چھاگلاسگون 13

برنباس تانگ حضرت ساؤل چھوس شادچیسلا سکوا زادس۔

1انطاؔکِیہ گیالساے عبادت خانہے نانّگا پیغمبر تانگ لوبپون گُون یودپین، کھونگونی ٹوا برنباس، شیمیون می ناگپو زیرکھان، کیرین پا لوکیوس، مناہیم (گیالپو ہیرودِیس نیامپو لدانکھان) تانگ حضرت ساؤل یودپین۔ 2کھونگون روزا دُوگستے مسیحا چولین یود زانے ہلژخمہ رُوح بوے کھونگونلا مولس، ”نگے بودکھانّی لاس چوچیسلا برنباس تانگ ساؤل نیسکو سکوس۔“ 3کھونگون روزا دُوگس یانگ دُعا جوستے کھونگ نییسکویکا لاگپا بورتے کھونگون لامچوگا زادس۔

کُپُرؔس لا چھوس شادس۔

4ہلژخمہ رُوح گیُودتے لامچوگا زادکھانّی برنباس تانگ حضرت ساؤل سیلوکییا زیرسا لیب یانگ تیکانے کھونگون ٹُھوزینگا ژونتے کُپُرؔس زیرسا سکیودس۔ 5کھونگون سالامیسلا لیبّاچیگ، تیرو یہُودی پے مجلِس گُونی نانّگا خُدے حُکم شادس۔ حضرت یُوؔحنّا ٰ مرقُس کھونگون نیامپو روگس چوالا یونگستے یودپین۔

6کھونگون تے تشولینگی#13‏:6 تشولینگ نی تشوے ژونّگا چھاگستے یودکھانّی ساکیادلا زیرّانوگ۔ ، ڈونگکھیرنے ڈونگکھیر گیُودتے پافُس زیرسا لیب۔ تیرو کھونگونلا یہُودی پے پیغمبر زُوسما، باریشو زیرکھانّی جادُو چوکھانبو تھوگ۔ 7کھو تے یولّی کالون سیرگیوس حضرت پولُسی یوگا لاس چوکھانجیگ اینپین۔ تے ریگپاچان کالونبوے، برنباس تانگ حضرت ساؤل بودتے کھیونگس، چیازیرنا کھوا خُدے حُکم نیانچیسّی دودپا یودپین۔ 8اِین نانگ ایلیماس (یُونانی سکادّی نانّگا جادُو چوکھانلا زیرّانوگ) کھوے کھونگونی گیابگال چوستے کالون سیرگیوسلا ایمان چوچیسنے گھاگچیسّی سونڈوس چوس۔

9تینے ساؤل کابوا پولُس سانگ جوادپین، ہلژخمہ رُوح بوے گنگستے جادُو چوکھانبوا میگ گیانگستے ستاس یانگ مولس، 10”وا، ردودگونّی گوبے اولاد تانگ ٹانگپوے ڈاو ، کھیرانگی نانّگا گوبسکورچیس تانگ نگانسیمس تشانگما گنگستے دوگ۔ کھیرانگی مسیح لام ٹانگپو نگانپا اینوگ زیرچیسپو میپھانّگا؟ 11تا ستوس، خُدے چھاگ کھیرانگی گیابگالّا این۔ کھیرانگ جارا گیورتے توسبانشیگ نییما میتُھونگ“ مولپا، تینّامالّا کھوے لدُونلا مونڈیگ سونگ، یانگ سوجیگی کھوا لاگپا تھامستے کھیرچیسلا کھوے ینگو انگوا مونّیوگ تانگس۔

12کالونّی چونگکھانبو تھونگتے حضرت عیسیٰ سی یکا ایمان چوس، چیازیرنا حضرت عیسیٰ مسیح سکورلا لابجاگون تشورتے کھو ہالاس۔

پیسیدیا یولّی گیالسا انطاؔکِیہ ۔

13تینے پافُس گیالسانے حضرت پولُس کھونگی ٹوپاگون نیامپو ٹُھوزینگا جونتے پمفیلیہ یولّی نانّگا یودکھانّی پیرگا زیرسے ناسّا لیب۔ تیرو حضرت پولُس تانگ برنباس گُون بورتے حضرت یُوؔحنّا ٰ مرقُس یروشالیمّا لوگستے سونگ، 14اِین نانگ حضرت پولُس تانگ برنباس پیرگانے بینگتے پیسیدیا زیرسے یولّی انطاؔکِیہ گیالسا سکیودس۔

شابّادّی آرام چوچیسی جاگّا یہُودی پے مجلِس لا سکیودتے سیکا جوگس۔ 15یانگ شریعت تانگ پیغمبری شوقبُو گُون سیل تشارّاچیگ، یہُودی پے عبادت خانہے اُسکیونگونی کھونگ نییسکوا زیرس، ” فونو گون، کالتیس کھیوجاگونّی میتشوگسلا سپوسپے کا شادچیس یودنا شادّا زاد۔“

16تینے حضرت پولُس جانگستے یانگ لاگپا نیامپو سپیرا میتانگچیسلا ستاگس چوین مولس، ”بنی اِسرائیل پاگون تانگ خُدے جیگس تانگ سیوے نانّگا میتشے پھودکھانّی یہُودی مانکھان گُون نگے سپیرا نیونشیگ۔ 17بنی اِسرائیل پے چولکھانّی خُدے نگاتانگی اتا اپو گون لدامّا زادس۔ مصر یولّی نانّگا یود زانے، کھونگونی ٹانگسکا گیاستے کھیودچان گیور، یانگ تے یولنے ستوبسچان خُدے کھونگون پھینگستے کھیونگا زادس۔ 18ریستونگی نانّگا لو ژیبچو تشوگپا تے میگون کھامینیان یودنانگ خُدے زودپا نیامپو تھاگا زادس۔ 19کھونگی کنعانی گیالکھاگ ردونگون میدکھان زادتے تے ساکیاد گُون کھونگرانگی میگونلا نورسکالّا سالس۔ 20ای تشانگما ڈوبچیسلا ہالام لو 450 گور۔“

”تے ستینگنے خُدے حضرت سمُوئیل پیغمبری توس تشوگپا کھونگونلا اُسکیونگون سالّا زادس۔ 21تینے میگونّی خُدا گیالپوجیگ سالچیسلا جُووا پھولپا، خُدے بنی اِسرائیلی میریگس بِنیمِینؔ ی نانگنے کھیسّی بُوژا ساؤل زیرکھانبو سالّا زادس، یانگ کھوے لو ژیبچو وانگثولس۔ 22خُدے حضرت ساؤل گیالپوے وانگنے تھینّا زادتے داؤد کھونگونی گیالپو چوا زادس۔ خُدے داؤد ّی سکورلا مولتے اینوگ، ’نگا یسّی بُوژا داؤد تھوب، کھوے دودپاگون نگا ژوگس دوگ۔ کھوے چیتشانگما نگے دودپا نانگجین چوین‘۔“

23”خُدے رانگی وعدہ زادکھان نانگجین، داؤد ّی اولاد نے بنی اِسرائیل پاگونّی کھوم چُوک کھن ، حضرت عیسیٰ سی کالا زادس۔ 24حضرت عیسیٰ سی سکیودّی سانگ سنگونلا، یوحنّانی بنی اِسرائیل پا تشانگمالا چھوس شادین، گیودپا چوستے غوتا لینچیسلا مولّا زادس۔ 25یوحنّانی لاسگون ڈوب تشارکییس یود زانے، کھونگی مولس، ’کھیوجاگونّی نگا سو اینوگ سامّاراگ؟ نگا خُدے لدامّا زادکھانّی مسیحا مان۔ کھونگ نگے ستینگنے سکیودین ، نگا کھونگی جابشی تسوگسلا پابھو ٹولچیسّی اوسپا مید‘۔“

26”لے فونو حضرت اِبراہیم اولاد تانگ خُدے جیگس تانگ سیوے نانّگا میتشے پھودکھانّی می گُون، ای تھارپے لونبو نگاتانگونّی پھیا کالا زادتے اینوگ۔ 27یروشالیم پا تانگ کھونگونی وانگثولپا گُونی حضرت عیسیٰ سی نُگو ماشیس، اِین نانگ کھونّگا ڈونگشیسّی ٹھیمسچادتے شابّاد ہلتوخسے ّی سیلکھانّی پیغمبر گونّی مولکھانگون ڈانڈا ڈوبچوگس۔ 28کھونگونلا حضرت عیسیٰ سی ثوگی چھادپا پھوگچوگچیسلا چانگ سکیون ماتھوبنانگ کھونگونی پیلاطُس لا کھونگ سادچیسلا جُووا پھولس۔“

29”کھونگونی حضرت عیسیٰ سی سکورلا ڈِیازادتے یودکھان تشانگما ڈانڈا ڈوبچوگستے ستینگنے کھونگی جنازہ بو کیانگشینگی کانے پھابستے قبرستانی نانّگا جْوس ۔ 30اِین نانگ خُدے کھونگ شیکھانگونّی ٹونے سونتیا لانّگا زادس، 31یانگ جاگ مانگپوجیگ گلِیلی یولنے کھونگ نیامپو یروشالیمّا یونگستے یودکھانگونلا کھونگ جال۔ کھونگونی تا بنی اِسرائیل پا تشانگمے لدُونلا کھونگی گواہ سالین اینوگ۔“

32”نگاجے ای گاموےناتسُولبو شادّاد۔ خُدے نگاتانگی اتا اپو گون نیامپو وعدہ بو زادس، 33کھونگونی اولاد نگاتانگونلا، حضرت عیسیٰ مسیح سونتیا لانّگا زادتے خُدے تے وعدہ بو ڈوبچوگّا زادس، کازوگ ستودکھہ نیسپے نانّگا حضرت عیسیٰ سی سکورلا ڈِیازادتے اینوگ،

’ کھیرانگ نگے بُوژا این۔

دیرینگ نگا کھیرانگی ابا گیورتے این۔‘ #13‏:33 زابور شوقبُوئ 2‏۔ 7

34خُدے کھونگ شیکھانگونّی ٹونے سونتیا لانّگا زاد پاسانگ، کھونگ تا مانے میرول۔ خُدے مولّا زادس،

’داؤد نیامپو کھاچھاد چوکھانّی ہلژخمہ برکت

نگے کھیوجاگونلا تانگین۔‘ #13‏:34 حضرت یسعیاہ شوقبُوئ 55: 3

35زبُور شریفی جان ینگ ناسا جیگی کا مولتے اینوگ۔

’رانگی ہلژخمہ بو نیرانگی رُول چوگّا میزاد۔‘ #13‏:35 زابور شوقبُوئ 16‏۔ 10

36داؤد ّی رانگی میتشیے نانّگا خُدے تھوگّونگس نانگجین کھونّگا جابستوگ جوستے ستینگنے ڈونگس، یانگ اتا اپو گون نیامپو کھونگی زوگسپو قبرستانی نانّگا بورپا رُول۔ 37اِین نانگ خُدے سونتیا لانّگا زادکھانبوا رولچیس نیونگ ماتھوب۔ 38فونو گون نیونشیگ، نگاجا ایکا حضرت عیسیٰ سی گیُودتے کھیوجے دِیگپاگونلا مُعافی تھوبچیسپو کھیوجاگونلا شادّالا یونگسپین۔ 39حضرت عیسیٰ سی یکا ایمان کھیونگکھان تشانگما دِیگپاگونّے تھارتے سکیونمید گیورتے اینوگ، کا بو کھیوجاگونلا حضرت مُوسیٰؔ سی شریعت گیُودتے تھوب نیانچیس مانے میدپین۔ 40شانگ چوس، پیغمبر گونّی مولکھانگون کھیوجاگونّیکا چونگ ماچوگشیگ“،

41”ستوسشیگ، نگا تشیگ تانگکھانگون

ہالاسین یانگ شِین۔

نگے کھیوجے توسّی نانّگا تیزوگ لاسشیگ چوچیس این،

کابوے سکور کھیوجا شادنانگ کھیوجاگونلا مانے دِین ماشیس۔“ #13‏:41 ہاباکوگی شوقبُوئ 1‏۔ 5

42حضرت پولُس تانگ برنباس عبادت خانہ نے پھیلوگا بینگستے سکیود زانے میگونّی کھونگونلا، ستینگما شابّادّی آرام چوچیسی جاگّا، یتسوگسّی لابجا مانّگا شادّا زاد زیرتے جُووا پھولس۔ 43مجلِس ناشولّاچیگ یہُودی پا تانگ یہُودی پے چھوسلا ایمان کھیونگکھان مانگپوجیگ حضرت پولُس تانگ برنباسی گیابنے سونگ۔ کھونگ نیسکوے کھونگونلا سپیرا تانگین خُدے شزدے کا ستینتے دوگچیسلا ماثانٹے چولس۔

44ستینگما شابّادّی جاگّا، ہالام گیالسا گانگپوے میگون خُدے حُکم نیانّالا دزوم۔ 45تیزوگ میتشوگس چھینمو تھونگتے یہُودی پاگونلا تشیگچیس یونگس، یانگ حضرت پولُسی لابجاگونلا گیابگال چوستے کھونگی سچودلامّی سکورلا نگانپا زیرس۔

46تینے حضرت پولُس تانگ برنباسی ما ہامپا نیامپو یہُودی پاگونلا لانسالس، ”نگاجا خُدے حُکم گوما کھیوجاگونلا شادگوستے اینپین۔ کھیوجے تیبو پھانگستے کھیوجارانگ تھامیدپے میتشے تھوبچیسّی اوسپا ماتھیس پاسانگ نگاجے یہُودی مانکھان گُونلا نیانچیسّی سکابس تانّگاد، 47چیازیرنا خُدے نگاجا ای کا بو سالس،

’دُنیائی ڈوڈوی نانّگا تھارپا کھیونگچیسلا

نگے کھیرانگّون یہُودی مانکھان گُونی ٹوا اوت تسوگسلا کالتے این۔‘ #13‏:47 حضرت یسعیاہ شوقبُوئ 49‏۔ 6 “

48تیبو یہُودی مانکھان گُونی تشورّاچیگ، کھونگون ثانٹے تھادتے مسیح کا ستودپا پھولس، یانگ خُدے تھامیدپے میتشے پھیا لدامّا زادسکھانگونّی ایمان کھیونگس۔ 49مسیح کا تے یولجونگس گانگپوے نانّگا پھیل۔

50اِین نانگ یہُودی پے نانگنے کھاچیگی تے گیالسے چھوسپا بومو سیواچان تانگ اُسکیونگ گُونلا حضرت پولُس تانگ برنباسی گیابگالّا ثو یونگچوگسپا، کھونگونی میگونلا کھونگ نییسکوا ناگس ستانچوگستے گیالسانے پھیلوگا پھینگچوگس۔ 51کھونگ نیسکوے کھونگرانگونّی کانگپے تھالبا ثوگستے کھونگون خُدے چھادپے پھیا بورکھانبو ستانّا زادس یانگ کھونگون تیکانے اِکُنیُما سکیودس۔ 52انطاؔکِیہ ی نانّگا یودکھانّی لوبٹوگسگون تھادپو تانگ ہلژخمہ رُوح بوے گانگ۔

Currently Selected:

چھاگلاسگون 13: LBJNT

Highlight

Copy