2 Korintus 10
10
Ijawap di Poulus di Musujo
1Kivaropo vokon tangaronku. Iokuno i Poulus i roitan do tulun do atalou nong si gotuvang diolo nga opusu nong si likudan do opigot i tinangaran si suratku. Nga mokitulung oku dikovu do ioku nopo diti om irad di Koristus iri olomi i ginavo om otuud i ginavo. 2Om itino pokitulunganku dikovu do ada oku arago dikovu do rumongit nong korikot okuno, do mimangpo moilo oku rumongit monogur di tongomonunuduk do kapalid, do panantaman daa diolo do gaagayaja nopo nga irad di gaagaya do tulun i maja di kouvangan siti vonuvo. 3Do oinomodi do oluoi ikoi do masipo siti vonuvo, nga gaagayaja lumavan di tulun monuduk di kapalid om okonko irad di gaagaya do tulun di maja diri kouvanganjo kondiri siti vonuvo. 4Do lumavan ikoi diolo irad di tongosoujor lumavan di musujo, nga i sindata nopo pakajonja lumavan nga kuasa do Kinoringan i kadapat monguyas do kuta, irino ponudukan do kapalid, om okoniko i sindata pakajon di tongosoujor siti vonuvo. 5Gorovotonja i kopintaran di kapalid om kalawonja i tulun do osumbung i lumavan di toilaan pasal do Kinoringan supaya obinsalang iolo, om abananja kasangkat i sinoromo laid diolo supaya maja di Koristus. 6Nga osukup nopo dino marong kosompinio dino ginavo muju do rumalan maja di Koristus, om sumodia ikoi nogi laaid do mongukum do monunsub kasangkat diri tulun di au mangasip di tinangaran do Kinoringan.
7Purimono mujuno marong ino gaagaya maino. Nong kivaro iso monunuduk do atatap i ginavojo do aparsaya do nasanganu isido di Koristus, misti soromonon marong disido do ikoi pun nasanganu di Koristus irad disido. 8Om au okui oikuman insan oolianpo iri pangarajouku do i kuasa nakataak di Tuhan dagai, sabap iri pamanggarja di kaparsayaan muju om okoniko do poluoi di kaparsayaan muju. 9Om ombo nopo iri suratku ada muju ondomo do pongindorosiku dikovu. 10Katangaran do tulun di lumavan dogo, “Tangar di Poulus si surat opigot om agarang, ombo bala iti nong sopigotuvang oluoi kaantangan om tangarjo nga auso koonuan,” ka kama diolo. 11Nga apatut tulun irad dino misti mangaarati marong sabap auso pibidaan tangarja si surat ontok do sopiinsodu om gaagayaja ontok do sopigotuvang, nga iri om iiri.
12Mimang au kobulun ikoi do pokirawon si diolo ko parantajon do tongotulun diri misinrajou#10:12 misinrajou: misingompod kondiri, do mamaal iolo di oturan do maja diri kouvanganjo kondiri, om irino pakajon diolo popibanding diri gaagayajo kondiri, antangaipo obudu marong iolo. 13Nga ikoi nopo om aui misinggagajo lobi mantad diri pinagasaban. Om sirino pinagasaban do Kinoringan dagai iri ongoion dagai monuduk, om ikovu sino nga kawasanjapo. 14Do aui nakararat ikoi di pantok vokon di ongoi ikoi sino dikovu porongou diri Abar do Aandai pasal di Koristus, om ikoino nokopogulu rumikot sino dikovu mantad di tulun vokon. 15Om okoniko misinggagajo ikoi diri karaja do tulun vokon i labus mantad diri pinagasaban do Kinoringan dagai. Nga iri arapon dagai supaya kosurut iri kaparsayaan muju, om ikoi nga obojou marong monuduk turus sino dikovu iso pantok diri pinagasaban do Kinoringan dagai, 16om supaya kadapat ikoi popitongkop diri Abar do Aandai si tongovonuvo vokon i labus mantad do vonuvo muju, om nogi supaya aui misinggagajo ikoi di koompuso di karaja diri naanu do tulun vokon i pinagasaban diolo. 17Kadi si Kitab, “Isaai nopo iri misinggagajo om mistino do misinggagajo di karaja do Tuhan,” ka.#Antangai Yoromia 9:24. 18Sabap ii nopo tulun di kouvangan do Kinoringan nga i rojoon#10:18 rojoon: ompodon do Tuhan, okoniko i tulun di misinrajou kondiri.
Currently Selected:
2 Korintus 10: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
2 Korintus 10
10
Ijawap di Poulus di Musujo
1Kivaropo vokon tangaronku. Iokuno i Poulus i roitan do tulun do atalou nong si gotuvang diolo nga opusu nong si likudan do opigot i tinangaran si suratku. Nga mokitulung oku dikovu do ioku nopo diti om irad di Koristus iri olomi i ginavo om otuud i ginavo. 2Om itino pokitulunganku dikovu do ada oku arago dikovu do rumongit nong korikot okuno, do mimangpo moilo oku rumongit monogur di tongomonunuduk do kapalid, do panantaman daa diolo do gaagayaja nopo nga irad di gaagaya do tulun i maja di kouvangan siti vonuvo. 3Do oinomodi do oluoi ikoi do masipo siti vonuvo, nga gaagayaja lumavan di tulun monuduk di kapalid om okonko irad di gaagaya do tulun di maja diri kouvanganjo kondiri siti vonuvo. 4Do lumavan ikoi diolo irad di tongosoujor lumavan di musujo, nga i sindata nopo pakajonja lumavan nga kuasa do Kinoringan i kadapat monguyas do kuta, irino ponudukan do kapalid, om okoniko i sindata pakajon di tongosoujor siti vonuvo. 5Gorovotonja i kopintaran di kapalid om kalawonja i tulun do osumbung i lumavan di toilaan pasal do Kinoringan supaya obinsalang iolo, om abananja kasangkat i sinoromo laid diolo supaya maja di Koristus. 6Nga osukup nopo dino marong kosompinio dino ginavo muju do rumalan maja di Koristus, om sumodia ikoi nogi laaid do mongukum do monunsub kasangkat diri tulun di au mangasip di tinangaran do Kinoringan.
7Purimono mujuno marong ino gaagaya maino. Nong kivaro iso monunuduk do atatap i ginavojo do aparsaya do nasanganu isido di Koristus, misti soromonon marong disido do ikoi pun nasanganu di Koristus irad disido. 8Om au okui oikuman insan oolianpo iri pangarajouku do i kuasa nakataak di Tuhan dagai, sabap iri pamanggarja di kaparsayaan muju om okoniko do poluoi di kaparsayaan muju. 9Om ombo nopo iri suratku ada muju ondomo do pongindorosiku dikovu. 10Katangaran do tulun di lumavan dogo, “Tangar di Poulus si surat opigot om agarang, ombo bala iti nong sopigotuvang oluoi kaantangan om tangarjo nga auso koonuan,” ka kama diolo. 11Nga apatut tulun irad dino misti mangaarati marong sabap auso pibidaan tangarja si surat ontok do sopiinsodu om gaagayaja ontok do sopigotuvang, nga iri om iiri.
12Mimang au kobulun ikoi do pokirawon si diolo ko parantajon do tongotulun diri misinrajou#10:12 misinrajou: misingompod kondiri, do mamaal iolo di oturan do maja diri kouvanganjo kondiri, om irino pakajon diolo popibanding diri gaagayajo kondiri, antangaipo obudu marong iolo. 13Nga ikoi nopo om aui misinggagajo lobi mantad diri pinagasaban. Om sirino pinagasaban do Kinoringan dagai iri ongoion dagai monuduk, om ikovu sino nga kawasanjapo. 14Do aui nakararat ikoi di pantok vokon di ongoi ikoi sino dikovu porongou diri Abar do Aandai pasal di Koristus, om ikoino nokopogulu rumikot sino dikovu mantad di tulun vokon. 15Om okoniko misinggagajo ikoi diri karaja do tulun vokon i labus mantad diri pinagasaban do Kinoringan dagai. Nga iri arapon dagai supaya kosurut iri kaparsayaan muju, om ikoi nga obojou marong monuduk turus sino dikovu iso pantok diri pinagasaban do Kinoringan dagai, 16om supaya kadapat ikoi popitongkop diri Abar do Aandai si tongovonuvo vokon i labus mantad do vonuvo muju, om nogi supaya aui misinggagajo ikoi di koompuso di karaja diri naanu do tulun vokon i pinagasaban diolo. 17Kadi si Kitab, “Isaai nopo iri misinggagajo om mistino do misinggagajo di karaja do Tuhan,” ka.#Antangai Yoromia 9:24. 18Sabap ii nopo tulun di kouvangan do Kinoringan nga i rojoon#10:18 rojoon: ompodon do Tuhan, okoniko i tulun di misinrajou kondiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.