تھیسའلونیکའپའ ۱ 4
4
خُدے تھوگستھادچیسّی میتشے پھودچیس۔
1ستینگجوگپیکا چیسپے فونو گون، خُدے تھوگستھادچیسّی پھیا نگاجے کھیوجا لابسکھان نانگجین میتشے پھودچیسلا جُواد۔ اونا کھیوجے تینّا تسوگسّی میتشے پھودین اینوگ، اِین نانگ تا تارُوانگ مانّگا تیتسوگسی میتشے پھودچیسلا نگاجے حضرت عیسیٰ مسیح مِنتخسی نانّگا کھیوجا سپوسپا تانگین جُووا جُواد۔ 2حضرت عیسیٰ مسیح وانگی نانّگا نگاجے کھیوجا تانگکھانّی لابجاگون کھیوجا گیوس اینّوگ۔ 3خُدے تھوگسد اوت پو نی، کھیوجا ہلژخمہ یونگّوشیسپو این، تیبویپھیا کھیوجاگون لوسڈیل نگانپاگونّے تھاگرینّگا دوگشیگ۔ 4-5تینے جانما خُدے ماشیسکھانّی ایمان میدکھان گُون تسوگسلا لوسڈیل نگانپے دودپا مایونّگا، کھیوجا ریریا ہلژخمہ تانگ سیواچانّی میتشے جیگی نانّگا رانگرانگی زوگسپوگون چونتے بورچیس شیساین۔
6فونو سی جیدماد نیامپو لوسڈیل بورتے، رانگی فونو نگانپا یا گوبسکور تانگ ماگوس۔ تیتسوگسی لاس چوکھانگونلا مسیح چھادپا سالّا زادِین زیرتے، کھیوجاگونلا سنگونلا نگاجے سپانگپودپین۔ 7خُدے نگاتانگون تشیٹو میتشے جیگ مانپا، ہلژخمہ میتشے جیگ پھودچیسلا بودّا زادتے اینوگ۔ 8تیبویپھیا تے لابجا کھا نیانّامید زیرکھانگونّی، میی لابجا مانپا، خُدے لابجا کھا مانیانّا اینوگ۔ خُدے نی کھیوجا، کھونگرانگی ہلژخمہ رُوح سالّا زادکھانبو اینوگ۔
9تا فونو گون چیگ تانگ چیگّا چامسپا چوچیسّی سکورلا کھیوجا چانگ ڈیگوس میدپا اینوگ، چیازیرنا خُدے کھونگرانگی کھیوجاگونلا چیگ تانگ چیگّا چامسپا چوچیسپو لابّا زادتے این۔ 10یانگ لدینبا کھیوجاگونّی مکدنیہ یول گانگپوے نانّگا یودکھانّی فونو تشانگما، تینّا چامسپابو ستانتے اینوگ۔ اِین نانگ نگاجے چیسپے فونو گون، تا ای سانگ مانّگا چوچیسلا، نگاجے سپوسپا تانگین جُووا جُواد۔
11کھیوجے میگژیبو نی زیدیچانّی میتشے پھودچیس، رانگی لاس تانگ ڈیل بورتے جانمے لاسّی نانّگا تھیسّتوگ میتانگچیس تانگ، رانگی لاگپا بادتے میتشے پھودکھانجیگ یونگّوشیس اینوگ، کازوگ نگاجے کھیوجاگونلا لابستے اینپین۔
12تیزوگ چونا کھیوجاگونّی میتشے پھودتشولبوا، ایمان میدکھانگونّی مانّگا سیوا تھوبین، یانگ کھیوجاگونلا گھوسدومگونّی پھیا ژانمیکا ستینتے دوگ میگوس۔
سونتیا لانّگا زادچیسّی ریوا۔
13تا چیسپے فونو گون، کھیوجا شیکھانگونلا چونگچیسپو ہاگوگوشیسّی نگاجے دودپا چواد۔ تینے کھیوجاگونلا سونتیا لانگسشیسّی نانّگا ریوا میدکھان گُون تسوگسّی تشیرکھا مییونگ۔ 14حضرت عیسیٰ سی ڈونگستے یانگسکیار سونتیا ژانگسکھانبوا نگاتانگی ایمان چوس پاسانگ، حضرت عیسیٰ سی یکا ایمان بورتے شیکھانگون، خُدے سونتیا لانّگا زادتے، حضرت عیسیٰ سی نیامپو کھیونگا زادچیسپوانگ نگاتانگونّی ایمان چوانوگ۔
15حضرت عیسیٰ مسیح مولکھانبو نگاجے کھیوجاگونلا شادّاد، مسیح لوگستے پھیبسّی توسلا، نگاتانگ سونتیا یودکھانگون، تانتانلا شیکھانگونّی سانگ سنگونلا کھونّگا تُھوگا میچھا۔ 16سکاد چھینموے نانّگا کا، فرشتے سپونبوے سونگسکاد تانگ خُدے تونگسکاد نیامپو، مسیح کھونگرانگ نامکھانے بابسین، تینے مسیح کا ایمان بورتے شیکھانگون سنگونلا سونتیا لانّگا زادِین۔ 17تے ستینگنے دُنیائیکا نگاتانگ سونتیا لوستے یودکھانگون ثینّیکا تیگون نیامپو حضرت عیسیٰ مسیح جالچیسلا ستاگّا زادِین، یانگ نگاتانگون مسیح نیامپو توسگیون دوگین۔ 18تینّابویپھیا کھیوجاگونّی تے لابجاگون چیگ تانگ چیگّا شادتے سپوسپا تونگشیگ۔
Currently Selected:
تھیسའلونیکའپའ ۱ 4: LBJNT
Highlight
Share
Compare
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
