cajwaltic te ja' sts'umbalic Sadoc te la swentainbonic te cat'ele, te ma ba la st'unic te yantic israeletic te c'alal la yijq'uitaybonic te be cu'une, jich te bit'il la spasic te levitaetique. 12Ja' yu'un, tey me ya x'ainic ta yutil te jsejp q'uinal ch'ultesbil yu'un Cajwaltic, ja' te mero ch'ultesbile, slac'oj sba soc te sq'uinal levitaetique. 13Ta sti'il te sq'uinal sacerdoteetic, ya me xjajch' te sq'uinal levitaetique. Te q'uinal ay me olil yoxlajunmil (12,500) metro snajt'il soc jo'mil (5,000) metro ta xujc'. Te bay c'alal ch'ultesbil yu'un Cajwaltic, ay me ta spisil olil yoxlajunmil (12,500) metro ta snajt'il soc lajunmil (10,000) metro sjamalul. 14Ja' in to, ja' te jsejp q'uinal te mero lec stuquel. Ma me ayuc ta banti ya xju' ya yich' chonel o jelel, ma me xju' ya xyanaj yajwal, melel ja' yu'un te Cajwaltique.
15“Te bay c'alal jilem xane, te ay olil yoxlajunmil (12,500) metro snajt'ile, olil yoxmil (2,500) metro ta sjamalule, ma ba yich'oj ch'ultesel stuquel. Ya me xju' ay mach'atic ya xnainic tey a, soc tey me ay uuc a te aquil yu'un ya slo' te xchamsbalame. Ta yolil me ya x'ain te lume. 16Te lume ay me cha'mil soc lajuneb yoxlajunwinic (2,250) metro ta jujun xujc', pajal ta xchanebal xujc'. 17Ta sjoyobal ta sti'il te lume, tey me ay a te aquil ya slo'ic te chambalametique, te aquiltic ay me jo'eb sjucwinic (125) metro sjamalul ta xchanxujc'ul, pajal me ay ta xchanebal. 18Ta jujun sti'il te lum ay jsejp q'uinal te slac'oj sba soc te jsejp q'uinal ch'ultesbil yu'un te Cajwaltique, te ay jo'mil (5,000) metro snajt'il ta stojol sloq'uib c'aal, soc yan xan ta stojol smalib c'aal. Te q'uinal ya yich' pasel ta yawil ts'unubil. Te sit te ts'unubil ya xloq'ue, ya me xtuun yu'un ya yich' ac'beyel swe'elinic te mach'atic yacalic ta at'el ta lume. 19Te mach'atic yacalic ta at'el ta lum, mach'auc sts'umbal Israel te ay ta swenta, ya me x'at'ejic tey ta q'uinale. 20Ta spisil te q'uinale, te parte yich'oj p'isele, te ja' smacoj te jsejp ch'ultesbil yu'un Cajwaltic, soc nix te yu'un te lume, ya me spas ta chanxujc' ta olil yoxlajunmil (12,500) metro ta jujun sti'il.
Q'uinal yu'un ajwalil
(Ez 45.7-8)
21-22“Te ajwalil ya me yich' te cha'sejp sobra q'uinal ay ta yolil te q'uinal yu'un Judá soc Benjamín. Ja' te q'uinaletic te jun sts'acan soc te q'uinal q'uejbil yu'un te Cajwaltic soc yu'un te lume. Ya me xloc' olil yoxlajunmil (12,500) metro ta sjamalul, ya me xtal c'alal ta stojol sloq'uib c'aal, c'alal smalib c'aal ta sti'il mar. Ta olil me ya xjil yu'unic te jsejp parte ay yu'un Cajwaltic, soc te templo, soc te jsejp yu'un levitaetic soc te sq'uinal te lume.
Sq'uinal yantic sts'umbal Israel
23-27“Te sq'uinal te yantic sts'umbal Israel, c'ot c'alal ta stojol sur. Ta juju-jchajp sts'umbal Israel ya me yich' juju-jsejp sq'uinalic. Ya me xjajch' ta sti'il ta stojol sloq'uib c'aal c'alal ta stojol smalib c'aal. Jich me xtiq'uet ya xbajt' te lista yu'unique:
Benjamín
Simeón
Isacar
Zabulón
Gad
28“Ta sur yu'un te sq'uinal Gad, te sti'il ya me xjajch' ta Tamar, ya xc'ax ta yaxal q'uinal yu'un Meriba-cades soc ta beja' yu'un Egipto, c'alal ta Mar Mediterráneo.
29“Ja' me te lumq'uinal ta spisil te ya yich' soc ya x'ac'bot yu'uninic te jaychajp sts'umbal Israel. Ja' yu'un jich me ya sc'an ya apuquic te bit'il yacon ta yalele. Jo'on Ajwalilon te jich caloje.
Ochibaletic yu'un Jerusalén
30-34“Te lum ya yich' joyel ta ts'ajc', ay me cha'mil soc lajuneb yoxlajunwinic (2,250) metro te juju-jejch' ta xchanebal te sti'ile. Ta juju-jil te sts'ajc'ule, ay me oxeb ochibaletic tey a. Te jujune yich'ojbeyic sbiil te juju-jchajp sts'umbal Israel, jich bit'il in to: Ochibaletic ta stojol norte: yu'un Rubén, Judá soc Leví; ta stojol sloq'uib c'aal: yu'un José, Benjamín soc Dan; ta stojol sur: yu'un Simeón, Isacar soc Zabulón; ta stojol smalib c'aal: yu'un Gad, Aser, soc Neftalí. 35Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.#Ap 21.12-13.
Currently Selected:
Ezequiel 48: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.