Éxodo 11
11
Ya yich' halel te ya xcham ba-alaletic
1Te Jehová la yalbe te Moisés: Ya cac' tal jun xan castigo ta stojol faraón soc Egipto, ha to ya yaq'uex bahel a; ya stenex loq'uel soc spisil bintic ay awu'unic. 2Halbeya te pueblo, te jujutuhl ac'a sc'ambe spat-xuhc te bintic ay yu'unic te pasbil ta oro soc ta plata, xchi.
3Te Jehová la yac' te lec sc'oblal c'oht te pueblo ta stojol te egipciohetique. Soc te Moisés bayel sc'oblal c'oht ta sq'uinal Egipto, ta stojol te a'batetic yu'un faraón soc ta stojol te pueblo.
4La yal te Moisés: Hich yaloj te Jehová: Ta ohlil ahc'abal ya xc'axon ta yohlil te Egipto, 5ya xcham spisil ba-alaletic ta sq'uinal Egipto, ha te sba-nich'an faraón te hucul ta smuc'ul huctajib c'alal ta sba-al te a'bat te ya x'a'tej ta cha', soc spisil te sba-al te chambahlametique. 6Ya me xhahch tulan oq'uel ta spahmal sq'uinal Egipto te mayuc hich c'axem ta pasel ta nahilal o ta patil. 7Pero ta stojol te snich'nab israel mayuc jcohtuc ts'i' te ya swohwoy jtuhluc winic o jcohtuc chambahlam, scuenta yu'un yac ana'ic te ta yo'tan Jehová ma pajaluc sc'oblal soc te snich'nab Israel te egipciohetique, xchi. 8Spisil te a'batetic awu'un ya me xtal squejan sbahic ta jtojol, hich me ya yalbonic: Bahan me, ha'at soc spisil te pueblo te ay ta acuenta, ya me yutonic. Patil ya xloc'on bahel, xchi. Hich bayel ilinem a loc' bahel ta stojol faraón te Moisés.
9Te Jehová la yalbe te Moisés: Ma ba ya ya'iybeyex ac'opic te faraón, scuenta yu'un hich ya xp'ohl xan a te jchahp a'teliletic cu'un ta sq'uinal Egipto, xchi.
10Te Moisés soc Aarón la spasic ta stojol faraón spisil te jchahp a'teliletic ini, pero te Jehová la stulanubtesbe yo'tan te faraón, hich ma ba la yac' loq'uel te snich'nab Israel ta slumal.
Currently Selected:
Éxodo 11: TZH
Highlight
Copy
Compare
Share
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
