गलतियो पत्र 3

व्यवस्था या विश्वास

1हे, बुद्धिहीन गलतीकरा माय वाला, तुमरे पोर कूण जादू किरील हि? तुमु ता आखान ओगांण यीशु मसीहान क्रुस पोर केवी चेढाईल एता ज्यान पुरो वर्णन आपील दियील! 2माहु तुमरेहरीन ओलोक सोमजी लेणे हि का तुमूह आत्मान वरदान कायताहा व्यवस्था विधानाने आत्मा प्राप्त एनो, एतो कि सुवार्ता होमलने एने तापोर विश्वास केरणेन? 3काय तुमूह ओलाज मूर्ख एहू शकता कि ज्या जीवनाह तुमूह आत्मा फायरीन सुरुवात केरील ताह ऐवी आड मासान शरीरान बळाने पुरो केरुहू? 4तुमूह ओलोक मेहनत किरील ते काय व्यर्थच लीईल? माहु आशा हि कि ते वाया नाह एता. 5बोगवान जो तुमूह जो आत्मा आपथु एने जो तुमरे माय आश्चर्य काम करने, तो जानकेरता करने कि तुमूह व्यवस्था देखतालु हि केव्ही जानकेरता कि तुमूह सुवार्ता होमेल्नी एने तापोर विश्वास किरील हि?

6“अब्राहाम ते बोगवानापुर विश्वास किरील एने तान केरता तो धार्मिकता माय मोजाय गीयो.” 7तर तुमूह हे जान लिवू कि विश्वास किरीह, अब्राहामान वंश ते ज्याच हि कि जे विश्वास केरणू. 8एने शास्त्रामाय पेलूच रेन कियील हि का, बोगवान दिहरी जातीन माणहाह भी तान विश्वासापोरीन नीतिमान ठेरावी, एने ज्या शब्दाहेर्यो पेलरीन विश्वासु अब्राहामाह सुवार्ता कियील एती का “तारेमाय आखी जातीह आशीर्वाद जुडी.” 9जानकेरता का जा माणहे विश्वास केरणू, ता विश्वासु अब्राहामहेर्यो आशीर्वाद मिलवती.

10पुण ता आखा माणहे जे व्यवस्था विधानाचे पोहणे केरीन तापोर निर्भर रेणू, ते शापाधीन हि, काहाकाय पुस्तकाम इही लेखील हेते, “तो प्रत्येक माणुह शापित हि जो व्यवस्था माय प्रत्येक वातून पोहणे केरतीन नाहं.” 11ऐवी हे स्पष्ठ हि कि व्यवस्था द्वारे बोगवाना ओगाण काडील माणुह हाजो ठरिन्ये नाहं, काहाकाय शास्त्रान तान वजेसे धर्मी माणुह विश्वासान योग्य जीवना. 12पुण व्यवस्था विश्वास केरणू से सम्बध नाहं; काहाकाय लिखील हि, “जो कूण ताह मानी, तो तान कारण जीवतालू रेय.” 13मसीह आमरा हाराप आपणेपूर लीन, व्यवस्था द्वारे शाप तारीन आपुहू सोडावील, “काहाकाय किखील हि, प्रत्येक जन जो कूण झाडापूर टांगल्यो असतो तो शापित हि.” 14तान केरता एयील कि अब्राहामाह आपले आशीर्वाद मसीह यीशुच्याद्वारे दिहरी जातीन पुण जुडील, तान केरता विश्वासान आपु ता आत्माह प्राप्त केरणू ज्यान प्रतिज्ञा आपील गीया हि.

व्यवस्था एने वायदो

15हे, बायहो, मी तुमूह माणहान रीती पोर केथु; कूण एखादो माणहान द्वारे वाचा केरणे केरता नाहं तो रद्द किरील जाथू एने नाहं तो थोडो किरील जाथू एने नाहं तो वाढवणे शकणे. 16तोहोलोच प्रतिज्ञा अब्राहाम तान वंशयान हेरी केरील. तो ण्यो नाह केणे, “वंशाह” जीही जुलुम विशषयामाय कियील; पुण एक ओहला विषयामाय कि “तारा वंशाह” जो मसीह हि. 17मारा केणे इही हि: कि ज्या वाचान बोगवानान पेल्लारीन सुनिश्चित किरील हि, ताह चारहोव तीस वर्षानंतर आवणार व्यवस्था बोद्लील शकत नाहं एणेन तो तान वचनामाय नकार आपुह शकणे. 18काहाकाय वतन जर व्यवस्था द्वारे प्राप्त एता तर यानओंगान प्रतिज्ञा एय नाहं, पुण अब्राहामाह बोगवानते कृपान प्रतिज्ञान ताह आपील हि.

19तर ओवतो व्यवस्था कायतान केरता? ती ते गुन्हान कारण से बादमाय आपायील एती, ता वंशाह आवणे तक रेय, जी प्रतिज्ञा आपील एती; एने ती स्वर्गदूतान द्वारे एक मध्यस्थ ने आथान ठेरायील एती. 20मध्यस्थ ते एकजाण नाह रेणे, पुण बोगवान एक हि.

व्यवस्था उद्देश

21काय यान अर्थ ओहलो हि कि व्यवस्था प्रतिज्ञा बोगवानान वचनान विरोधी हि? निश्चित नाहं! काहाकाय जर इही व्यवस्था अभिवचन आपील हि जे माणहामाय जीवनान केरीन नितीमत्व, धार्मिकता शास्त्राद्वारे प्राप्त एय गीयो हि. 22पुण पवित्र शास्त्र भी आखाह पापान अधीन केर दियील, ज्यानकेरता का प्रतिज्ञान आधार यीशु मसीहा पोर विश्वास केरणू हि, विश्वास केरणारान केरता पुरो एय जाय.

23पुण जेवी विश्वासान आवणेन पेल व्यवस्था अभिवचनामाय आमरी राखवाली एताली, एने ता विश्वासाह आवणे वोर प्रकट एणार एतो, आमु ताचने कैदमाय एता. 24ज्यानहोस व्यवस्था आमूह मसीहापुररीन लीन जाणेन एक कठोर बलरक्षक एतो जानकेरता कि आपणो विश्वासान आधारापूर आमु धर्मी एने जुवी. 25ऐवी ताहेरया हा विश्वास प्रकट एनो, हि तर आमु ता कठोर बलरक्षकच्या अधीन नाहं. 26यीशु मसीहान विश्वासान मोदेतसे तुमूह आखा बोगवानान सोरा हेते. 27काहाकाय तुमूह आखा जो मसीहान बाप्तिस्मा लियेल हि केरीन मसीहा माय आवूह हेते. 28ऐवी कुणामाय काही अंतर रेणा नाहं कूण यहूदा रेणू, यूनानी, दास रेणू, स्वांतत्र्य, माणहे, बायकू, कारण मसीह यीशु माय तुमूह आखा एक हेते. 29काहाकाय तुमु मसीहान हेते तर तुमूह अब्राहामान पिडीन पिडी हि एने बोगवानान जी प्रतिज्ञा अब्राहामला आपील एता ता वचनान वारिस हेते.

Currently Selected:

गलतियो पत्र 3: NLXNT

Highlight

Copy

Compare