2 Korintus 12
12
Tuturan di Poulus diri Pinointalang do Kinoringan
1Mimang auso kountunganku do misinggagajo, nga apatut okui monorita diri nipoontong om i pinointalang di Tuhan si dogo. 2Otutunankui iso tulun diri naparsaya di Koristus, do tigogi do ongoio irad di sinimbit do pinakaa si tingkat kotolu soi suruga do opuluno om apat toun nakatalib kinapangangaian. Nga aui dii oilaanku marong nong kojuvanpo tinomod di tulun naku iri inongoi do irad di sinimbit ko pinopoontongi toomod di Kinoringan diri, nga Kinoringani koilo diri. 3Gulionkupo kavagu mitangar, oilaanku marong do tulun diri banar-banar inongoi pakaa silo Pirdaus. Nga aui oilaanku marong nong kojuvanpo tinomod di tulun iri inongoi irad di sinimbit ko pinopoontongi toomod di Kinoringan diri, nga Kinoringan koilo diri. 4Om korikot dii isido silo Pirdaus, om kivaro dii tinangaran do norongou disido di au oilaan do tulun mangarait om iri au apatut do roiton do tulun. 5Om iokuno i Poulus ino komoionku, do nokoontong diti nipoontong si dogo. Om apatut oku daa misinggagajo, nga au okui misinggagajo di sondiang mantad diri koluajanku, irino kasansaraanku. 6Nga insan misinggagajo oku diri nipoontong dogo nga okoniko tulun oku di obudu sabap mitangar oku diri oinomod. Nga au okui misinggagajo supaya aui urumaton oku marong do tulun lobi mantad ko i naantangan disido si dogo, do i karajaku om i natangarku di norongou disido do tulun okui toomod.
7Om supaya au okui osumbung sabap do i kosumboijanan nokointalang si dogon, nga kivaro iso korualan diti kojuvanku, irino iso toruol irad di kivaro rugi nokotobok siti kojuvanku. Om napakai di kotua do rogon iri toruol do manansara diti kojuvanku supaya osiliu do pangajaran dogo om au okui osumbung. 8Om intolu okuno sumambayang di Tuhan do mokiidu daa diri. 9Nga jawapai oku nogi di Tuhan do, “Aui,” ka, “Osukup Okuno do opuavang#12:9 opuavang: aandai ginavo, obintaak om obintulung dika do mimang mantad di koluojono kointalang kasangkat i kogiroto di kuasaKu,” ka. Sabap diri do aandaian okupo misinggagajo pasal di koluajanku supaya mindaau iri kuasa di Koristus mongungkub dogon. 10Irino sabap do au oku manangkavagatan do osuat di koluoi, i ponginraraat, i kosusaan, i pokoruol, om i manansara dogo do sabap maja di Koristus. Sabap ontok do oluoi oku, ontok nogi diri do kogirot oku.
Osusa i Ginavo di Poulus di Tulun Korintus
11Ioku nopo diti nga linogos oku dikovu do misinggagajo, iri sabap do irad oku di tulun do obudu. Oinomod marong, ikovu nono daa iri apatut do mangarajou dogo. Do insan auso pamarasanku#12:11 pamarasan: vuros aandaman diri monunuduk do kapalid nga ausoi kinokuranganku do onuu nopo mantad diolo i roitan muju do “tongosusuuon di Yisus” iri urumaton muju marong. 12Pangantangan nopo dogo sino dikovu do susuuon oku di Yisus do oinomod nga irino mantad di kolonuto do ginavoku do kointalang i pongintutunan om kosumboijanan om kosunduvan nogi. 13Om aui insan do popigibang-gibangonja i poiuuntunan muju momiara mantad di poiuuntunan vokon, nga iripo okurang sabap okonko mokibalanja oku dikovu, supaya au avagatan kou, nga ompunan okuno diti salaku.
14Om sabanar marong kointolukuno iti maino do mongoi mandaa dikovu sino. Nga okoniko pavagat oku do tonggungan muju, sabap ikovuno iumonku, okoniko dikovu do siin. Mimang aui apagon do i tangaanak mamalanja di moloingjo, nga apatutno marong do i moloing kondiri mamalanja di tangaanakjo. 15Sabap mimang aandaian oku nogi mangavi-avi povulai do siinku kondiri onuonku do pamalanjaku dikovu insan apatai oku tanda do ponulungku dikovu. Nong irad dino do aui marong kojuuanku ikovu, nokuro do pagaagaanon muju au kojuu dogo?
16Mimang kosotuju kou do auku minongimvagat do tonggungan muju, nga kivaroi dikovu mitangar do momudut oku om mangakal oku dikovu pasal di siin untunon muju do ipoovit dagai. 17Ombo apatut! Ondomonku aupo insan oku nakaanu do untung mantad dikovu do noovit di tulun sinuuku mongoi sino dikovu. 18Ontok do sinuuku i Titus om kivaro nogi tulun vokon do pinokoruangku disido, om ontok dii nga aui minonoro i Titus dikovu, sabap sosoiso i tujuan om sosoiso i gaagayaja.
19Salaid diti kivarono kama sangkaan muju do misimbabanar ikoi di gaagayaja si dikovu, nga oinomod okoniko irad dino. Mimang i tangaronja oinomod si di Kinoringan do kopiiso ikoi di Koristus. Oou dikovu iri au kojuuanku! Kasangkat do onuu nopo nga onuonja do pangapanggor di kaparsayaan muju. 20Modi-kodi oku do okosupanku ikovu do okoniko irad di kouvanganku ontok do korikot oku, do bang irad dino atantu do mongodu oku dikovu, om gaagayaku au kavaja irad di kouvangan muju. Om rumosi okupo do kivaro poiooduan, moidadangki, karaatan, moititimbai, mangaraat do vokon, mongolimut, osumbung om mongurau. 21Om rumosi okupo do moluon oku do Kinoringan sino gotuvang muju ontok do korikot oku kavagu sino, om lumudus#12:21 lumudus: lumunggui ko sumusa marong i ginavo i ginavoku do koontong di tulun toguu i nakavaal do duso di pogulu nga au rinumorogo di duso disido i kasasaim, irad do mamaal do kalalasu om monongondu.
Currently Selected:
2 Korintus 12: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
2 Korintus 12
12
Tuturan di Poulus diri Pinointalang do Kinoringan
1Mimang auso kountunganku do misinggagajo, nga apatut okui monorita diri nipoontong om i pinointalang di Tuhan si dogo. 2Otutunankui iso tulun diri naparsaya di Koristus, do tigogi do ongoio irad di sinimbit do pinakaa si tingkat kotolu soi suruga do opuluno om apat toun nakatalib kinapangangaian. Nga aui dii oilaanku marong nong kojuvanpo tinomod di tulun naku iri inongoi do irad di sinimbit ko pinopoontongi toomod di Kinoringan diri, nga Kinoringani koilo diri. 3Gulionkupo kavagu mitangar, oilaanku marong do tulun diri banar-banar inongoi pakaa silo Pirdaus. Nga aui oilaanku marong nong kojuvanpo tinomod di tulun iri inongoi irad di sinimbit ko pinopoontongi toomod di Kinoringan diri, nga Kinoringan koilo diri. 4Om korikot dii isido silo Pirdaus, om kivaro dii tinangaran do norongou disido di au oilaan do tulun mangarait om iri au apatut do roiton do tulun. 5Om iokuno i Poulus ino komoionku, do nokoontong diti nipoontong si dogo. Om apatut oku daa misinggagajo, nga au okui misinggagajo di sondiang mantad diri koluajanku, irino kasansaraanku. 6Nga insan misinggagajo oku diri nipoontong dogo nga okoniko tulun oku di obudu sabap mitangar oku diri oinomod. Nga au okui misinggagajo supaya aui urumaton oku marong do tulun lobi mantad ko i naantangan disido si dogo, do i karajaku om i natangarku di norongou disido do tulun okui toomod.
7Om supaya au okui osumbung sabap do i kosumboijanan nokointalang si dogon, nga kivaro iso korualan diti kojuvanku, irino iso toruol irad di kivaro rugi nokotobok siti kojuvanku. Om napakai di kotua do rogon iri toruol do manansara diti kojuvanku supaya osiliu do pangajaran dogo om au okui osumbung. 8Om intolu okuno sumambayang di Tuhan do mokiidu daa diri. 9Nga jawapai oku nogi di Tuhan do, “Aui,” ka, “Osukup Okuno do opuavang#12:9 opuavang: aandai ginavo, obintaak om obintulung dika do mimang mantad di koluojono kointalang kasangkat i kogiroto di kuasaKu,” ka. Sabap diri do aandaian okupo misinggagajo pasal di koluajanku supaya mindaau iri kuasa di Koristus mongungkub dogon. 10Irino sabap do au oku manangkavagatan do osuat di koluoi, i ponginraraat, i kosusaan, i pokoruol, om i manansara dogo do sabap maja di Koristus. Sabap ontok do oluoi oku, ontok nogi diri do kogirot oku.
Osusa i Ginavo di Poulus di Tulun Korintus
11Ioku nopo diti nga linogos oku dikovu do misinggagajo, iri sabap do irad oku di tulun do obudu. Oinomod marong, ikovu nono daa iri apatut do mangarajou dogo. Do insan auso pamarasanku#12:11 pamarasan: vuros aandaman diri monunuduk do kapalid nga ausoi kinokuranganku do onuu nopo mantad diolo i roitan muju do “tongosusuuon di Yisus” iri urumaton muju marong. 12Pangantangan nopo dogo sino dikovu do susuuon oku di Yisus do oinomod nga irino mantad di kolonuto do ginavoku do kointalang i pongintutunan om kosumboijanan om kosunduvan nogi. 13Om aui insan do popigibang-gibangonja i poiuuntunan muju momiara mantad di poiuuntunan vokon, nga iripo okurang sabap okonko mokibalanja oku dikovu, supaya au avagatan kou, nga ompunan okuno diti salaku.
14Om sabanar marong kointolukuno iti maino do mongoi mandaa dikovu sino. Nga okoniko pavagat oku do tonggungan muju, sabap ikovuno iumonku, okoniko dikovu do siin. Mimang aui apagon do i tangaanak mamalanja di moloingjo, nga apatutno marong do i moloing kondiri mamalanja di tangaanakjo. 15Sabap mimang aandaian oku nogi mangavi-avi povulai do siinku kondiri onuonku do pamalanjaku dikovu insan apatai oku tanda do ponulungku dikovu. Nong irad dino do aui marong kojuuanku ikovu, nokuro do pagaagaanon muju au kojuu dogo?
16Mimang kosotuju kou do auku minongimvagat do tonggungan muju, nga kivaroi dikovu mitangar do momudut oku om mangakal oku dikovu pasal di siin untunon muju do ipoovit dagai. 17Ombo apatut! Ondomonku aupo insan oku nakaanu do untung mantad dikovu do noovit di tulun sinuuku mongoi sino dikovu. 18Ontok do sinuuku i Titus om kivaro nogi tulun vokon do pinokoruangku disido, om ontok dii nga aui minonoro i Titus dikovu, sabap sosoiso i tujuan om sosoiso i gaagayaja.
19Salaid diti kivarono kama sangkaan muju do misimbabanar ikoi di gaagayaja si dikovu, nga oinomod okoniko irad dino. Mimang i tangaronja oinomod si di Kinoringan do kopiiso ikoi di Koristus. Oou dikovu iri au kojuuanku! Kasangkat do onuu nopo nga onuonja do pangapanggor di kaparsayaan muju. 20Modi-kodi oku do okosupanku ikovu do okoniko irad di kouvanganku ontok do korikot oku, do bang irad dino atantu do mongodu oku dikovu, om gaagayaku au kavaja irad di kouvangan muju. Om rumosi okupo do kivaro poiooduan, moidadangki, karaatan, moititimbai, mangaraat do vokon, mongolimut, osumbung om mongurau. 21Om rumosi okupo do moluon oku do Kinoringan sino gotuvang muju ontok do korikot oku kavagu sino, om lumudus#12:21 lumudus: lumunggui ko sumusa marong i ginavo i ginavoku do koontong di tulun toguu i nakavaal do duso di pogulu nga au rinumorogo di duso disido i kasasaim, irad do mamaal do kalalasu om monongondu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.