Matiyu 16
16
Taw Parisiyu ay Taw Sadusiyu Gyalagun sik Madulawan fag Fagbulun
(Mar. 8:11-13; Lukas 12:54-56)
1E taw Parisiyu ay taw Sadusiyu nanangakbang sas Isus laman nanfaskud anya. Glong te, “Falagi emi sik madulawan fag fagbulun siginans banwa.” 2Ay Isus nabalus kanya fag ngay taw te, “Gina gakayabiun glong am te, ‘Masiwang tuwa ban balabag, madyay katsi maraska tuwa tam banwa.’ 3Ay nus balabag wan, glong am te, ‘Gamoyanun way siring katsi, madyay tam banwa marum.’ Gsaful way am at fagtoglagan sis banwa, ay roro di am gsaful at fagsafulan sa ban tibak menit te, go setain. 4Am, katsi fag ngay taw mauri way am. Wam gfaning Diyus. Gyalagun am dawdaw at madulawan fag fagbulun, ay roro we fagfalagun ayu dasday gina taglong Unas at kin-gurungan fag madulawan ginanya!” Ay Isus naubun wa ka fag ngay taw, ay nalo wan.
Isus At Fafaskudanan sa sik Famadaul Tinafay
(Mar. 8:14-21)
5Ay Isus ay at ngay tagadal nu ndife wan, nalyaman guba at ba yafun. 6Ay Isus nalong sat ngay tagadal te, “Tagaki taw Parisiyu ay taw Sadusiyu at famadaul tinafay.” 7Ay at ngay tagadal gsulitanan way sit dayu te, “Isus at fagnalongun katanya, nalyaman way tam guba tam yafun.” 8Ay roro Isus nasaful wan at ngay tagadal at sulitanan ay nalong te, “Sik ngay taw way am at yud matvngvd ay fagafanudun. Taw ro ay fagsulitananun te, wam e ba yafun? 9Go sangay wam nasaful? Ay go wam namatang ebi fag limak tinafay ku famayafun sas 5,000k mangama? Ay go seyu yak sabi at kinkapnu at sawad ay nafaful? 10Ay anggan yangay fituk tinafay ku famayafun sas 4,000k mangama? Ay go seyu yak sabi at kinkapnu at sawad ay nafaful? 11Taw ro ay fagyudun nasaful aro ku longan at masuwad? Ku longan at masuwad bundi sas tinafay fiya, dewa aw nalong ayu te, ‘Tagaki taw Parisiyu ay taw Sadusiyu at famadaul tinafay.’ ” 12Ay rodi tv at ngay tagadal nasaful te, Isus at longan at masuwad bundi mangaro te, “Tagaki at famadaul tinafay fagtvngvd.” Roro at masuwad at longan antuwa te, “Tagaki taw Parisiyu ay taw Sadusiyu at ngay foyungan.”
Pedru Nafoyung te, Tam Isus, Tam Diyus at Nafili fag Fun
(Mar. 8:27-30; Lukas 9:18-21; Uan 6:68-69)
13Ay Isus nu ndasug wan sas fulan Sesaria-Filipus, Isus ginto sat ngay tagadal te, “Tibak taw at longan, sinu unu aw, Taw at Baguwama?” 14Ay at ngay tagadal nabalus te, “Tibak taw glong te, Uan Tagfasurung o. Ay tiba glong te, Elyas o. Ay tiba glong yangay te, Eremyas o. Ay labon o at sadi Diyus at taglong.” 15Ay Isus nainto yangay fiya sat ngay tagadal te, “Ay am, tain nu gamatang am? Sinu aw?” 16Ay Simun Pedru nabalus te, “O wan at Nafili fag Fun, Diyus at Baguwama, Diyus Tagleleg Faggugat.” 17Ay Isus nalong yangay te, “Guseganan tuwo Simun, Unas at baguwama. We taw nafoyung emu takatanya. Ku Mama tuwa sas banwa at nafoyung emu. 18Ay glong kyangay sa emu te, o wan Pedru, at masuwad te Batu. Ay nanfaful ban aw ku ngay taw stiye fag batu. Ay fagayu at mauri at fagmadaragangun ay anggan fakateun di ban e mabo sa ku nafaful fag ngay taw. 19Ay mon kwa ban emu Diyus at fagmagurangan at ngay fanluwang. Ay nus nga setaw am fagsalagun ste swa daga, anggan Diyus sas banwa gsalag yangay. Ay nus nga setaw am yud fagsalagun ste swa daga, anggan Diyus sas banwa di gsalag.” 20Ay rodi Isus matvngvd nu gsalag sat ngay tagadal te, “Lag gfoyung sa tibak taw te, aw wan Diyus at nafili fag Fun.”
Isus Naguna Nafoyung nu Mkate ban
(Mar. 8:31-38; Lukas 9:22-27)
21Siginan ginanya, Isus gfasigad gfoyung sat ngay tagadal at fagdumalanun ban te, “Bandi ban lumo akwa sas fulan Erusalem. Ay sanya ban ngayu ku fagdumalanun fag mataka. Tagfakata angku taw Udyu at ngay tagmagurang, ay ngay taganyun daul, ay anggan ngay tagfoyung Muisis at Suguwan. Ay e fate wa ban angku. Ay sa ban sfatuluk menit gdog kyangay gleleg.” 22Ay Pedru nataban Isus sat dayu ay igsalag Isus te, “Yaya. Wo mkatanya, ku Fun. Kanya walong mdasug sa emu.” 23Ay Isus insalubang ay nalong sas Pedru te, “Lag ste Satanas! Gsalag way o nu gfagbulun aw Diyus at fakaumsigun, anway am amatanganan kata way sik taw at amatanganan, ay wa kata Diyus at amatanganan!”
24Ay rodi Isus nafoyung sat ngay tagadal te, “Sik taw nu kaumsig tuwa nangalo angku, ubuni tuwa at fakaumsigun mandi. Ay mafamasadani tuwa dewa sas fakateun, katvngvdan nu kaumsig nangalo angku. 25Anway nus nga sinu fag taw nu kesug way at leleg katsi, malyam wa ban at leleg. Ay nus nga sinu tagfon at leleg katsi, laman e fanambagun aw, ka fag taw ban e leleg tuwa faggugat. 26Tain, nu kin ban, sik taw at fanambagun, dewa nafabul at fagdaul daga at nanuranan, ay nu nalyam way ngap ban at leleg? Ay dewa nus nga seyu sik taw at nafon, wa ban mafafaleleg anya nu nkate wan. 27Anway aw, Taw at Baguwama, umdasug ban stiye e fagmadaragangun siginan ku Mama, fasfuwan at ngay tagfabarita. Ay ginanya ban, gfafoli akyay ban sas fagayu taw nus nga setaw at nafagbulun. 28Ay amatangani, am tiba at malindug ste katsi yam umkate dyap ngay nalag angku, Taw at Baguwama, nu kadasug aw laman nanmagurang ku ngay taw.”
Currently Selected:
Matiyu 16: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 16
16
Taw Parisiyu ay Taw Sadusiyu Gyalagun sik Madulawan fag Fagbulun
(Mar. 8:11-13; Lukas 12:54-56)
1E taw Parisiyu ay taw Sadusiyu nanangakbang sas Isus laman nanfaskud anya. Glong te, “Falagi emi sik madulawan fag fagbulun siginans banwa.” 2Ay Isus nabalus kanya fag ngay taw te, “Gina gakayabiun glong am te, ‘Masiwang tuwa ban balabag, madyay katsi maraska tuwa tam banwa.’ 3Ay nus balabag wan, glong am te, ‘Gamoyanun way siring katsi, madyay tam banwa marum.’ Gsaful way am at fagtoglagan sis banwa, ay roro di am gsaful at fagsafulan sa ban tibak menit te, go setain. 4Am, katsi fag ngay taw mauri way am. Wam gfaning Diyus. Gyalagun am dawdaw at madulawan fag fagbulun, ay roro we fagfalagun ayu dasday gina taglong Unas at kin-gurungan fag madulawan ginanya!” Ay Isus naubun wa ka fag ngay taw, ay nalo wan.
Isus At Fafaskudanan sa sik Famadaul Tinafay
(Mar. 8:14-21)
5Ay Isus ay at ngay tagadal nu ndife wan, nalyaman guba at ba yafun. 6Ay Isus nalong sat ngay tagadal te, “Tagaki taw Parisiyu ay taw Sadusiyu at famadaul tinafay.” 7Ay at ngay tagadal gsulitanan way sit dayu te, “Isus at fagnalongun katanya, nalyaman way tam guba tam yafun.” 8Ay roro Isus nasaful wan at ngay tagadal at sulitanan ay nalong te, “Sik ngay taw way am at yud matvngvd ay fagafanudun. Taw ro ay fagsulitananun te, wam e ba yafun? 9Go sangay wam nasaful? Ay go wam namatang ebi fag limak tinafay ku famayafun sas 5,000k mangama? Ay go seyu yak sabi at kinkapnu at sawad ay nafaful? 10Ay anggan yangay fituk tinafay ku famayafun sas 4,000k mangama? Ay go seyu yak sabi at kinkapnu at sawad ay nafaful? 11Taw ro ay fagyudun nasaful aro ku longan at masuwad? Ku longan at masuwad bundi sas tinafay fiya, dewa aw nalong ayu te, ‘Tagaki taw Parisiyu ay taw Sadusiyu at famadaul tinafay.’ ” 12Ay rodi tv at ngay tagadal nasaful te, Isus at longan at masuwad bundi mangaro te, “Tagaki at famadaul tinafay fagtvngvd.” Roro at masuwad at longan antuwa te, “Tagaki taw Parisiyu ay taw Sadusiyu at ngay foyungan.”
Pedru Nafoyung te, Tam Isus, Tam Diyus at Nafili fag Fun
(Mar. 8:27-30; Lukas 9:18-21; Uan 6:68-69)
13Ay Isus nu ndasug wan sas fulan Sesaria-Filipus, Isus ginto sat ngay tagadal te, “Tibak taw at longan, sinu unu aw, Taw at Baguwama?” 14Ay at ngay tagadal nabalus te, “Tibak taw glong te, Uan Tagfasurung o. Ay tiba glong te, Elyas o. Ay tiba glong yangay te, Eremyas o. Ay labon o at sadi Diyus at taglong.” 15Ay Isus nainto yangay fiya sat ngay tagadal te, “Ay am, tain nu gamatang am? Sinu aw?” 16Ay Simun Pedru nabalus te, “O wan at Nafili fag Fun, Diyus at Baguwama, Diyus Tagleleg Faggugat.” 17Ay Isus nalong yangay te, “Guseganan tuwo Simun, Unas at baguwama. We taw nafoyung emu takatanya. Ku Mama tuwa sas banwa at nafoyung emu. 18Ay glong kyangay sa emu te, o wan Pedru, at masuwad te Batu. Ay nanfaful ban aw ku ngay taw stiye fag batu. Ay fagayu at mauri at fagmadaragangun ay anggan fakateun di ban e mabo sa ku nafaful fag ngay taw. 19Ay mon kwa ban emu Diyus at fagmagurangan at ngay fanluwang. Ay nus nga setaw am fagsalagun ste swa daga, anggan Diyus sas banwa gsalag yangay. Ay nus nga setaw am yud fagsalagun ste swa daga, anggan Diyus sas banwa di gsalag.” 20Ay rodi Isus matvngvd nu gsalag sat ngay tagadal te, “Lag gfoyung sa tibak taw te, aw wan Diyus at nafili fag Fun.”
Isus Naguna Nafoyung nu Mkate ban
(Mar. 8:31-38; Lukas 9:22-27)
21Siginan ginanya, Isus gfasigad gfoyung sat ngay tagadal at fagdumalanun ban te, “Bandi ban lumo akwa sas fulan Erusalem. Ay sanya ban ngayu ku fagdumalanun fag mataka. Tagfakata angku taw Udyu at ngay tagmagurang, ay ngay taganyun daul, ay anggan ngay tagfoyung Muisis at Suguwan. Ay e fate wa ban angku. Ay sa ban sfatuluk menit gdog kyangay gleleg.” 22Ay Pedru nataban Isus sat dayu ay igsalag Isus te, “Yaya. Wo mkatanya, ku Fun. Kanya walong mdasug sa emu.” 23Ay Isus insalubang ay nalong sas Pedru te, “Lag ste Satanas! Gsalag way o nu gfagbulun aw Diyus at fakaumsigun, anway am amatanganan kata way sik taw at amatanganan, ay wa kata Diyus at amatanganan!”
24Ay rodi Isus nafoyung sat ngay tagadal te, “Sik taw nu kaumsig tuwa nangalo angku, ubuni tuwa at fakaumsigun mandi. Ay mafamasadani tuwa dewa sas fakateun, katvngvdan nu kaumsig nangalo angku. 25Anway nus nga sinu fag taw nu kesug way at leleg katsi, malyam wa ban at leleg. Ay nus nga sinu tagfon at leleg katsi, laman e fanambagun aw, ka fag taw ban e leleg tuwa faggugat. 26Tain, nu kin ban, sik taw at fanambagun, dewa nafabul at fagdaul daga at nanuranan, ay nu nalyam way ngap ban at leleg? Ay dewa nus nga seyu sik taw at nafon, wa ban mafafaleleg anya nu nkate wan. 27Anway aw, Taw at Baguwama, umdasug ban stiye e fagmadaragangun siginan ku Mama, fasfuwan at ngay tagfabarita. Ay ginanya ban, gfafoli akyay ban sas fagayu taw nus nga setaw at nafagbulun. 28Ay amatangani, am tiba at malindug ste katsi yam umkate dyap ngay nalag angku, Taw at Baguwama, nu kadasug aw laman nanmagurang ku ngay taw.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines