تھیسའلونیکའپའ ۱ 5
5
حضرت عیسیٰ مسیح پھیبسشیسّی توسّی پھیا ڈالڈیگ دوگچیس۔
1چیسپے فونو گون، تا حضرت عیسیٰ مسیح لوگستے پھیبشیسّی توسپو، نام جونگین تیبوے سکورلا کھیوجاگونلا، ڈیگوس میدپا اینوگ۔ 2چیازیرنا مسیح پھیبشیسّی جاگپو ژانلا کونما یونگکھان تسوگسلا گیُوس میدپا یونگچیسپو کھیوجا سالپو گیوس اینّوگ۔ 3میگونّی، ”ای توسپو ژیدیچان تانگ جیگسپا میدکھان دوگ“ زیرکھان توس، ہونمیدلا تیگونّیکا کیینّگان یونگین، کازوگ ٹھوگو جورچیسچانّی بوموا سکییزیر تانّگاد، تیگون تانتانلا تیکانے میتھار۔
4اِین نانگ چیسپے فونو گون، کھیوجاگون مونڈیگی نانّگا گیوسمیدکھانگون تسوگسلا دُوگستے مان پاسانگ، کونما تسوگسلا تے جاگپو لیب زانے، کھیوجاگون ہا میلاس۔ 5نگاتانگون تشان یا مونڈیگی ٹھوگو مانپا، کھیوجا تشانگما اوت تانگ نییمے ٹھوگو اینوگ۔ 6تیبویپھیا تا نگاتانگون شانگ چوستے جانماگون تسوگسلا نییدلوگستے مادوگا، رانگ رانگ چونتھوبکھان ریگ یونگّوشیس اینوگ۔ 7نیید تانگکھانگون ژانلا نیید تانّگانوگ، یانگ راروسکھانگون ژانلا راروسّانوگ۔ 8اِین نانگ نگاتانگون اودّی این پاسانگ، نگاتانگونّی رانگسیمس چونشیگ، یانگ ایمان تانگ چامسپا گُون ڈانّگا کابچیسّی ماگچھاس، یانگ تھارپا تھوبچیسّی ریوا تانتانبو لچاگسّی تیبی تسوگسلا گونین۔ 9چیازیرنا خُدے نگاتانگون چھادپے پھیا لدامّا مازادّا، نگاتانگی حضرت عیسیٰ مسیح ا گیُودتے تھارپا تھوبچیسلا، لدامّا زادتے اینوگ۔ 10نگاتانگی پھیا حضرت عیسیٰ سی ڈونگس۔ نگاتانگ شیتے یودڈو یا سونتیا نگاتانّگا کھونگ نیامپو توسگیون میتشے پھودنیانچیسّی گیونتشانبوے پھیا، کھونگ ڈونگس۔ 11تیبویپھیا کھیوجے چیگ تانگ چیگّا سپوسپا تانگستے، حضرت عیسیٰ مسیح نانّگا کھونگونی ایمان سکییدلا کھیونگ، کازوگ کھیوجے چوینجیگ اینوگ۔
حضرت پولُسی ستینگجوگی لابجا۔
12چیسپے فونو گون، حضرت عیسیٰ مسیح جابستوگ ژوکھانّی اُسکیونگونلا سیوا چوچیسلا جُواد، کاگونّی کھیوجے ٹوا سونڈوس ثانٹے چوین کھیوجا دِیگپا میچوچیسلا سپانگپودّانوگ۔ 13اونا، کھونگونی سونڈوسّی لاسگون تھونگتے کھونگونلا گیاسپا سیوا تانگ، سنینگنے چامسپا چوشیگ، یانگ چیگ تانگ چیگ تھونتے دوگشیگ۔
14چیسپے فونو گون کھیوجاگونلا، نگاجے سپوسپا تانگین جُواد، لاسمیلامکھانگونلا سپانگپودشیگ، سنیینگستوبس میدکھانگونلا سپوسپا تونگشیگ، نیامسچھونگّونلا روگس چوشیگ، یانگ تشانگما نیامپو زودپا بورشیگ۔ 15سوجیگّانگ نگانپے لانلا نگانپا چو ماچوگشیگ، چیگ تانگ چیگّا ماتشاد، جان تشانگما نیامپوانگ توسگیون زانگپو چوچیسّی سونڈوس چوشیگ۔
16توسگیون گامو دوگشیگ۔ 17چھادمیدلا دُعا جوین دوگشیگ۔ 18ناسلوگ تشانگمے نانّگا خُدا شُکر ژوشیگ، چیازیرنا کھیوجے حضرت عیسیٰ مسیح نیامپو میتشیے نانّگا، یگون خُدے تھوگّونگس اینوگ۔
19کھیوجے سنینگی نانّگا ہلژخمہ رُوح بوے چھاگلاسگونلا گھاگژا ماتانگشیگ۔ 20لونگستانگونلا سیوا ماتانّگا سنانگمید ماچوشیگ۔ 21لونگستان تشانگمالا ستاگچاد چوسشیگ۔ لدینبے لونگستانگونّیکا ستانپو تھامستے دوگشیگ۔ 22لاس نگانپے ریگس تشانگمانے تھاگرینّگا دوگشیگ۔
23تا نگاتانّگا جیدے سالکھانّی خُدے کھیوجاگونلا چیساتھوگنے ہلژخمہ زادشیگ۔ یانگ نگاتانگی حضرت عیسیٰ مسیح ا لوگستے پھیبس پھیبس تشوگپا، کھیوجے سیمسنید، سیمس تانگ زوگسپو تشانگما، سکیونمید بورّا زادشیگ۔ 24کھیوجا بودّا زادکھانّی خُدے نی ایمان چان اینوگ، یانگ کھونگی تے تشانگما چوا زادِین۔
25چیسپے فونو گون، نگاجے پھیا دُعا چوشیگ۔ 26چامسپا نیامپو چیسپے فونو تشانگمالا سلام جُوس۔ 27نگا، حضرت پولُسی کھیوجاگونلا، مسیح وانگی نانّگا ای ایگیبو چیسپے فونو تشانگمے لدُونلا سیلچیسلا کاتانّگاد۔
28نگاتانگی حضرت عیسیٰ مسیح شزدے کھیوجا نیامپو لوسشیگ ۔
Currently Selected:
تھیسའلونیکའپའ ۱ 5: LBJNT
Highlight
Share
Compare
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
