2 कुरिन्थियो 3

नोवाला वायदान दास

1काय आपु पोशा आपणी बोडाई केरणेन बाज गीया? केव्ही आपु दिहरी मान्हाकेरीन शिफारासची पत्र तुमरीफाय लावणेन केव्ही तुमरेफायरीन नाय लागी? जोहलो काही माणहे केणु, नकीच नाहं? 2आमरी पत्र तुमुच हि, जे आमरा हृदयाम लेखीन मिलील हेते एने ताह आखा माणुह ओलकतेह एने वाचतलो. 3हे उघड हेते कि तुमूह मसीहान पत्रे हेते, ज्याह आमु सेवाहोस लेखील, एने जे शाई वाही नाहं तर जीवतालू बोगवानान आत्मा माय, देगडान डीलपोर नाहं पुण हृदयाच्या मासरूपी पाटळापुर लेखील हि.

4आमु मसीहाद्वारे बोगवानापोर बोरुहूमेली. 5इही नाहं कि आमु स्वताह ज्यान लायकी हेते कि आपु कायताहा वातून विचार केरूह शकणार, पुण आमरी लायकी बोगवाना फायरीन हि. 6ज्यान आमूह नोवाला वाचान दास ला लायक पुण किरील शब्दाचे दास नाहं पुण आत्मान; काहाकाय शब्द पुण आत्मा जीवतालू करने.

7जर तो मोरणेन वाचा ज्यान आकडो देगडापूर लिखील गीया एता, न्याओर तेजामाय एनी कि मुसान मुया मायरीन तेज कारणाने जो थोडो एता जात एतो, इस्राएल माणहे तान मूय देखहुं सेकती नाह एता. 8तर आत्मान वाचा उंजू तेजामाय काहा रेहू नाहं? 9काहाकाय जेहीकाय दोषी ठोरावनारो वाचा तेजामाय एतो, तर धार्मिक ठेरावणार वाचा उंजू तेजामाय काहा नाहं रेहू? 10आपु जे तेजामाय एता, ते पुण ता दुयहेर्यो जे उंजू जादा तेजामाय एता, काही तेजामाय ठेरना नाहं. 11काहाकाय जेहीकाय ते थोडो एता, जात एता तेवी ते ते स्थिर रेहू उंजू जादा जादा तेजामाय काहा रेहू नाहं?

12तामुळे ओहलो आशा मेलीन आमु हीमोत केरीन बोलेहे, 13एने मुसान होस नाह, तो आपणा मुया पोर पडदु टाकील इतू म्हणजे इस्राएल ता थोडो कोम एणारा तेजाह किंवा उजालाह नाय देखी 14पुण तान मोन केठीन एय गीयो, काहाकाय आजवोर जुनो वाचा वाचातालून आपणो हृदयावर तोच पडदु पोडीन रेणे, मसीहा माय जीव उठणे. 15आज ताहवोर जेहीकाय केध्दीह मुसान पुस्तक वोचील जाथू, तर तान हृदयावर पडदु पोडीन रेणे. 16पुण जेहीकाय केध्दीह तान मोन प्रभु उगे फिरणार, तेवी पडदु फाड्ल्यो जाहो. 17प्रभु तर आत्मा हि: एने जाहारी कां प्रभुन आत्मा हि ताहारी स्वतंत्रता हि. 18पुण जेहीकाय आमु सोबान उघडाविल आखापूर प्रभुन वैभव ज्यानप्रमाणे प्रकट एतो, ज्यपुररीन आरशात, तो प्रभुन द्वारे जो आत्मा हि आमु तान तेजस्वी रुपाम अंश अंश केरीन बदलील जातेह.

Currently Selected:

2 कुरिन्थियो 3: NLXNT

Highlight

Copy

Compare