Proverbios 31
31
C'opetic yu'un Lemuel
1Te c'opetic yu'un te ajwalil Lemuel, te sc'op-jalwanej te nohptesot yu'un te snane:
2Cal, te chicnajemat ta jch'uht,
te ha'at suhtibat jc'op te la jcal ta jamal ta stojol Dios,
3ma me xalajin awip ta scuenta antsetic,
ta scuenta te mach'atic ya sjinic ajwaliletic.
4Ma ha'uc yu'un ajwaliletic, Lemuel,
ma ha'uc yu'un ajwaliletic
te ya yuch'ic vino,
ma ha'uc yu'un príncipaletic
te ya sc'anic bin pajubtesbil;
5yu'un ya xch'ay ta yo'tanic
te ley teme yuch'ojique,
hich ma stojiluc ya schahpanic
te mach'atic ayic ta uts'inel.
6A'beya yuch' bin pajubtesbil te mach'a chamelix,
a'beya vino te mach'a pich'il yo'tan;
7ac'a yuch'ic scuenta yu'un
ya xch'ay ta yo'tanic a te spobrehilic,
yu'un ma sna'ic te swocolique.
8C'opojan yu'un te mach'atic
ma xhu' yu'unic ya xc'opojic,
yu'un te mach'atic ma xhu' scoltaybel sbahique.
9C'opojan, chahpana ta stojil;
coltaya te pobre soc te mach'a mayuc bin ay yu'un.
Yalbeyel yutsil sc'oblal lequil ants
10¿Mach'a ya xhu' ya sta ta lehel lequil ants?
C'ax hich sc'oblal a te bin ut'il t'ujbil tonetic.
11Te smamalal ay smuc'ul yo'tan ta stojol,
soc mayuc bin ma sta ta lehel.
12Te ants ya ya'be te bin lec,
ma ha'uc te bin ma lecuc,
ta spisil scuxlejal.
13Ya sle stsotsel tuminchij soc lino,
soc tse'el yo'tan ya spas ya'tel ta sc'ab.
14Hich ay te bin ut'il barco yu'un jmambajel,
ya yich' tal ta namal te we'elil yu'une.
15Ihc' to a ya xhahch,
ya yac'ticlambe swe'elic te mach'atic ay yu'un
soc ya ya'be swe'el te criadahetic yu'une.
16Ya stsahtaybe stojol te q'uinal, soc ya sman;
ta scuenta stojol ya'tel ya sts'un sts'usubil.
17Ya schuc sch'uht ta lec,
ay yip a ya xbaht ta a'tel.
18Ya yil teme lec ta bahel te chombajel yu'une;
ma xtup' stsumbil c'ahc' yu'un ta ahc'abal.
19Ha nix ta sc'ab ya ya'iy nahujel,
soc ha nix ta sc'ab ya ya'iy jalab.
20Ya sjam sc'ab ta stojol te pobre,
ya shach sc'ab ta stojol
te mach'atic mayuc bin ay yu'unic.
21Ma smel yo'tan yu'un te mach'atic ay yu'un
te c'alal ya xtal me'sic,
como spisilic ay lec sc'u'ic.
22Ya spas sehnil swayib,
ha sc'u'inej lino fino soc chi'in-yaxal pac'.
23Te smamalal na'bil sba
ta yochibal te pueblo,
c'alal ya shuhcan sba
soc te mamaletic yu'un te q'uinale.
24Ya spasticlan paq'uetic
soc ya schonticlan,
soc ya schombe schuhquil sch'uhtic
te jchombajeletique.
25Sc'u'inej yip soc ich'el ta cuenta;
soc ya stse'ejin yu'un te bin talel yac.
26Ay sp'ijil yo'tan ya xc'opoj,
soc yutsil yo'tan ya xnohpteswan.
27Ya yil teme lec chapal
te mach'atic ay yu'un ta sna,
ma ba ya swe' te pan yu'un ch'ajilal.
28Te yalatac ya xhahch yalbeyic yutsil sc'oblal;
ha nix hich te smamalal ya yalbe yutsil sc'oblal:
29Ay bayel antsetic te lec bin ya spasic,
pero c'ax hichat a te ha'ate, xchi.
30Ya xlo'loywan te bin mulantic sba yilel,
soc c'axel nax te st'ujbilal,
pero te ants te ya xi' te Jehová,
ha me lec sc'oblal stuquel.
31¡A'beya stojol te sc'ab,
soc ac'a yich' halbeyel yutsil sc'oblal ya'tel
ta yochibal te pueblo!
Currently Selected:
Proverbios 31: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.