Salmos 150
150
Halbeyel yutsil sc'oblal Dios soc a'tejibaletic yu'un c'ayoj
1¡Aleluya!
Halbeyahic yutsil sc'oblal te Dios
ta ch'ul awilal yu'un;
halbeyahic yutsil sc'oblal
ta smuc'ul sjamalil ch'ulchan yu'un.
2Halbeyahic yutsil sc'oblal
yu'un te bintic muc' spasoj ta yu'el;
halbeyahic yutsil sc'oblal
yu'un te c'ax muc' stuquel.
3Halbeyahic yutsil sc'oblal
ta scuenta sc'op corneta,
halbeyahic yutsil sc'oblal
soc arpa soc lira.
4Halbeyahic yutsil sc'oblal
soc pandero soc ahc'ot;
halbeyahic yutsil sc'oblal soc amayetic
soc músicahetic te yich'oj cuerdahetic.
5Halbeyahic yutsil sc'oblal
soc tulan sc'op platillohetic,
halbeyahic yutsil sc'oblal
soc platillohetic te tulan ya xc'opojique.
6¡Spisil te bintic ya yich'ic ic',
halbeyahic yutsil sc'oblal te Jehová!
¡Aleluya!
Currently Selected:
Salmos 150: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.