چھاگلاسگون 22
22
1”یہُودی پے فونو تانگ اُسکیونگ گُون، نگا سکیون کالکھانگونلا نگے لانتانگچیسچانبو نیونشیگ۔“ 2میتشوگسّی کھونگی عِبرانی سکادّی نانّگا مولّا تشورّاچیگ، کھونگون مانّگا چوبچادس۔
تینے حضرت پولُسی مولس، 3”نگا کِلِکیہ یولجونگسّی تَرسُس گیالسا سکیسکھانّی یہُودی پاجیگ این، اِین نانگ اینّا گیالسے نانّگا لوبپون گملی ایل نے نگا لوبجونگ تھوبتے این۔ کھونگی لوبٹوگس اینپا نگا یہُودیہ پے چھوسٹھیمس تانگ لوگسثول گُون ثونگچیسّی لوبجونگ گیالّا تھوب۔ خُدا نگے سنینگی تھیلنے چیسپا چوسکھانبو لاگلینلا کھیونگسپین، کازوگ دیرینگ کھیوجا تشانگمے چوین اینوگ۔ 4نگے مسیح لامیکا ڈولکھانگونلا ناگس ثانٹے ستانپین یانگ کھاچیگ شیانگ شی۔ بُوژا اینڈو یا بومو نگے تشانگما زومستے تسونکھانّگا کاگسپین۔ 5تیبوے گواہ اِمامِ اعظم تانگ ژوکسپے اُسکیونگ تشانگما این۔ کھونگونی چھوگسنے دمِشق گی ژوکسپے لاس چوکھان ٹوپاگونلا، نگا وانگچھا تانگکھانّی ایگے کھورتے، مسیح کا ایمان چوکھانگون تاگستے یروشالیمّا چھادپا چادچیسلا کھیونگچیسّی پھیا سونگپین۔“
6”نیینگّونگ زامشیگّا، نگا دمِشق گی نیموا لیبّاچیگ، ہونمیدلا نامکھانے اودّی زیر ٹاگپوجیگ بابستے نگا سکور تانگس۔ 7نگا سیکا گیل، یانگ نگا سونگسکادچیگ تشور، ’ساؤل لے ساؤل؛ کھیرانگی نگا چیا ناگس ستانّاد‘۔“
8”نگے ٹیسپین، ’مسیح نیرانگ سو جُوگستے این‘۔“
”کھونگی مولّاراگ، ’نگا کھیرانگی ناگس ستانکھان حضرت عیسیٰ سی ناصرة پا این۔‘ 9نگے ٹوپاگونّی تے اوت پو تھونگ، اِین نانگ کھونگونی نگا مولکھانّی سکادپو ہاماگو۔“
10”نگے ٹیسپین، ’کی اے مسیح نگے چی چو‘۔“
”مسیح نگا مولّاراگ، ’لونگس، دمِشق گا سونگ، تیرو کھیورانّگا چی چوگوشیس تشانگما شادین۔‘ 11نگے ٹوپاگونّی نگا لاگپا تھامستے دمِشق گا ٹھیدتے کھیرس چیازیرنا اودّی لدانگس ٹاگپوے، نگے میگپو جار چوگس۔“
12”تیرو حننیاہ جوکھانّی میجیگ نگا ستالا یونگس۔ کھونگ خُدے سچودلامیکا ڈولکھان تانگ شریعت گُون ثونگکھان، یانگ تیرو دوگکھانّی یہُودی پاگونّی کھونّگا ما سیوا چوادپین۔ 13کھونگ نگے لدُونلا یونگستے مولّاراگ، ’لے فونو ساؤل، کھیورانّگا یانگسکیار تھونگشیگ‘ تینّامالّا نگا کھونگ تھونگ تُھوب۔“
14”تینے کھونگی مولس، ’نگاتانگی اتا اپو ے خُدے کھیورانّگا کھونگی تھوگّونگس شیس شیس، ٹانگپو اینکھانبو جالچیس تانگ کھونگی جالتا تشورچیسلا لدامّا زادتے این۔ 15کھیرانگی تشانگمالا کھیورانّگا تھونگکھان تانگ تشورکھان گُونی گواہ تانگین۔ 16تا چی پھیا ثونگستے این، لانگستے غوتا لین یانگ رانگی دِیگپاگون سیلچیسلا حضرت عیسیٰ مسیحادُعا چوس‘۔“
17”نگا یروشالیمّا لوگستے یونگستے ستینگنے بیت المقدِس سی نانّگا دُعا چوزانے، نگے ژالزیگسشیگ تھونگ۔ 18تینانّگا مسیح نگا مولّاراگ، ’گیوگسپا چوس، یروشالیم نے داگسارانگ بینگتے سونگ، چیازیرنا کھیرانگی نگے سکورلا گواہ تانگچیسپوا ای میگونّی مینیان‘۔“
19”نگے مسیحا زیرپین، ’کیے مسیح نگے مجلِس تشانگمے نانگنے نیرانّگا ایمان چوکھانگون زومستے تسونلا کاگستے ردونگکھانبو ای میگونلا گیوسیود۔ 20یانگ نیرانگی گواہ تانگکھان حضرت ستِفنُس ساد زانے نگارانگ تیرو کھونگ سادکھانگونّی کوسلاک گُون ثونگین کھونگونی چوکھانّی لاسپوے نانّگا نگانگ کھاچھامستے این۔‘ “
21”تینے مسیح نگا مولس، ’سونگ نگے کھیرانگ تھاگرینّگا یہُودی مانکھان گُونی ٹوا کالین‘۔“
22تے سپیرابو زیرزیر تشوگپا میتشوگس گانگپو حضرت پولُسی ژالتاگون ژیبچا نیامپو نیانتے دُوگس۔ تیبو تشورّاچیگ، کھونگونی کُوچو تانگین زیرس، ”ای میبو دُنیائی کانے میدکھان چوس۔ کھو سونتے دوگچیسّی اوسپا میدوگ۔“
23میگونّی چھادمیدلا کُوچو تانگین رانگرانگی کھاتھوگی کوسگون پھودتے پھانگس، یانگ لاگپے نانّگا تھالبا کھورتے یوگس۔
حضرت پولُس رومپا اینکھان سنگونچوگس۔
24ماگستونگی سپونبوے حضرت پولُس کیلے نانّگا کھیرچیسلا کا تانگس، یانگ ستالچاگ گیابتے میگونّی چیپھیا کھوے گیابگالّا کُوچو تانگستے اینوگ تیبو گیُوس چوچیسلا زیرس۔ 25ستالچاگ گیابچیسلا کھونگونی حضرت پولُسی کانگلاگ چینّگاچیگ، لدُونلا یودکھانّی ماگی سپونبوجیگّا حضرت پولُسی مولس، ”رومپا جیگّا کھوے سکیون گیُوس ماچوا ستالچاگ گیابچیسپو ا اوسپا اینّوگا؟“
26تیبو تشورّاچیگ، کھو ماگستونگی سپونبویکا سونگتے زیرس، ”نیرانگی چی زادتے این؟ ای میبو رومپا اینوگ۔“
27ماگستونگی سپونبو یونگستے حضرت پولُس لا ٹیس، ”نگا شودّانگ، کھیرانگ رومپا اینّا؟“
کھونگی مولس، ”نگا این۔“
28ماگستونگی سپونبوے زیرس، ”رومپا گیورچیسلا نگے پینے مانگپو تانگسپین۔“
حضرت پولُسی مولس، ”نگا سکیے زانے رومپا اینپین۔“
29حضرت پولُس لا ٹیسو تانگچیسلا دُوگستے یودکھانگون، تینّامالّا بینگتے سونگ۔ رومپا اینکھانّی حضرت پولُس لچاگتھاگا تاگچیسلا کا تانگسچیسپو نورتے اینکھان ہاگواچیگ، ماگستونگی سپونبو ثانٹے جیگس۔
30ستینگماجاگپو ماگستونگی سپونبوے یہُودی پاگونّی حضرت پولُس لا سکیون چیا کالتے اینوگ گیُوس چوچیسلا یہُودی پے ژوکسپے تھوسمیگون تانگ اِمام کُنی چھونمو گون بودتے کھیونگس۔ تینے کھوے حضرت پولُس کھیونگچوگستے کھونگونی لدُونلا لانگستے دوگچوگس۔
Currently Selected:
چھاگلاسگون 22: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
