Ezequiel 2
2
Ic'ot ta a'tel Ezequiel
1Hich la yalbon: Snich'anat winic,#2.1 snich'an winic: Ha nax ya sc'an ya yal te ha winic (ser humano). Hich ay ta spisil te Ezequiel. tehc'ana aba, ay bin ya calbat, xchi. 2C'alal la sc'oponon, och ta co'tan te espíritu, la yac' tehc'ajucon; la jca'iy te mach'a yac sc'opombelon. 3Hich la yalbon: Snich'anat winic, ya jticonat bahel ta stojol te snich'nab Israel, ta stojol te toyba nación te stoyoj sba ta jtojole. Ha'ic soc te sme'static ta cajalcaj stoyoj sbahic ta jtojol c'alal ora. 4Ya jticonat bahel ta stojol te mach'atic tulan sit yelawic soc tulan yo'tanic, hich me xawalbe ta tulan: Hich yaloj te Cajwaltic Jehová, xchihat. 5Teme ya ya'iybat ac'op o teme ma ba ya ya'iybat ac'op, (como ha toyba pueblo), ya me sna'ic te ay jtuhl jalwanej ta yohlilic. 6Pero ha'at snich'anat winic, ma xaxi' soc ma xaxi'be te sc'opique. Aunque ayat ta yohlil ch'ixiletic soc ch'ix, soc aunque nahinemat ta yohlil tsequetic, ma xaxi' te bin ya yalbat soc ma xiwat ta stojolic, como ha toyba pueblo. 7Ya me awalbe ya'iyic te jc'ope, chican teme ya ya'iyic o teme ma sc'an ya ya'iyic, como mero stoyoj sbahic. 8Pero ha'at, snich'anat winic, a'iya awa'iy ta lec te bin ya calbate; ma me xatoy aba hich te bin ut'il te pueblo te stoyoj sbahe; jama awe, we'an te bin ya ca'bat awe'e, xchi.
9Hich la jquil jun c'abal te yac'oj talel ta jtojol, stsacoj jun balbil hun. 10La slim ta jtojol, ts'ihbabil ta jehch ta jehch. Tey ts'ihbabil a te sc'op oq'uel, mel-o'tan soc wocoletic.
Currently Selected:
Ezequiel 2: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.