Ezequiel 46
46
Yat'el ajwalil soc yajwal lum ta yorail q'uinetic
1“Jo'on Ajwalilon te jich ya cale: Te yochibal templo ta stojol sloq'uib c'aal te amac' ta yutile, macal me te swaquebal c'aal ta yorail at'ele, ja' nax me ya yich' jamel ta yorail te sc'aalelal cux-o'tane soc ta yorail te sc'aalelal yach'il u. 2Te Ajwalil ya me x'och ta cuarto yu'un te yochibal c'alal ta amac' ta spat, ya me xc'o stejc'an sba ta ste'el ochibal. Te c'alal jich aye, te sacerdoteetic ya me xchiq'uic te chambalametic swenta milbil majt'anile, ya me spasic te milbil majt'anil swenta lamal-o'tanile, te ja' la yac' te mach'a ay yat'el ta ajwalile. Pero ya stinan sba coel c'alal ta lum ta yiptajib te yochibale. Ora nax a, ya xloc' bael. Te ti'nail, ma me ba ya yich' maquel, ja' to me ya yich' maquel xan a te c'alal ya xmal c'aale. 3Ta sc'aalelal cux-o'tan soc ta sc'aalelal te yach'il u ya xch'uunic te Cajwaltique, tey nix me ta elawal yu'un te ti'naile. 4Te chambalametic ya sc'an ya yac' te ajwalil ta yorail te sc'aalelal cux-o'tane, te ja' yu'un te ya yich' chiq'uel swenta smajt'an te Cajwaltique, waqueb chijetic soc jcojt' stat. Ta spisilic ya me sc'an te ma'yuc bila boloben ta sbaq'uetalic. 5Ta juju-jcojt' te tat chije, ya me yaq'uic jtab litro harina. Ta swenta te yantique, chican jayeb ya ac'anic ya awaq'uic. Te juju-jtab litro harina ya me yac' olil xchaneb litro aceite. 6Te sc'aalelal yach'il u, ya me yac' jcojt' toro, waqueb chijetic soc jcojt' stat te chije, ta spisil me ma'yuc bila boloben ta sbaq'uetalic. 7Te juju-jcojt' ch'in toro, ya me yaq'uic jtab litro harina, ja' nix jich te juju-jcojt' tat chije. Te ch'in chije, chican yo'tan jayeb litro ya yac'. Ta juju-jtab litro harina, ya me yac' olil xchaneb litro aceite.
8“Te c'alal ya x'och bael te ajwalile, ya me x'och bael ta muc'ul cuarto yu'un te ochibale. Tey nix me ya sujt' loq'uel a. 9Ta jujun q'uinetic, te c'alal ya x'ochic ta yich'el ta muc' Cajwaltic te lume, jich me ya sc'an ya spasic: Te mach'atic ya x'ochic bael ta ochibal ta norte, ya me xloq'uiquix bael ta ochibal ta stojol sur, te mach'atic ya x'ochic bael ta ochibal ta stojol sur, ya me xloq'uic bael ta ochibal ta stojol norte. Ma me xju' ya sujt'ic loq'uel tey ta ochibal ta banti ochique, tey me ya xloq'uiquix bael ta elawale. 10Te ajwalil ya me xju' ya x'och bael soc te lume, soc ja' nix ya sjoin loq'uel yan buelta. 11Ta jujun q'uinetic ya me yich' aq'uel jtab litro harina ta juju-jcojt' ch'in toro, ja' nix jich ya yich' aq'uel yu'un te juju-jcojt' tat chije. Yan ta swenta te chije, chican bay c'alal ya xju' ta aq'uel. Ta juju-jtab litro harina, ya me yich' aq'uel olil xchaneb litro aceite.
12“Teme ay la yac'bey smajt'an Cajwaltic ta spasemal yo'tan te ajwalile, jich bit'il chambalam yu'un chic'bil scojt'ol majt'anil o milbil majt'anil yu'un lamal-o'tanil, ya me xju' ya yich' jamel te ti'nail ay ta stojol sloq'uib c'aale. Ya me yac' te milbil majt'anil yu'une, jich nix me ya spas te bit'il ya spas ta sc'aalelal cux-o'tane. Teme loq'ue, ya me yich' maquel te ti'naile.
Smajt'an Dios ta jujun c'aal
13“Ta jujun c'aal ta sab ya me yich' aq'uel jcojt' chij te ay jun ya'wilal soc te ma'yuc bila boloben ta sbaq'uetale, yu'un ya yich' chiq'uel ta milbil smajt'an Cajwaltic. 14Ja' nix jich ta jujun c'aal ta sab ya me yich' ac'beyel smajt'anin Cajwaltic juqueb litro harina, soc jun litro aceite yu'un ya yich' malel ta sba harina. Ja' te jmandal chapal te puersa me ya yich' pasulayel spisil ora. 15Te milbil majt'anil te banti ya yich' chiq'uel te chije, soc te harina soc aceite, puersa me ta jujun sab ya yich' aq'uel.#Ex 29.38-42.
Bila ya sc'an ya spas ajwalil ta stojol lumq'uinal
16“Jo'on Ajwalilon te jich ya cale: Teme ay ya sq'uebanbey jtuluc snich'an jsejpuc sq'uinal te ajwalile, ya me yu'unin ta jc'axel, soc ya me xc'ax ta swenta patil alnich'anetic yu'un. 17Pero teme yabat nax te ya sq'uebanbey jsejp sq'uinal te ajwalile, ja' nax me ya yu'unin te jayeb c'aal ma to sta te ja'wil yu'un aq'uel ta libre.#Lv 25.10. Tey me ya sujt' xan ta stojol te sq'uinal te ajwalile, ya me xju' ya xjil yu'un ya yac'bey yu'unin snich'nab. 18Te ajwalil ma'yuc mach'a ya xju' ya spojbey sq'uinal. Teme ya yac'bey sq'uinal te snich'nabe, tey nix me ac'a sloq'uesbey ta sq'uinal. Jich me spisil ay sq'uinalic, soc jich ma xpujc' bael a te lum cu'une —xi' te Cajwaltique.
Cocinaetic yu'un templo
19Te winique la yic'on bael ta ti'nail te ay ta xujc' yochibal c'alal ta cuartoetic te ayic ta stojol norte, te ja' nax yu'unic te sacerdoteetique. La yac'bon quil jun awilal ta stojol smalib c'aal te ay ta spat baele. 20Jich la yalbon:
—Li' me te banti ya stac'ajtes te sbaq'uetal chambalametic te sacerdoteetique, ja' te ya yich' aq'uel ta milbil majt'anil yu'un falta staojique te mach'a ya xju' yu'un yac'beyel sjelol, soc te ya spayic te harina ya yich' aq'uel ta smajt'an Diose. Jich me ma puersauc ya yich' loq'uesel bael ta amac' ta spat te biluque, ni ja'uc te lum ya x'och sta sba soc te bitic ch'ultesbile —xi'.
21-22La yic'on xan bael ta amac' ta spat, la yac' beenucon ta xchanebal xujc'. La quil tey ta jujun te xchanebal xujq'ue, ay jun ch'in amac' tey a. Ta spisilic pajal sp'isol, jtab metro snajt'il soc jo'lajuneb metro xujc'. 23Ta sjoyobal ay sts'ajc'ul pasbil ta ton, ta ye'tal ta sjoyobal te ts'ajq'ue, ay yawil c'ajq'uetic pasbil tey a. 24Jich la yalbon:
—Te cocinaetic in to, te banti ya spayic te chambalametic te mach'atic ayic ta abatinel ta templo, ja' te ya yac' te lum yu'un milbil smajt'an te Diose —xi' te winique.
Currently Selected:
Ezequiel 46: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.