2 कुरिन्थियो 6

1आमु बोगवानान मदतकेरन्या हेते पुण होमजाडणे कि तान कृपा जी तुमरे पोर एनी, ताह वाया जाहू आपुह मा. 2काहाकाय तो तर किथे, “आपणो आनंद ला टाइम मी तारो होम्लीन लीईल, एने उद्धारान दिहामाय मी तुवाह मदत केरील.”

देखू, ऐवी तो आनंदान टाइम हि; देखू, ऐवी तो उद्धारान दिह हि. 3आमु काल्लोबी वातून ठोकर संधी आपतेन नाहं म्हणजे आमरा सेवेपूर काही दोष आवहू नाहा. 4पुण प्रत्येक वातून बोगवानान दासा हेर्यो आपणो हाजो गुणांना उघड करने, मोठला हिमतिकेरिन, मोठला संकटामाय, दारिदद्योमाय, दुखा माय, 5कोडे खाइतेवी, कैद एय गीयो, हुलडाणे, मेहनतान, जागे रेयताहा, उपास केरणे केरता, 6पवित्र तामाय एने, ज्ञानासे, प्रेम माय, एने कृपाळूपनाने, पवित्र आत्मा माय, 7खेरा प्रेमाकेरता, सत्यान वचनाने, बोगवानान सामर्थ्यान, धार्मिकतान हत्याराने, जे जेवड्यो बांगाडू आथाम हेते. 8आदराने, अपमान, अपकीर्तीने, सतकीर्तीने. जर फसिवणारे समजी जर खेरो हेते; 9ओलखणार सारकोस, तेभी पुण प्रसिद्ध हेते, मोरणाराह सारकोस हेते एने देखू, जीवतालू हि; मार खानेनकेरता हेते पुण जीवाने मारील जात नाहं; 10शोक केरणारा सारकोस हेते, पुण कायम आनंद करने; गरीबाहोस सारकोस हेते, पुण मोक्तास जणांनाश्रीमंत बोणाव देतेह; इही हि जोहलो आम्हुफाय कायीच नाहं तेभी पुण आखा काही मेलतेह.

वाकडातिकडा जुवालाम मा जुतो

11हे, कुरिन्थियो करांनो, आमु मोकला पणाने तुवाहेर्यो वातू केरील हेते, आमरा हृदय तुमरीफाय उघडा हि. 12तुमरीकेरता आमरा मोना माय कायीच शंका नाहं, पुण तुमरो माय शंका हि. 13पुण आपणी सोरा होमजाडीन तुमूह किथे कि तुमूह पुण तान बोदल्याम आपणा हृदय उगडीन दया.

14तुमूह अविश्वास मेकानाराकेरीन सबंध जोडीन विजोड एहू मा काहाकाय धार्मिकता एने अधर्म ज्याह माणहाहेरो भागीदारी कोहली एय? उजालो एने आंधारो ज्यामाय जोडीदार केरणेन केवी एय? 15ओहलाच मसीहान शैतानाशी केवी एक एय? तोहोलोच अविश्वासी एने विश्वासी न्यान केवी जमेल? 16एने मूर्तीन हेर्यो बोगवानान मंदिरान काय संबंध? काहाकाय आमु ते जीवतला बोगवानान मंदिर हेते; जीही बोगवान केयील, “मी तांमाय रेंह एने तांमाय चाल फिर केरूह; एने मी तान बोगवान बोणूह, एने तां मारा रेती.” 17तान केरता प्रभु तुम्हहू किथी, तामायरीन बाहेर निकलीन जात्यांचाफायरीन स्वताह आलेग रेहू; तुमूह कायीच स्पर्श केरूह मा जे अशुद्ध हेते, ते मी तुमूह स्वीकार केरुहू; 18“एने मी तुमरो आबोक एह, तुमूह मारा सोरा एने सोरी एहो, सर्वशक्तीमान प्रभु जे किथी हि.”

Currently Selected:

2 कुरिन्थियो 6: NLXNT

Highlight

Copy

Compare