2 कुरिन्थियो 5

आपणो स्वर्गाम वालो घेर

1काहाकाय आमूह मालूम हि कि जेहीकाय आमरा पृथ्वीपोर्यो मंडपामाय सारखो घेर बोणावणेन जाहो, तर आमूह बोगवाना फायरीन स्वर्गाम एक इही जुळी जे आथान बोनाडील नाहं, पुण कायमस्वरूपी हि. 2याम तर आमु केणेन एने ईच्छा करने आपणो स्वर्गीय घेराह रीगाडीन लेणेन. 3कि हे पेल्या आमु उखडो सापडील नाहं. 4एने आमु आवो मंडपाम रेथे एतालून दाबावु दाबीन कण्हत रेणे, काहाकाय आमु काडनु नाहं पुण पेहू केरुहू मागणे, तो जो देनारा हि जीवनामाय बुडीन जावा. 5ज्यान आमूह आवो वातू साठीच बोणाविल हि तो बोगवान, ज्यान आमूह आत्मा केरीन आपील हि. 6म्हणजे आमु कायम हिमंत देरीन रेणे एने हे मालूम हि कि जेवीवोर आमु शरीराम रेणे, ताहउर प्रभु फायरीन आलेग हेते. 7काहाकाय आमु मूय देखीन नाहं, पुण विश्वासान चालणो. 8तामुळे आमु हिमंत देरीन रेणे, एने शरीरांपुररीन आलेग एईन प्रभु हेर्यो रेणे उंजू हाजो होमजथी. 9ज्यानकेरता आमरा मोनान शोखहोय जिच हि कि जर हेरी रेणा, पुण आमु ताह पुटीह रेणेन जुवी. 10काहाकाय हे जरुरी हि कि आपु सोबान वागणू मसीहान न्यायान प्रतेक जाणाह ओगाण उगडीन जाणेन जुवी, म्हणजे प्रत्येक माणुह आप आपणा हाजो हाजो वाईट शरीर कामा प्रतिफोल जो ताह आखठापुररीन किरील हि मीलनार.

बोगवाना हेरी मेल मिलाप

11तामुळे प्रभुन बिय आमु माणहाह होमाजाडणे; पुण बोगवानान आमरी वागणू उघड हि, एने माहु आशा हि कि तुमरो विवेक भी उघड एय गीयोह. 12आमु तेभी पुण आमरी प्रशंसा तुम्राओगाण केरतीन नाहं, पुण आमु आपनाबारामाय खत केरणेन संधी आपथु कि तुमूह ताह उत्तर आपुह, शकणार? तुमूह कि जे मोनापुर कायनय पुण देखानार वातुपोर खत केरणू. 13जर आमु बेशुद्ध हेते तर हे बोगवानान केरता एने जर शुद्धीपूर रेंय तर ते तुमरीकेरता. 14काहाकाय मसीहान प्रेम आमूह विवेश केरीन आपीह; कि तामुळे आमु हे होमजथी कि जर एक आखाहेर्यो मोरणु तर आखा मोराना. 15एने ते यावजेसे आखाहेर्यो मोरणु कि जो जीवतालू हि, ते ओगाण आपणे केरता जीवतालू एणेन मां पुण तान केरता जो तान केरता मोरणु एने पोशा जीवतालू एनो.

मसीह माय नोवाली सृष्टी

16ज्यानकेरता एविरीन आमु कुणबी शरीराप्रमाणे समजी नाहं. म्हणजे आमु मसीहान पुण शरीराप्रमाणे समजील एता, तेभी पुण एविरीन ताह इही समजी नाहं. 17तान वजेसे जर कूण मसीहात हि तर तो नोवो सृष्टी: हि जुना वातू निकलीन गीया हेते: देखू, आखा वातू नोवालो एईल हेते. 18आवो आखा वातू बोगवाना फायरीन हेते, तान मसीहाद्वारे आपणेहेर्यो एक्ताहोने केरीन लियेल, एने मेल मिलापाची सेवा आपणो आथाम आपील. 19केरीन बोगवानान मसीहाम रेयीन आपणेहेर्यो जगान एक्ताहोने केरीन लियेल, एने तान अपराधान दोष तां पोर लागाडया नाहं, एने तान मेल मिलापाचे वचन आमूह होपीन आपील हि.

20तान वजेसे आमु ख्रीतान राजदूत हेते; जिहकाय बोगवान आमरा द्वारे विनंती केरतीन हि. आमु मसीहा फायरीन नेवतो करने कि बोगवाना हेर्यो मेल मेलणु केरीन ली. 21जो पाप्याफायरीन एजानल्यो एतो, तुहा तान आमरे केरता पापी ठेरायेल कि आमु तामाय एईन बोगवानान धार्मिकता बोणाविल.

Currently Selected:

2 कुरिन्थियो 5: NLXNT

Highlight

Copy

Compare