Matiyu 18
18
Sinu ban Tam at Tiba Tungud?
(Mar. 9:33-37; Lukas 9:46-48)
1Ay ginanya, Isus at ngay tagadal inkakbang anya ay ginto te, “Sinu ban tiba tungud sas Diyus at fagmagurangan taw?” 2Ay Isus nagewan sa anya sik sisiyan sirut ay nafalindug sit ngay tagadal buknga. 3Ay Isus glong te, “Matuyan iglong aw ayu te, nu dway am nafabali ay ugali laman kumata am sik ngay sisiyan sirut, wa ban am umful sas Diyus at fagmagurangan taw. 4Nus nga sinu at tagfababaun katatuy fag sisiyan sirut, kanya long ban tiba tungud sas Diyus at fagmagurangan taw.
5“Ay sik taw nu gfasakbo tuwa sik sisiyan sat bale anway kanya gseg sa angku, kata wa nu gfasakbo angku sat bale. 6Ay nus nga sinu tagfe asalanan sa sangay sisiyan tagafanud sa angku, amasine yap nu e sumiyuk at liyug sa sik batu daul fanligis fare ay ukasi sasad ngabasad dawdaw fag dagat.”
Saruyi Tagfe Asalanan
(Mar. 9:42-49; Lukas 17:1-2)
7“E nanfauri ban ste swa daga fag ngay taw anway e ngay tagfe asalanan wayay. Kin wa fiya, umdasug wa ban fiya tagfe asalanan. Ay e nanfauri yangay ban dawdaw sanya fag tagfe asalanan.
8“Ay am take ay ate am darafa at sadi nu gfe asalanan way emu, lifungi wan ay ukasi wan! Amasine yap dewa sadi am take ay am darafa nu e leleg tuwo at yud katabu, dewa ngap ro duwa am take ay am darafa roro am fakadasugan sa ways lino afuy at yud kalayung. 9Ay am mata at sadi nu gfe asalanan way emu, guladi wan! Amasine yap dewa sadi am mata nu e leleg tuwo at yud katabu, dewa ngap ro duwa am mata roro am fakadasugan sa ways lino afuy.”
10“Amatangani laman dangay kalimata dewa sik sisiyan sirut. Anway nalong aw sa ayu te, ste fag ngay sisiyan sirut e ngay tagfabarita tuwa sas banwa. Ay ka fag ngay tagfabarita glag tuwa ku Mama sas banwa. [11Aw, taw at Baguwama, ku fagindasugun laman nanfalangfe aw at nalyam fag ngay taw.]
Isus At Fafaskudanan sa sik Balan at Nalyam Baliwa
(Lukas 15:3-7)
12“Ay go tain nu gfasad am? Sik taw nu e 100 tupa, ay nu nalyam way at sadi, matuyan gubun yay manga at sawad sa sangay muyud ay nalo yay laman nansarap yay at sadi at nalyam. 13Ay nu nalag wan, at matuyan iglong kwa ayu te, kanya guseganan nu nalag at nalyam, glabi yap nu guseganan sa tiba at yud nalyam. 14Katanya yangay ay Tama sas banwa at fakaumsigun te, dangay e malyam tuy fag ngay sisiyan sirut nus di sadi.”
Masine nu Nalyam Tuwo Am Iba at Asalanan sa Emu
15“Am iba nu e asalanan sa emu, nanfamatuwani way ngap fiya fiya anya sesadi. Ay longi anya sa baliwa at nafagbulun, ay nu nadungugan tuwa am longan, insine wan ay fanlonganan. Nafakbang tuwo anya sa tam Diyus. 16Ay roro mangaro ka fag fadugsay nu dway gdungugan am longan, tabani yap duwak tagafanud laman e dumungugan ay sulitanan, ay nanfatuyanan am ay longan siginans duwak taw ay ate tuluk taw. 17Ay sanya sigon nu dyay gdungugan am longan, nanfoyungi wa long sa sangay tagmagurang bale fakafulan. Ay sanya sigon nu dyay gdungugan, tapi wa long ka fag fadugsay te, kanya kata wa sik taw at yud gafanud sas Diyus ay ate kata wa taget buwis fag ngay taw. 18Amatangani: Ay nus nga setaw ay fagsalagun ste swa daga, anggan Diyus sas banwa gsalag yangay. Ay nus nga setaw ay yud fagsalagun ste swa daga, anggan Diyus sas banwa di gsalag.”
19Ay iglong akyangay ayu te, “Nu e duwak taw ste swa daga tagdiyuganan get sa ku Mama, ku Mama sas banwa gfon ban anya at fagetun. 20Anway nus nganday fagalay e maful duwak taw, ate tuluk taw, tagseg angku, sanya akwa sit buknga.”
21Ay Pedru nkakbang sas Isus ay nainto anya te, “Em Fun, go seyu ginan nu gfalyam aw ku iba nu e asalanan sa angku? Go fitu ginan, laman fagayu ginan nafalyam aktuwa?” 22Ay Isus nabalus anya te, “Dakwa glong te, fitu ginan way, antuwa 77 ginan tuwo gfalyam am iba at asalanan sa emu. 23Nu katanya, Diyus nu gmagurang taw kata sik fun nu kaumsig nangasaful sat ngay fanuguwan nu gsali sa anya at ngay bedan. 24Ay ka fag fun gina nafasigad gtap at ngay fanuguwan bedan, e nataban sa anya ka fag fanuguwan at ke bedan ayuwayu. 25Anway ka fag fanuguwan wa mafasali takayunya, at fun nasugu tiba te, ‘Tedi wan ka fag fanuguwan anggan at mangena ay anggan at ngay sisiyan ay buli wan at nanuranan fagayu. Ay tabani wa sa sik taw takaumsig gagbilug anya, laman at tagagbilug ban anya gsali sa angku at bedan.’ 26Ay kanya fag fanuguwan namalub gfafanyuwan sat fun, ay nalong te, ‘Fanyai yap te, go ban dakwa fafasali fagayu ku bedan sa emu.’ 27Ay at fun infanyu yay at fanuguwan ay nafalfas yay ka fag talanan ay nafalyam wan at bedan fagayu.
28“Ay aro ataw fag fanuguwan nu nalo wan, kanya nafablang at sadi at ufud fag fanuguwan at ke bedan 100 fisu sa anya. Ay at taguna fag fanuguwan nated ka fag fanuguwan at ke bedan 100 si at liug ay nalong anya te, ‘Salii wan katsi am bedan fag 100.’ 29Ay at ke bedan 100 fag fanuguwan natudan ay nafafanyuun te, ‘Fanyai yap, ay sumali kwa ban fiya sa emu.’ 30Ay at taguna fag fanuguwan wa kafanya. Fangkabat di ro nafasungsung way anggan nafasali at bedan fagayu sa anya. 31Ay at ufud fag ngay fanuguwan nu nalag at taguna fag fanuguwan at fagbulun, gamatangan dawdaw te, ‘Taw fakatanyaun at fagbulun?’ Nu katanya, ka fag ngay fanuguwan nalo wan ay nanfoyung yay fagayu at nalag sa at fun. 32Ay at fun nagewan ka fag fanuguwan at nafagbulun katanya, ay nabaya anya te, ‘Mauri way o dawdaw fag fanuguwan! Madyay nafalyam aktuwa am bedan sa angku anway ebi nafafanyuwan o sa angku, ay infanyu aktuwa emu. 33Ay at masine afanyui yangay am ufud kata nu kafanyu aw emu, go kin?’ 34Ay at fun katvngvdan indotama dawdaw sanya fag fanuguwan, nafasungsung yap ngay nafasali at bedan fagayu sa anya. 35Ay katanya yangay ku Mama sas banwa at fagbulun sa ayu, nu dway am nafalyam fiya fiya ay fadugsay at asalanan sa ayu.”
Currently Selected:
Matiyu 18: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 18
18
Sinu ban Tam at Tiba Tungud?
(Mar. 9:33-37; Lukas 9:46-48)
1Ay ginanya, Isus at ngay tagadal inkakbang anya ay ginto te, “Sinu ban tiba tungud sas Diyus at fagmagurangan taw?” 2Ay Isus nagewan sa anya sik sisiyan sirut ay nafalindug sit ngay tagadal buknga. 3Ay Isus glong te, “Matuyan iglong aw ayu te, nu dway am nafabali ay ugali laman kumata am sik ngay sisiyan sirut, wa ban am umful sas Diyus at fagmagurangan taw. 4Nus nga sinu at tagfababaun katatuy fag sisiyan sirut, kanya long ban tiba tungud sas Diyus at fagmagurangan taw.
5“Ay sik taw nu gfasakbo tuwa sik sisiyan sat bale anway kanya gseg sa angku, kata wa nu gfasakbo angku sat bale. 6Ay nus nga sinu tagfe asalanan sa sangay sisiyan tagafanud sa angku, amasine yap nu e sumiyuk at liyug sa sik batu daul fanligis fare ay ukasi sasad ngabasad dawdaw fag dagat.”
Saruyi Tagfe Asalanan
(Mar. 9:42-49; Lukas 17:1-2)
7“E nanfauri ban ste swa daga fag ngay taw anway e ngay tagfe asalanan wayay. Kin wa fiya, umdasug wa ban fiya tagfe asalanan. Ay e nanfauri yangay ban dawdaw sanya fag tagfe asalanan.
8“Ay am take ay ate am darafa at sadi nu gfe asalanan way emu, lifungi wan ay ukasi wan! Amasine yap dewa sadi am take ay am darafa nu e leleg tuwo at yud katabu, dewa ngap ro duwa am take ay am darafa roro am fakadasugan sa ways lino afuy at yud kalayung. 9Ay am mata at sadi nu gfe asalanan way emu, guladi wan! Amasine yap dewa sadi am mata nu e leleg tuwo at yud katabu, dewa ngap ro duwa am mata roro am fakadasugan sa ways lino afuy.”
10“Amatangani laman dangay kalimata dewa sik sisiyan sirut. Anway nalong aw sa ayu te, ste fag ngay sisiyan sirut e ngay tagfabarita tuwa sas banwa. Ay ka fag ngay tagfabarita glag tuwa ku Mama sas banwa. [11Aw, taw at Baguwama, ku fagindasugun laman nanfalangfe aw at nalyam fag ngay taw.]
Isus At Fafaskudanan sa sik Balan at Nalyam Baliwa
(Lukas 15:3-7)
12“Ay go tain nu gfasad am? Sik taw nu e 100 tupa, ay nu nalyam way at sadi, matuyan gubun yay manga at sawad sa sangay muyud ay nalo yay laman nansarap yay at sadi at nalyam. 13Ay nu nalag wan, at matuyan iglong kwa ayu te, kanya guseganan nu nalag at nalyam, glabi yap nu guseganan sa tiba at yud nalyam. 14Katanya yangay ay Tama sas banwa at fakaumsigun te, dangay e malyam tuy fag ngay sisiyan sirut nus di sadi.”
Masine nu Nalyam Tuwo Am Iba at Asalanan sa Emu
15“Am iba nu e asalanan sa emu, nanfamatuwani way ngap fiya fiya anya sesadi. Ay longi anya sa baliwa at nafagbulun, ay nu nadungugan tuwa am longan, insine wan ay fanlonganan. Nafakbang tuwo anya sa tam Diyus. 16Ay roro mangaro ka fag fadugsay nu dway gdungugan am longan, tabani yap duwak tagafanud laman e dumungugan ay sulitanan, ay nanfatuyanan am ay longan siginans duwak taw ay ate tuluk taw. 17Ay sanya sigon nu dyay gdungugan am longan, nanfoyungi wa long sa sangay tagmagurang bale fakafulan. Ay sanya sigon nu dyay gdungugan, tapi wa long ka fag fadugsay te, kanya kata wa sik taw at yud gafanud sas Diyus ay ate kata wa taget buwis fag ngay taw. 18Amatangani: Ay nus nga setaw ay fagsalagun ste swa daga, anggan Diyus sas banwa gsalag yangay. Ay nus nga setaw ay yud fagsalagun ste swa daga, anggan Diyus sas banwa di gsalag.”
19Ay iglong akyangay ayu te, “Nu e duwak taw ste swa daga tagdiyuganan get sa ku Mama, ku Mama sas banwa gfon ban anya at fagetun. 20Anway nus nganday fagalay e maful duwak taw, ate tuluk taw, tagseg angku, sanya akwa sit buknga.”
21Ay Pedru nkakbang sas Isus ay nainto anya te, “Em Fun, go seyu ginan nu gfalyam aw ku iba nu e asalanan sa angku? Go fitu ginan, laman fagayu ginan nafalyam aktuwa?” 22Ay Isus nabalus anya te, “Dakwa glong te, fitu ginan way, antuwa 77 ginan tuwo gfalyam am iba at asalanan sa emu. 23Nu katanya, Diyus nu gmagurang taw kata sik fun nu kaumsig nangasaful sat ngay fanuguwan nu gsali sa anya at ngay bedan. 24Ay ka fag fun gina nafasigad gtap at ngay fanuguwan bedan, e nataban sa anya ka fag fanuguwan at ke bedan ayuwayu. 25Anway ka fag fanuguwan wa mafasali takayunya, at fun nasugu tiba te, ‘Tedi wan ka fag fanuguwan anggan at mangena ay anggan at ngay sisiyan ay buli wan at nanuranan fagayu. Ay tabani wa sa sik taw takaumsig gagbilug anya, laman at tagagbilug ban anya gsali sa angku at bedan.’ 26Ay kanya fag fanuguwan namalub gfafanyuwan sat fun, ay nalong te, ‘Fanyai yap te, go ban dakwa fafasali fagayu ku bedan sa emu.’ 27Ay at fun infanyu yay at fanuguwan ay nafalfas yay ka fag talanan ay nafalyam wan at bedan fagayu.
28“Ay aro ataw fag fanuguwan nu nalo wan, kanya nafablang at sadi at ufud fag fanuguwan at ke bedan 100 fisu sa anya. Ay at taguna fag fanuguwan nated ka fag fanuguwan at ke bedan 100 si at liug ay nalong anya te, ‘Salii wan katsi am bedan fag 100.’ 29Ay at ke bedan 100 fag fanuguwan natudan ay nafafanyuun te, ‘Fanyai yap, ay sumali kwa ban fiya sa emu.’ 30Ay at taguna fag fanuguwan wa kafanya. Fangkabat di ro nafasungsung way anggan nafasali at bedan fagayu sa anya. 31Ay at ufud fag ngay fanuguwan nu nalag at taguna fag fanuguwan at fagbulun, gamatangan dawdaw te, ‘Taw fakatanyaun at fagbulun?’ Nu katanya, ka fag ngay fanuguwan nalo wan ay nanfoyung yay fagayu at nalag sa at fun. 32Ay at fun nagewan ka fag fanuguwan at nafagbulun katanya, ay nabaya anya te, ‘Mauri way o dawdaw fag fanuguwan! Madyay nafalyam aktuwa am bedan sa angku anway ebi nafafanyuwan o sa angku, ay infanyu aktuwa emu. 33Ay at masine afanyui yangay am ufud kata nu kafanyu aw emu, go kin?’ 34Ay at fun katvngvdan indotama dawdaw sanya fag fanuguwan, nafasungsung yap ngay nafasali at bedan fagayu sa anya. 35Ay katanya yangay ku Mama sas banwa at fagbulun sa ayu, nu dway am nafalyam fiya fiya ay fadugsay at asalanan sa ayu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines