2 Korintus 11
11
I Poulus om i Monunuduk Kapalid
1Polonutono i ginavo muju insan irad diti do obubudu oku kopooyok do misinggagajo oku, nga soromonon mad buli bo, kon? 2Do mongimbogu oku pasal dikovu irad do Kinoringan, do ikovu nopo nga irad do raraa diri aupo insan kasala, do nipopogongku di iso kusai, irino i Koristus. 3Nga rumosi oku do sumondiang gaagaya muju, do otoro kou di tulun monunuduk di kapalid om ausono dii ginavo muju gosob do au aavi-avi ginavo muju muvang di Koristus, irad diAwa do tinoro di kapandaio di vulanut. 4Do antangaipo nga aandaian kovi poindakod isaai nopo do tulun i rumikot sino dikovu do mongoi porongou dikovu pasal di Yisus, iri sondiang mantad di Yisus iri niporongouja dikovu. Om uvang kou nogi monorima di tatod om abar iri roitan diolo do abar do aandai sondiang mantad di Tatod do Kinoringan om i Abar do Aandai i pinotudukja dikovu.
5Om ondomonkuno marong ausoi kinokuranganku mantad diri tulun mamalid dikovu, i roitan muju do “susuuon” i pakaandaion muju. 6Insan au songkuro oku koilo mitangar nga dogo nopo do toilaan pasal di Tuhan om osukupi, do onuu nopo iri oinomod nga nivantangjano dikovu.
7Ontok do porongou oku dikovu di Abar do Aandai mantad do Kinoringan do auso gaji-gaji, irino gaagayaku do misinsuribak oku si dikovu. Om irad nopo diri, mongurumat oku dikovu. Om kopurimananku aui kasala oku do irad dino. 8Ontok do minonuduk oku dikovu binalanjaan oku di sondiang poiuutunan do tulun di aparsaya, om opurimananku do minongorugi oku do vokon do monulung dikovu. 9Om ontok di sino okupo dikovu om osimpitan oku nga au okui monginsusa dikovu, do nong osimpitan oku pun sukupan oku di tongokosuladan tokou mantad Vonuvo Mokodunia. Jajagawonku marong supaya au oku monusa dikovu do maso vagu irad di pogulu do au minonusa oku dikovu. 10Insanpo mai do au oku mokibalanja dikovu osukup okui bo, nga misinggagajo oku do irad diti tangarku, nga au oku otingkod potongkop diti tangarku sino Vonuvo Akaya do mimang oinomod iti tangarku irad do tangar di Koristus. 11Nokuro do irad dino oku do au mokibalanja oku dikovu? Manantam kou naku do au osianan oku dikovu? Auii, mimang au ojuuanku ikovu do oilaan okui do Kinoringan.
12Nga iri kanopo om irino gaagayaku laaid do au oku mokibalanja dikovu supaya i tulun di misinrait do “susuuon” auso paantakan misinggagajo ko mitangar do miirad dagai i karaja diolo. 13Do tongotulun nopo do irad diri okoniko susuuon di Yisus diri oinomod nga iolono iri mononoro. Om sumangalu iolo di susuuon di Koristus diri oinonomod. 14Om auno oiranan tokou diolo do irad diri do insan i Soitan, i kotua do rogon, nga moiloi sumangalu di moloikat tanavau. 15Jadi iradno dino aui oiranan tokou diolo monunuduk di kapalid i tongosusuuon di kotua do rogon, do sumangalu iolo di tulun do abanar, nga kotutukon nopo diri nga oukuman iolo do koontok diri karaja diolo.
Kasansaraan di Poulus
16Gulionkupo mitangar iti, ada do kivaro tulun manantam do obudu oku. Nga insan irad dino nong ondomon mujui do obudu oku om pongkinongou kouno dogo supaya kivaroi kopooyok paantakanku do misinggagajo di karajaku irad diri kumimusu dogo. 17Do tangarku nopo diti om okoniko nisuu di Tuhan dogo, nga tangarku nopo diti om misinggagajo, mad di tinangaran do tulun di obudu. 18Do oguu iolo mokirojoo di karaja diolo siti vonuvo, jadi ioku nga irad di diri. 19Do soromonon muju daa om opintar kou, nga nokuro do asabar kou di tongotulun di auso toilalaan di oinomod? 20Antangaipo do uriponon kou, om rampasan kou, om akalan kou di monunuduk di kapalid, om misinggagajo iolo si dikovu om monompiling dikovu nga au kovi okukuvaan. 21Nga oikuman okui mitangar diti do au okui dogo kobulun sumugut irad di gaagaya diolo.
Nga nong i tulun mamamalid opusu do misinggagajo do onuu nopo, om ioku nga opusui, nga tinangaranku nopo dino om tangar do tulun tobudu. 22Sabap nong manangkabansa iolo do Ibrani, ioku nga tuluni do Ibrani, om nong manangkabansa iolo do tulun Israil, ioku nga tuluni do Israil, om nong monongkoturunan iolo diIbraim, ioku nogi nga koturunani diIbraim. 23Om nong, “Kumaraja ikoi si di Koristus,” kadiolo, om makinpo dii dogo. Nga soromononku daa do irad do mulau iti katatangaroku. Nga sabanar marong iokuno susuuon di Yisus di aandai mantad diolo, do impogot#11:23 impogot: asarok okuno pojiilo mantad diolo, om asansara do impogot loposon, om soumur do oruaino apatai oku. 24Inlimo okuno loposo di tulun Joudi do torotolu nopulu om sivoi do insan kali. 25Om intolu okuno loposo di tulun Ruum, om insan oku dumpaai do tulun Joudi. Om intolu oku kavaja tumogob silo laut, om insan oku do sangadau om sonsodop mantung-lantung silo laut. 26Om ontok do manau-panau impogot oku asangkaman do loni, om osomungan di tongotulun mangarampas, om pasansarawon di sabansaku do Joudi om nogi tulun di okonko bansa Joudi, om inombo-nombo nopo nga asansara oku silo kababandaran, silo kototolunan, silo laut, om si pialatan di kosuladan di puupura om nokorosi okuno do apatai. 27Om salaidku do misingujan kumaraja diti impogot okuno nakajaman do auso katantangai modop, tuuvan om vitilon do au kaakan, om nakajaman sogiton do lumantag#11:27 lumantag: lumamak modop om au osukup pakaian. 28Om auno atabajanku mangarait ino vokon, do tikid tadau oku osusa do sumurau marong momiara do tongopoiuuntunan di tulun di aparsaya. 29Om kivaro nopo oluoi, ioku nga mad kavaja do lumuoi, om kivaro nopo tulun mangampajat do vokon mamaal do duso, nga araatan oku.
30Nong misinggagajo oku, apatut oku misinggagajo do mantad di pangalaman i tanda di koluajanku. 31Oilaani di Kinoringan, iAmoJo#11:31 iAmo: iApa di Tuhan Yisus, do okoniko vuvudutonku iti. Koinggajo i ngaran do Kinoringan gosob salaid-laid. 32Ontok di silo okupo Bandar Damsik, om minonuu i gobonor diri porintawon di Raja Oritas di tongosoujorjo jujumaga do pintu di bandar do manangkap daa dogo. 33Nga aandaipo kivaro iri balatak do pinouluan dogo diolo si luar bandar do mantad di iso jindila si tobon di bandar supaya nokoidu oku.
Currently Selected:
2 Korintus 11: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
2 Korintus 11
11
I Poulus om i Monunuduk Kapalid
1Polonutono i ginavo muju insan irad diti do obubudu oku kopooyok do misinggagajo oku, nga soromonon mad buli bo, kon? 2Do mongimbogu oku pasal dikovu irad do Kinoringan, do ikovu nopo nga irad do raraa diri aupo insan kasala, do nipopogongku di iso kusai, irino i Koristus. 3Nga rumosi oku do sumondiang gaagaya muju, do otoro kou di tulun monunuduk di kapalid om ausono dii ginavo muju gosob do au aavi-avi ginavo muju muvang di Koristus, irad diAwa do tinoro di kapandaio di vulanut. 4Do antangaipo nga aandaian kovi poindakod isaai nopo do tulun i rumikot sino dikovu do mongoi porongou dikovu pasal di Yisus, iri sondiang mantad di Yisus iri niporongouja dikovu. Om uvang kou nogi monorima di tatod om abar iri roitan diolo do abar do aandai sondiang mantad di Tatod do Kinoringan om i Abar do Aandai i pinotudukja dikovu.
5Om ondomonkuno marong ausoi kinokuranganku mantad diri tulun mamalid dikovu, i roitan muju do “susuuon” i pakaandaion muju. 6Insan au songkuro oku koilo mitangar nga dogo nopo do toilaan pasal di Tuhan om osukupi, do onuu nopo iri oinomod nga nivantangjano dikovu.
7Ontok do porongou oku dikovu di Abar do Aandai mantad do Kinoringan do auso gaji-gaji, irino gaagayaku do misinsuribak oku si dikovu. Om irad nopo diri, mongurumat oku dikovu. Om kopurimananku aui kasala oku do irad dino. 8Ontok do minonuduk oku dikovu binalanjaan oku di sondiang poiuutunan do tulun di aparsaya, om opurimananku do minongorugi oku do vokon do monulung dikovu. 9Om ontok di sino okupo dikovu om osimpitan oku nga au okui monginsusa dikovu, do nong osimpitan oku pun sukupan oku di tongokosuladan tokou mantad Vonuvo Mokodunia. Jajagawonku marong supaya au oku monusa dikovu do maso vagu irad di pogulu do au minonusa oku dikovu. 10Insanpo mai do au oku mokibalanja dikovu osukup okui bo, nga misinggagajo oku do irad diti tangarku, nga au oku otingkod potongkop diti tangarku sino Vonuvo Akaya do mimang oinomod iti tangarku irad do tangar di Koristus. 11Nokuro do irad dino oku do au mokibalanja oku dikovu? Manantam kou naku do au osianan oku dikovu? Auii, mimang au ojuuanku ikovu do oilaan okui do Kinoringan.
12Nga iri kanopo om irino gaagayaku laaid do au oku mokibalanja dikovu supaya i tulun di misinrait do “susuuon” auso paantakan misinggagajo ko mitangar do miirad dagai i karaja diolo. 13Do tongotulun nopo do irad diri okoniko susuuon di Yisus diri oinomod nga iolono iri mononoro. Om sumangalu iolo di susuuon di Koristus diri oinonomod. 14Om auno oiranan tokou diolo do irad diri do insan i Soitan, i kotua do rogon, nga moiloi sumangalu di moloikat tanavau. 15Jadi iradno dino aui oiranan tokou diolo monunuduk di kapalid i tongosusuuon di kotua do rogon, do sumangalu iolo di tulun do abanar, nga kotutukon nopo diri nga oukuman iolo do koontok diri karaja diolo.
Kasansaraan di Poulus
16Gulionkupo mitangar iti, ada do kivaro tulun manantam do obudu oku. Nga insan irad dino nong ondomon mujui do obudu oku om pongkinongou kouno dogo supaya kivaroi kopooyok paantakanku do misinggagajo di karajaku irad diri kumimusu dogo. 17Do tangarku nopo diti om okoniko nisuu di Tuhan dogo, nga tangarku nopo diti om misinggagajo, mad di tinangaran do tulun di obudu. 18Do oguu iolo mokirojoo di karaja diolo siti vonuvo, jadi ioku nga irad di diri. 19Do soromonon muju daa om opintar kou, nga nokuro do asabar kou di tongotulun di auso toilalaan di oinomod? 20Antangaipo do uriponon kou, om rampasan kou, om akalan kou di monunuduk di kapalid, om misinggagajo iolo si dikovu om monompiling dikovu nga au kovi okukuvaan. 21Nga oikuman okui mitangar diti do au okui dogo kobulun sumugut irad di gaagaya diolo.
Nga nong i tulun mamamalid opusu do misinggagajo do onuu nopo, om ioku nga opusui, nga tinangaranku nopo dino om tangar do tulun tobudu. 22Sabap nong manangkabansa iolo do Ibrani, ioku nga tuluni do Ibrani, om nong manangkabansa iolo do tulun Israil, ioku nga tuluni do Israil, om nong monongkoturunan iolo diIbraim, ioku nogi nga koturunani diIbraim. 23Om nong, “Kumaraja ikoi si di Koristus,” kadiolo, om makinpo dii dogo. Nga soromononku daa do irad do mulau iti katatangaroku. Nga sabanar marong iokuno susuuon di Yisus di aandai mantad diolo, do impogot#11:23 impogot: asarok okuno pojiilo mantad diolo, om asansara do impogot loposon, om soumur do oruaino apatai oku. 24Inlimo okuno loposo di tulun Joudi do torotolu nopulu om sivoi do insan kali. 25Om intolu okuno loposo di tulun Ruum, om insan oku dumpaai do tulun Joudi. Om intolu oku kavaja tumogob silo laut, om insan oku do sangadau om sonsodop mantung-lantung silo laut. 26Om ontok do manau-panau impogot oku asangkaman do loni, om osomungan di tongotulun mangarampas, om pasansarawon di sabansaku do Joudi om nogi tulun di okonko bansa Joudi, om inombo-nombo nopo nga asansara oku silo kababandaran, silo kototolunan, silo laut, om si pialatan di kosuladan di puupura om nokorosi okuno do apatai. 27Om salaidku do misingujan kumaraja diti impogot okuno nakajaman do auso katantangai modop, tuuvan om vitilon do au kaakan, om nakajaman sogiton do lumantag#11:27 lumantag: lumamak modop om au osukup pakaian. 28Om auno atabajanku mangarait ino vokon, do tikid tadau oku osusa do sumurau marong momiara do tongopoiuuntunan di tulun di aparsaya. 29Om kivaro nopo oluoi, ioku nga mad kavaja do lumuoi, om kivaro nopo tulun mangampajat do vokon mamaal do duso, nga araatan oku.
30Nong misinggagajo oku, apatut oku misinggagajo do mantad di pangalaman i tanda di koluajanku. 31Oilaani di Kinoringan, iAmoJo#11:31 iAmo: iApa di Tuhan Yisus, do okoniko vuvudutonku iti. Koinggajo i ngaran do Kinoringan gosob salaid-laid. 32Ontok di silo okupo Bandar Damsik, om minonuu i gobonor diri porintawon di Raja Oritas di tongosoujorjo jujumaga do pintu di bandar do manangkap daa dogo. 33Nga aandaipo kivaro iri balatak do pinouluan dogo diolo si luar bandar do mantad di iso jindila si tobon di bandar supaya nokoidu oku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.