Popular Bible Verses from 彼得後書 3

Share

有人想講主延遲伊答應欲做的事，其實伊毋是啲延遲，是啲容忍恁，無愛有人滅亡，愛逐個人攏悔改。

親愛的朋友，有一項代誌請恁毋通𣍐記得，就是對主來看，一日若一千年，一千年若一日。

著佇咱的主 — 救主耶穌基督的恩典下及對伊的認識繼續進步。 願榮光歸互伊，對現在直到永遠。阿們！

毋拘主的日會親像賊仔忽然來。佇彼個日，諸個天會佇大的響聲中消滅，天體互火消熔，地及地上一切的被造物攏消滅。

既然諸個一切會按呢毀滅，恁著按怎作人？恁的生活著聖潔，敬虔， 聽候閣催迫上帝的日趕緊來臨。佇彼日，諸個天會互火燒滅，天體會互火燒熔。