Matiyu 17
17
Isus At Bilug Inbali yay Sirut
(Mar. 9:2-8; Lukas 9:28-36)
1Ay nu nlangfe wan unumk menit, Isus nataban Pedru, ay anggan Santiagu ay Uan fag dugsay sa sik tungud muyud ngabat. Kanya way fag ufat. 2Ay kaduge sanya, Isus at bilug inbali, ay at mata at kamasuloan katvngvd menit nu masulo ay at balukas kamalagsian katvngvd menit nu kamusuyan. 3Ay rodi tv, Elyas ay Muisis insure ay gfasulitanan Isus. 4Ay Pedru nalong yay sas Isus te, “Em Fun, masine ste yangay ami. Ay nu masine di sa emu, nangawat akyay tuluk fagfanlanbungan. At sadi sa emu. Ay at sadi sis Muisis. Ay at sadi sis Elyas.” 5Ay gina Pedru gelongan, sik linyabu masulo dawdaw nalanbung ka fag tulu. Ay e naelongan sanya ginan sad linyabu te, “Kanya wan ku fakesugun ku baguwama. Guseganan aw dawdaw anya. Dungugani tuwa anya.” 6Ay ka fag tuluk tagadal nu nadungug ka fag longan, natudan katvngvdan nu kalimu. 7Ay Isus inkakbang tuluk tagadal, ay nauwig ay glong te, “Malindugi wan. Ay lag kalimu!” 8Ay ka fag tuluk tagadal gina nalinggat, we nalag at duwa. Isus way fagsadi.
9Ay kaduge Isus ay at tuluk tagadal kadaga siginans muyud, Isus nalong te, “Lag gfoyung sa tibak taw aro ay nalag yap ngay ban aw, Taw at Baguwama, gdog yay gleleg.” 10Ay at tagadal fag tulu nainto sas Isus te, “Nataw at masuwad ngay tagfoyung Muisis at Suguwan at fagnalongun te, ‘Elyas umdasug yay ban’?” 11Ay Isus igbalus te, “Matuyan ebi at longan te, umdasug yay ban Elyas, laman nanfamasadan yay fagayu. 12Ay iglong aw ayu te, Elyas indasug wan. Ay ka fag ngay taw wa natoglag te, kanya wa mangaro. Ay gfagbulun way at fakaumsigun sas Elyas. Ay katanya yangay, ka fag ngay taw nanfaurianan ban angku, Taw at Baguwama.” 13Ay rodi tv, at ngay tagadal nasaful wan Isus at longan at masuwad sas Uan Tagfasurung baliwa.
Isus Nafafiya sik Baguwama ke Mafurat fag Falad
(Mar. 9:14-29; Lukas 9:37-43)
14Ay Isus ay at tuluk tagadal gdog yangay inful sa sangay taw. Ay sanya e sik ama at kinkakbang sas Isus, ay natudan glong te, 15“Ku Fun, afanyui ku baguwama, anway kanya gfadfarangan way gugat gugat kayu ginan gadaylan dawdaw. Ay ngayu ginan nu kasugba sasad afuy ay anggan nu katong sasad safa. 16Ay nataban kyama anya sam ngay tagadal, ay kanya mangaro wa mafafiya.” 17Ay Isus nabalus te, “Am katsi fag ngay sugfun taw, at yud way am gafanud! Seduge ya ban nu gufud aw ayu? Ay seduge ya ban nu gsungatan aw gfaygaluwan ayu? Tabani ste sa angku ka fag baguwama!” 18Ay Isus matvngvd nu gsalag ka fag mafurat fag falad. Ay rodi ka fag mafurat fag falad naubun wa ka fag baguwama ay infiya wan.
19Ay gina yud e gdungug, at ngay tagadal inkakbang sas Isus, ay nainto te, “Taw way manga aro em fagyudun mafafaayan ka fag mafurat fag falad?” 20Ay Isus nabalus te, “Anway nu gafanud am ya matvngvd. At matuyan, iglong aw ayu te, ay fagafanudun dewa kadaul sik butul mustasa, nu lumong am ste fag muyud te, ‘Alini wan sanya ginan,’ kanya maning wa fiya ay longan. Ay mafafabul am nus nge wain.” [21Takatanya fag mafurat fag falad wa malfas nu dyap ngay taguna nanfe lungud gyud gfangon laman gdarangin.]
Isus Gdog yay Nafoyung nu Mkate ban
(Mar. 9:30-32; Lukas 9:43-45)
22Ay kaduge at ngay tagadal maful sis talun Galiliya, Isus nalong te, “Aw, Taw at Baguwama, e moyung ban angku sa sangay taw, 23ay anggan gfate angku. Ay nu mkate akwan, sis fatuluk menit gdog kyay ban gleleg.” Ay at ngay tagadal nu nadungug katanya, kabalu dawdaw.
Nu Gfon Buwis laman sas Diyus Bale
24Ay Isus ay at ngay tagadal indasug wa sas fulan Kapernaum. Ay sanya e ngay taget buwis. Kanya nkakbang sas Pedru ay ginto te, “Go ay takamoyung at ugali gfon tuwa ro at buwis laman sas Diyus bale?” 25Ay Pedru nabalus te, “Kin, gfon tuwa.”
Ay Pedru nu ndasug wa sas bale, Isus nainto te, “Simun, nu si emu, sinu ro tagfon at buwis? Go at fun sanya fag talun ay go ngay taw, ay go ngay betaw at natabanan gina nabarangyan?” 26Ay Pedru nabalus te, “At ngay betaw at natabanan gina nabarangyan.” Ay Isus nalong te, “Nu katanya, at ngay taw sanya fag talun lag gfon at buwis. 27Ay dewa katanya, laman at ngay taw di kalimata antam, loi sas tigyangan dagat ay fatagbungi am fangbis. Ay at taguna fag uyang am nafabul, suwangi at bibig ay sanya ginan lumag ro o sik singku. Ay buli ay foni sas taget buwis. Ay kanya wa ro anta duwa ta buwis.”
Currently Selected:
Matiyu 17: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 17
17
Isus At Bilug Inbali yay Sirut
(Mar. 9:2-8; Lukas 9:28-36)
1Ay nu nlangfe wan unumk menit, Isus nataban Pedru, ay anggan Santiagu ay Uan fag dugsay sa sik tungud muyud ngabat. Kanya way fag ufat. 2Ay kaduge sanya, Isus at bilug inbali, ay at mata at kamasuloan katvngvd menit nu masulo ay at balukas kamalagsian katvngvd menit nu kamusuyan. 3Ay rodi tv, Elyas ay Muisis insure ay gfasulitanan Isus. 4Ay Pedru nalong yay sas Isus te, “Em Fun, masine ste yangay ami. Ay nu masine di sa emu, nangawat akyay tuluk fagfanlanbungan. At sadi sa emu. Ay at sadi sis Muisis. Ay at sadi sis Elyas.” 5Ay gina Pedru gelongan, sik linyabu masulo dawdaw nalanbung ka fag tulu. Ay e naelongan sanya ginan sad linyabu te, “Kanya wan ku fakesugun ku baguwama. Guseganan aw dawdaw anya. Dungugani tuwa anya.” 6Ay ka fag tuluk tagadal nu nadungug ka fag longan, natudan katvngvdan nu kalimu. 7Ay Isus inkakbang tuluk tagadal, ay nauwig ay glong te, “Malindugi wan. Ay lag kalimu!” 8Ay ka fag tuluk tagadal gina nalinggat, we nalag at duwa. Isus way fagsadi.
9Ay kaduge Isus ay at tuluk tagadal kadaga siginans muyud, Isus nalong te, “Lag gfoyung sa tibak taw aro ay nalag yap ngay ban aw, Taw at Baguwama, gdog yay gleleg.” 10Ay at tagadal fag tulu nainto sas Isus te, “Nataw at masuwad ngay tagfoyung Muisis at Suguwan at fagnalongun te, ‘Elyas umdasug yay ban’?” 11Ay Isus igbalus te, “Matuyan ebi at longan te, umdasug yay ban Elyas, laman nanfamasadan yay fagayu. 12Ay iglong aw ayu te, Elyas indasug wan. Ay ka fag ngay taw wa natoglag te, kanya wa mangaro. Ay gfagbulun way at fakaumsigun sas Elyas. Ay katanya yangay, ka fag ngay taw nanfaurianan ban angku, Taw at Baguwama.” 13Ay rodi tv, at ngay tagadal nasaful wan Isus at longan at masuwad sas Uan Tagfasurung baliwa.
Isus Nafafiya sik Baguwama ke Mafurat fag Falad
(Mar. 9:14-29; Lukas 9:37-43)
14Ay Isus ay at tuluk tagadal gdog yangay inful sa sangay taw. Ay sanya e sik ama at kinkakbang sas Isus, ay natudan glong te, 15“Ku Fun, afanyui ku baguwama, anway kanya gfadfarangan way gugat gugat kayu ginan gadaylan dawdaw. Ay ngayu ginan nu kasugba sasad afuy ay anggan nu katong sasad safa. 16Ay nataban kyama anya sam ngay tagadal, ay kanya mangaro wa mafafiya.” 17Ay Isus nabalus te, “Am katsi fag ngay sugfun taw, at yud way am gafanud! Seduge ya ban nu gufud aw ayu? Ay seduge ya ban nu gsungatan aw gfaygaluwan ayu? Tabani ste sa angku ka fag baguwama!” 18Ay Isus matvngvd nu gsalag ka fag mafurat fag falad. Ay rodi ka fag mafurat fag falad naubun wa ka fag baguwama ay infiya wan.
19Ay gina yud e gdungug, at ngay tagadal inkakbang sas Isus, ay nainto te, “Taw way manga aro em fagyudun mafafaayan ka fag mafurat fag falad?” 20Ay Isus nabalus te, “Anway nu gafanud am ya matvngvd. At matuyan, iglong aw ayu te, ay fagafanudun dewa kadaul sik butul mustasa, nu lumong am ste fag muyud te, ‘Alini wan sanya ginan,’ kanya maning wa fiya ay longan. Ay mafafabul am nus nge wain.” [21Takatanya fag mafurat fag falad wa malfas nu dyap ngay taguna nanfe lungud gyud gfangon laman gdarangin.]
Isus Gdog yay Nafoyung nu Mkate ban
(Mar. 9:30-32; Lukas 9:43-45)
22Ay kaduge at ngay tagadal maful sis talun Galiliya, Isus nalong te, “Aw, Taw at Baguwama, e moyung ban angku sa sangay taw, 23ay anggan gfate angku. Ay nu mkate akwan, sis fatuluk menit gdog kyay ban gleleg.” Ay at ngay tagadal nu nadungug katanya, kabalu dawdaw.
Nu Gfon Buwis laman sas Diyus Bale
24Ay Isus ay at ngay tagadal indasug wa sas fulan Kapernaum. Ay sanya e ngay taget buwis. Kanya nkakbang sas Pedru ay ginto te, “Go ay takamoyung at ugali gfon tuwa ro at buwis laman sas Diyus bale?” 25Ay Pedru nabalus te, “Kin, gfon tuwa.”
Ay Pedru nu ndasug wa sas bale, Isus nainto te, “Simun, nu si emu, sinu ro tagfon at buwis? Go at fun sanya fag talun ay go ngay taw, ay go ngay betaw at natabanan gina nabarangyan?” 26Ay Pedru nabalus te, “At ngay betaw at natabanan gina nabarangyan.” Ay Isus nalong te, “Nu katanya, at ngay taw sanya fag talun lag gfon at buwis. 27Ay dewa katanya, laman at ngay taw di kalimata antam, loi sas tigyangan dagat ay fatagbungi am fangbis. Ay at taguna fag uyang am nafabul, suwangi at bibig ay sanya ginan lumag ro o sik singku. Ay buli ay foni sas taget buwis. Ay kanya wa ro anta duwa ta buwis.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines