Salmos 149
149
Ac'a yalbe yutsil sc'oblal Jehová te Israel
1¡Aleluya!
C'ayojtaybeyahic yach'il c'ayoj te Jehová;
halbeyahic yutsil sc'oblal
ta tsoblej yu'un te mach'atic ch'ultesbilique.
2Tse'eluc me yo'tan Israel
ta stojol te Jpaswanej yu'une;
te snich'nab Sión
tse'eluc me yo'tanic ta stojol te Ajwalil yu'unique.
3Halbeyahic yutsil sc'oblal ta scuenta ahc'ot,
c'ayojtayahic soc pandero soc arpa,
4como te Jehová ya smulan
te pueblo yu'une;
ya ya'be ya'iyic tsalaw
te mach'atic peq'uel yo'tanic,
ha sch'ahlelic c'oht yu'un.
5Tse'eluc me yo'tanic yu'un te tsalaw la ya'iyic
te mach'atic ch'uhltesbilic,
ac'a c'ayojinuc ta swayibic.
6Ac'a yalbeyic yutsil sc'oblal Dios ta yehic,
soc ayuc ta sc'abic
espada te scha'bunjehchel ay ye,
7scuenta ya'beyel spacol ta stojol te nacionetic
soc ya'beyel castigo te pueblohetic,
8scuenta schucticlanel ta cadena te ajwaliletic yu'unic,
soc ta cadenahetic pasbil ta taq'uin
te mach'atic ich'bilic ta muc';
9scuenta yu'un hich ya xc'oht ta pasel a
te castigo chapal ta stojolique.
Ha yutsilalic ini spisil te mach'atic ch'uhltesbilic.
¡Aleluya!
Currently Selected:
Salmos 149: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.