Oseas 3
3
Oseas soc te j'antsinel ants
1Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi. 2Ha yu'un la jman te ants ta ho'lajuneb (15) ta sehp plata soc j'ohlil scheb homer#3.2 330 litros cebada. 3Hich la jcalbe: Cu'un ya xc'ohat bayel c'ahc'al; ma me xawac' aba ta antsinel, ma me xawac' aba ta stojol yan winic, ha nix hich ya jpas ta atojol, xchihon.
4Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic. 5Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.
Biblia Tzeltal Bachajon © Sociedad Bíblica de México, A.C., 2006.