Éxodo 16
16
Dios la yac' maná
1Loq'uic bahel ta Elim spisil te pueblo yu'un te snich'nab Israel, c'ohtic ta jochol taquin q'uinal Sin te ohlil yu'un Elim soc Sinaí; jun u soc ho'lajuneb (15) c'ahc'al sloq'uelic tal ta sq'uinal Egipto a. 2Tey ta jochol taquin q'uinal spisil te pueblo yu'un te snich'nab Israel hahch stijic ta c'op te Moisés soc Aarón, 3hich la yalic: ¡Ha lec te lajucotic ta sc'ab Jehová ta sq'uinal Egipto te c'alal la juhcan jbahcotic ta sts'ehl te yoxomal ti'bal, te c'alal la jwe'cotic pan ha to c'alal noj jch'uhtcotic! Pero la awic'otcotic loq'uel tal ta jochol taquin q'uinal yu'un yac amilic ta wi'nal spisil te pueblo ini, la yutic.
4Ha yu'un te Jehová hich la yalbe te Moisés: Ilawil, ya ca'beyex tal pan ta ch'ulchan. Ya xloq'uic ta stamel jujun c'ahc'al te hich yipal ya xtuhun yu'unic ta jujun c'ahc'al. Tey ya quil a teme ya sch'uhumbonic jmandar o teme ma'uque. 5Yan ta swaquebal c'ahc'al ya stsobic scuenta cheb c'ahc'al, xchi.
6Ha yu'un te Moisés soc Aarón hich la yalbeyic spisil te snich'nab Israel: Ta xtibiltay ya me ana'ic te ha te Jehová te la sloq'uesex tal ta sq'uinal Egipto, 7soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.
8La yal xan te Moisés: Te Jehová ya ya'beyex awe'ic ti'bal ta xtibiltay, soc ta sab ya ya'beyex pan te ya xnoj ach'uhtic yu'un; como te Jehová la ya'iybeyex atijawic ta c'op ta scontrahinel. Yan te ho'otcotic ¿Mach'a yac acuyotcotic a? Ma ba ho'otcotic te yac atijotcotic ta c'op, ha yaquex ta stijel ta c'op te Jehová, xchi.
9Te Moisés la yalbe te Aarón: Halbeya spisil te pueblo yu'un te snich'nab Israel: Nohpojanic tal ta stojol Jehová, yu'un la ya'iybeyex atijawic ta c'op, xchi.
10C'alal yac to ta c'op a te Aarón ta stojol spisil te pueblo yu'un te snich'nab Israel, la yilic bahel ta jochol taquin q'uinal, chicnaj te yutsilal Jehová ta tocal. 11Te Jehová la yalbe te Moisés: 12La jca'iybe te stijawic ta c'op te snich'nab Israel. Halbeya: Ta tibiltic ya me awe'ic ti'bal, soc ta sab ya me xnoj ach'uhtic ta pan; hich me yac ana'ic a te ho'on Jehovahon te Dioson awu'unic, xchi.
13Ta tibiltic tal xcuhch'inetic, noj yu'unic te campamento; soc ta sab yahl ts'ujul ta sjoyobal te campamento. 14C'alal taquij te ts'ujul, ay bin limil hilel ta sba te jochol taquin q'uinal, tut sepajtic, hich yilel te bin ut'il me'sic. 15C'alal la yilic te snich'nab Israel la yalbe sbahic: ¿Bin a ini?#16.15 ¿Bin a ini?: man-hu, xchi ta hebreo. Tey talem a te maná, te xchihe. xchihic, como ma ba la sna'ic bin a.
Te Moisés hich la yalbe: Ha te pan te ya ya'beyex awe'ic te Jehová. 16Ha mandaril ini te la yal te Jehová: Tamahic hich yipal te ya xhu' yac awe'ic ta tuhlultuhl; jun gomer#16.16 2 litros; hich nix ta vs. 18,32,33 soc 36. scuenta jujutuhl, chican te jaytuhl ay awu'unic ta anahilpaq'uic, xchi.
17Hich la spasic te snich'nab Israel; ay mach'atic bayel la stamic, ay mach'atic jteb nax la stamic. 18La sp'isic ta gomer, te mach'a bayel la stam, ma ba la spas sobra, soc te mach'a jteb nax la stam, ma ba la spas falta. Jujutuhl la stamic hich yipal te ya swe'ique.
19Hich la yal te Moisés: Ma me ayuc mach'a ay bin ya yihquitay yu'un pajel, xchi.
20Pero ma ba la sch'uhunic te bin la yal te Moisés; ay mach'atic la yihquitayic hilel yu'un yan c'ahc'al; pero tohc schanul soc tuhub. Hich ilin yu'un te Moisés ta stojolic.
21Ta jujun sacubel q'uinal jujutuhl la stamic hich yipal te ya swe'ique; c'alal q'uixnaj tal te c'ahc'al, uhl bahel. 22Ta swaquebal c'ahc'al la stamic scuenta cheb c'ahc'al, cheb gomer yu'un te jujutuhle. Spisil te príncipaletic yu'un te pueblo hich tal yalbeyic ya'iy te Moisés. 23Hich halbotic yu'un te Moisés: Hich ay te bin yaloj te Jehová: Pajel ha'ix te sc'ahc'alel cux-o'tan te ch'ultesbil yu'un Jehová. Te bin ya sc'an yac apayic, payahic yo'tic, soc te bin ya sc'an yac abulantes, bulantesahic; soc spisil te bintic ya spas sobra, q'uejahic yu'un pajel, xchi.
24Hich la sq'uejic yu'un pajel, hich te bin ut'il la yal ta mandar te Moisés; ma ba tuhub soc ma ba tohc schanul. 25Hich la yal te Moisés: We'anic yo'tic, como ha sc'ahc'alel cux-o'tan yu'un Jehová; mayuc bin yac atahiquix ta lumq'uinal. 26Waqueb nax c'ahc'al yac atamic; yan te shuquebal c'ahc'al ha sc'ahc'alel cux-o'tan, mayuc bin yac atahic a, xchi.
27Pero ay mach'atic loq'uic ta stamel ta shuquebal c'ahc'al, pero mayuc bin la stahic. 28Te Jehová hich la yalbe te Moisés: ¿Bin to ora yac ach'uhumbonic te mandariletic cu'un? 29Ilawil, te Jehová la ya'beyex te sc'ahc'alel cux-o'tan, ha scuentahil ta swaquebal c'ahc'al ya ya'beyex pan scuenta cheb c'ahc'al. Ta shuquebal c'ahc'al jujutuhl ac'a ayinuc te banti ay, ma me ayuc mach'a ya xloc' bahel tey a, xchi.
30Hich te pueblo la scux yo'tan ta shuquebal c'ahc'al.
31Te pueblo Israel la ya'beyic sbihilin maná.#16.31 Ilawil nota ta vs. 15. Hich sacal te bin ut'il sbac' culanta soc hich sbuhts' te bin ut'il jayal pan pasbil soc chab.
32Hich la yal te Moisés: Ha smandar Jehová ini: Nojesahic ta maná jun gomer, q'uejahic yu'un te patil al-nich'anetic awu'unic, scuenta yu'un ya xhu' ya yilic te pan la jca'beyex awe'ic ta jochol taquin q'uinal te c'alal la jloq'uesex tal ta sq'uinal Egipto, xchi.
33Te Moisés la yalbe te Aarón: Ich'a junuc oxom, otsesa jun gomer maná tey a, ac'a ta stojol Jehová, yu'un ya yich' q'uejel yu'un te patil al-nich'anetic awu'unique, xchi.
34Te Aarón la yac' ta stojol te Testigo-c'op yu'un ya yich' q'uejel, hich te bin ut'il halbot yu'un Jehová te Moisés.
35Hich te snich'nab Israel la swe'ic maná cha'winic ha'bil ha to c'alal c'ohtic ta q'uinal te ay yajwal; la swe'ic maná ha to c'alal c'ohtic ta sti'il sq'uinal Canaán.
36(Te jun gomer ha jun ta slajunebal jun efa.)#16.36 22 litros
Currently Selected:
Éxodo 16: TZH
Highlight
Copy
Compare
Share
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
