彼得後書 3
3
主來臨的應允
1親愛的朋友，我現在寫互恁的是第二張批。我寫此兩張批是欲提醒恁來激起恁純潔的心志。 2我愛恁會記得古早的聖先知所講的話，及恁的使徒所傳主 — 救主互恁的命令。 3上要緊的，恁著知，佇終末的日子有一寡趁私慾生活的人會出現，給恁恥笑 4講：「主應允欲來臨，今按怎？伊佇叨位？咱的祖先攏死去，毋拘對創世以來一切攏仝款。」 5𪜶故意無視此個事實，就是佇古早天對上帝的話受創造，地是對水，嘛用水來形成。 6當時的世界是互水淹密#3.6 「互水淹密」：有的抄本是「互上帝的話淹密」。來毀滅。 7毋拘現在的天及地嘛仝款對上帝的話得著保留到審判及不虔的人互火毀滅的日。
8親愛的朋友，有一項代誌請恁毋通𣍐記得，就是對主來看，一日若一千年，一千年若一日。 9有人想講主延遲伊答應欲做的事，其實伊毋是啲延遲，是啲容忍恁，無愛有人滅亡，愛逐個人攏悔改。
10毋拘主的日會親像賊仔忽然來。佇彼個日，諸個天會佇大的響聲中消滅，天體互火消熔，地及地上一切的被造物攏消滅#3.10 「消滅」：有的抄本是「無閣存在」，有的是「燒了了」，有的是「露現」。。 11既然諸個一切會按呢毀滅，恁著按怎作人？恁的生活著聖潔，敬虔， 12聽候閣催迫上帝的日趕緊來臨。佇彼日，諸個天會互火燒滅，天體會互火燒熔。 13毋拘咱啲聽候的是上帝所應允新的天新的地，佇遐公義永遠得著建立。
14所以，親愛的朋友，既然恁啲聽候諸個代誌，佇上帝的面前著盡力追求互家己無缺點，無通指責，通及伊和好。 15著將咱的主的寬容看做恁得救的機會，這嘛是咱親愛的兄弟保羅用上帝賜互伊的智慧寫批所勸勉的。 16伊所有的批攏有講起諸個事。伊的批有一寡理解的話，許個愚戇無定性的人會給伊曲解#3.16 「會給伊曲解」：有的抄本是「一定會給伊曲解」。，抵及𪜶啲曲解其他的經文仝款；結果，𪜶家己討滅亡。
17所以，親愛的朋友，恁既然代先知此個代誌，著謹慎才免互歹人用錯誤的言論導去行錯誤的路，離開恁堅固的立場。 18著佇咱的主 — 救主耶穌基督的恩典下及對伊的認識繼續進步。
願榮光歸互伊，對現在直到永遠。阿們！#3.18 有的抄本無「阿們！」
Currently Selected:
彼得後書 3: TTVH
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2021
