تھیسའلونیکའپའ ۱ 2
2
تھسلُنیکے نانّگا حضرت پولُسی چھاگلاس۔
1نگے چیسپے فونو گون، نگاجے کھیوجاگون نیامپو توس پھودکھانبو پھانمیتھوگس مانکھان کھیوجارانّگا گیوس اینّوگ۔ 2کھیوجا یودسا تھسلُنیکے یونگی سانگ سنگونلا، فِلپّی گیالسے نانّگا نگاجا تسامشیگ ناگس تانگ ٹھیلبا ستانکھانبو کھیوجاگونلا گیوس اینّوگ۔ اِین نانگ تھسلُنیکے نانّگا گیابگال ثانٹے تھونگنانگ، نگاتانگی خُدے کھیوجاگونلا کھونگی گاموےناتسُول جیگس میدپا شادچیسلا نگاجا سپوسپا سالس۔ 3نگاجے چھوسشادکھانگون نگاجا نورتے یا رانگدود یا گوبسکور تانگچیسّی دودپے جاستے مانپین۔ 4اِین نانگ خُدے گاموےناتسُول ستادا زادچیسلا اوسپاچان تھیازادکھانّی میگون تسوگسلا نگاجے شادّاد۔ نگاجے دودپا نی میگون تھادچوگچیس مانپا خُدے تھوگنییس چوگچیسپو این، کھونگی نگاتانگونّی سنینگی ستاگچاد زادّانوگ۔ 5نگاجے نوردود یودتے کھیوجا لچے کولچیس یا کھیوجے دزاو اینزون مانے ماتانگسکھانبو کھیوجا گیوس اینّوگ، یانگ خُدے تیبوے گواہ این، 6ماتشاد کھیوجا اینڈو یا جانما، نگاجے می کانے ستودپا تھوبچیسّی ریوا مابورپین۔
7مسیح رسُول اینچیسپوے، نگاجے کھیوجے کانے تھوبتانگّون سود نیانچیس یودپین۔ اِین نانگ امے رانگی ٹھوگوگونلا آوما تانگستے ستاستوگ چوا تسوگسلا نگاجانگ کھیوجا نیامپو بولمو یودپین۔ 8کھیوجاگونلا نگاجے چامسپا ثانٹے چوسپا، کھیوجا نیامپو خُدے گاموےناتسُول چیگپو مانپا، نگاجا رانگی میتشیانگ گوچیسلا تھادّادپین۔
9چیسپے فونو گون، نگاجے باردو کھورتے لاس چوکھانبو کھیوجاگونلا تانتان ایدتو یودڈو؛ سپیرنا خُدے گاموےناتسُول کھیوجاگونلا شاد زانے، سوجیگّانگ باردو میتھونگچیسلا نگاجا رانگی گھوسدومگونّی پھیا نگاجے تشاننین میدپا لاس چوسپین۔ 10کھیوجا مسیح کا ایمان چوکھانگونّی ٹوا، نگاجے سچودلامگون ژانگما، ٹانگپو تانگ سکیونمید یودکھانبوے گواہ کھیوجا تشانگما تانگ خُدے اینوگ۔ 11یانگ ابے رانگی ٹھوگوا یاشا نیامپو ستاستوگ چوکھان تسوگسلا نگاچیانگ کھیوجا ریرے ستاستوگ چوکھانبو کھیوجا گیوس اینّوگ۔ 12نگاجے کھیوجاگونلا خُدا سیوا تھوبچیسچانّی میتشے جیگ پھودچیسلا سپوسپا تانگین جُووا پھولّاد، چیازیرنا کھونگی کھیوجاگونلا کھونگرانگی گیالثید تانگ سپالّی نانّگا دوگّالا بودّا زادس۔
13نگاجے توسگیون خُدا شُکر پھولّاد، چیازیرنا نگاجے خُدے حُکم شاد زانے، کھیوجاگونّی تیگون میی سپیرا مانپا، خُدے حُکم اینچیسپوے نیانس، کا بو تانتان اینوگ۔ یانگ ایمان کھیونگسکھانگونّیی میتشیے نانّگا تے کابوے چھاگلاس زادِین اینوگ۔
14چیسپے فونو گون، کھیوجا یہُودیہ یولّی نانّگا خُدے عبادت خانہ کا بو حضرت عیسیٰ مسیح این، تیگون ڈولکھانّی لامیکا ڈولتے اینوگ۔ تیگونلا یہُودی پاگونّی ناگس ستانّا تسوگسلا، کھیوجاگونلانگ رانگیولّی میگونّی ناگس ستانتے اینوگ۔ 15تینّا تسوگسّی یہُودی پاگونّی حضرت عیسیٰ مسیح ماتشاد، سنگونمے پیغمبر گونّانگ سادتے اینپین، یانگ نگاجا گونلانگ ناگس ستانس۔ خُدے تیگونّیکا تھوگستھادّا مازادس۔ یانگ تیگونّی میتشانگما گیابگال چوستے 16یہُودی مانکھان گُونلا تھارپا تھوبچیسّی گاموےناتسُول شادچیسنے نگاجا گھاگچیسّی سونڈوس چوس۔ تیزوگ چوچیسنے، کھونگونی دِیگپابو ساگاین سونگتے خُدے زودپانے تھالتے لیب پاسانگ، تا خُدے تھوگسثو گانگپو تیگونّیکا بابستے اینوگ۔
حضرت پولُس لا کھونگون نیامپو یانگسکیار تھوگچیسّی دودپا۔
17چیسپے فونو گون، نگاجا گُون سیمسنے مانپا، زوگسّی تھوگنے کھیوجا نیامپو توس نیونگونجیگی پھیا تھاگرینّگا بیستے یود زان یانگ، نگاجے کھیوجاگون یودسا لوگستے یونگچیسّی سونڈوس ثانٹے چوسپین، چیازیرنا نگاجا، کھیوجاگون تھونگچیسّی دودپا ثانٹے یودپین۔ 18نگاجا گُون لوگستے کھیوجیکا یونگنیین یودپین، تانتانلا نگا حضرت پولُسی لوگستے یونگچیسّی سونڈوس لان مانگپو چوسپین، اِین نانگ شیطانی نگاجا گھاگسکیل تانگس۔
19نگاتانگی حضرت عیسیٰ مسیح لوگستے پھیبستوس، کھونگی سکودونلا نگاجا ریوا، گامو یانگ سیوا تھوبچیسّی گیونتشان سو این؟ کھیوجا مانّا؟ 20لدینبا، نگاجے سپال تانگ گاموے گیونتشانبو کھیوجا این۔
Currently Selected:
تھیسའلونیکའپའ ۱ 2: LBJNT
Highlight
Share
Compare
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
