2 कुरिन्थियो 10
10
पौलुसानअधिकार
1मी तोच पौलुस जो तुमरीओगाण नम्र हि पुण पासाण तुमरीफाय हिमंत करने, कि तुमूह मसीहान नम्रता एने समस्यामुळ होमजाडणु. 2मी हि विनंती करने कि तुमरीओगाण माहु केठीन एईन हिमंत केरणे पोडहुं नाहा, जोहलो मी काही माणहांपोर जे आमूह शरीराप्रमाणे चालणारे होमोजणु, हिमंत देखाडील विचार करने. 3काहाकाय जर आमु शरीरा माय चलील, फिरणे, तेभी शरीरानहोस लेडानेह नाहं. 4काहाकाय आमरा भानगडीइ हत्यार शरीरिक नाहं, पुण किल्ले पाडीन टाकणे केरता बोगवानान द्वारे सामर्थी हेते. 5तान वजेसे आमु फुसील एने प्रत्येक वातू, जे बोगवानान ओलखीनाऱ्या विरोधामाय उबरीयेल रेणेन, ताह टूगंवालीत आपथु; एने प्रत्येक विचारांना बंदी केरीन मसीहान आज्ञाकारी बनावथू, 6एने तियार रेणे कि जेहीकाय तुमरो आज्ञा पोहणे पुरो एईन जाहू, तर प्रत्येक प्रकारान आज्ञा बागेज शिक्षा केरावी.
7तुमूह तान वातूह देखू, ज्या डोलान ओगाण हि. जर कोणीही स्वताह उपेर विश्वास हि कि मी मसीहान हि, ताह पुण मालूम जुवी कि तोहोलोज तो मसीहान हि तोहोलोच आमु पुण हि. 8काहाकाय जर आमु ता अधिकारा विषयी उंजू गर्व देखाळाणार, जो प्रभुन तुमरो बिगडाविला नाहं बोनावीलाकेरिन आपील हि तर लाजवालो नाहं. 9हे तुमूह तान केरता किथे कि पत्राहेर्यो तुमूह बिवाडानार मी एहू नाहा. 10काहाकाय ते केणु, “तान पत्र तर कठीण एने जोरदार हि; पुण जेहीकाय तो ओगाण एतो, तर तो शरीर आखठा माय वाला दुर्बळ एने तान व्यक्तव्य फोवरो लागीह.” 11जो इही किथे, ताह मालूम एय कि इही आमरा पासाण आमरा पत्राम आमरा वचने हेते, तोहोलोच तुम्राओगाण आमरा काम पुण एती. 12काहाकाय आमूह ओलिक हिमंत नाहं कि आमु स्वताह ला ओहला माणहाहे-यो गेनील जाहू केव्ही ताहेऱ्यो आपुहू मिलावणेन, जा स्वताहन प्रशंसा स्वताह केरणू, एने स्वताह आपसामाय मापासे तोलीत एक दिहरा मिलिन मूर्ख ठरिनील्यु.
13आमु जर बाडारी बाहेर गर्व कोनारू नाहं तर, पुण यता हिवाजागे जी बोगवानान आमरे केरता ठरिनिले हि, एने तामाय तुमूह पुण आवीन गीया हेते, एने ताणुच प्रमाणे गर्व पुण केरुहू. 14काहाकाय आमु आपणो बाडारी बाहेर स्वताह वाड्विनार ईच्छा केरतीन नाहं, जोहलो कि तुमाजागेजा पोचाड्नारो अवस्थामाय रेणा हि, पुण मसीहान सुवार्ता होमेललतालु येतो तुमाजागेजा पोचाडीन गीया हि. 15आमु बाडारी बाहेर दिहरान कष्टापुर गर्व केरतीन नाहं; पुण आमूह आशा हि कि जोहलो-जोहलो तुमरो विश्वास वोदीह जाहो तोहोलो-तोहोलो आमु आपणो बाडारी अनुसार तुममुळे उंजू वोदनेन जाहू, 16म्हणजे आमु तुमरो बाडारी ओगाण जाइन सुवार्ता होमलणार, एने इही नाहं कि आमु दिहीरा सिमेमाय बनवल्या कामापुर गर्व केरुहू. 17पुण जो गर्व केरुहू, तास प्रभु पुर गर्व केरणू. 18काहाकाय जो आपणी प्रशंसा करने तो नाहं, पुण तान प्रशंसा प्रभु करने, तो ग्रहण केराय जाथी.
Currently Selected:
2 कुरिन्थियो 10: NLXNT
Highlight
Copy
Compare
Share
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
