تھیسའلونیکའپའ ۱ 1

حضرت پولُسی چھوگسنے سلام۔

1نگا حضرت پولُس، سِیلاس#1‏:1 یُونانی سکادّی نانّگا سیلواناس زیرتے ڈِیستے دوگ۔ تانگ تِیمُتھیُس تشانگکوے چھوگسنے ای ایگیبو تھسلُنیکے گیالسے خُدے یاب تانگ حضرت عیسیٰ مسیح اینکھانّی عبادت خانہ لا ڈِیاد۔ خُدے جیدے تانگ شزدے کھیوجا تشانگمالا تھوبشیگ۔

تھسلُنیکے عبادت خانہے ایمانی سکور۔

2نگاجے دُعا گونی نانّگا کھیوجاگون ایدتو چوین توسگیون خُدا کھیوجا تشانگمے پھیا شُکر جُواد۔ 3نگاجے خُدے، نگاتانگونّی یابّا دُعا ژو زانے، کھیوجاگونّی ایمان بو لاگلینّی نانّگا کھیونگچیس، چامسپے نانّگا جانما جابستوگ جوچیس تانگ حضرت عیسیٰ مسیح نانّگا ریوا ستانپو بورچیسپوے، سنینگروس چوتھوبچیس گُون ایدتو چواد۔

4چیسپے فونو گون، خُدے کھیوجاگونلا چامسپا زادتے کھونگرانگی میگون لدامّا زادکھانبو نگاجا گیوسیود۔ 5چیازیرنا نگاجے کھیوجاگونلا گاموےناتسُول شاد زانے، سپیرا چیگپو گیُودتے مانپا خُدے ستوبس نیامپو شادپین، ماتشاد نگاجے شادکھانگون لدینبا اینکھانبوا ہلژخمہ رُوح بوے کھیوجاگونلا سنینگی تھیلنے ایمان شوگس۔ یانگ نگاجے کھیوجاگونّی ٹوا میتشے پھودتشولبو، کھیوجاگونّی پھانتھوگسّی پھیا اینکھانبو، کھیوجاگونلا گیوس اینّوگ۔ 6نگاجا تانگ حضرت عیسیٰ مسیح ڈولکھانّی لامیکا کھیوجاگون ڈولس۔ کھیوجاگونلا ماثانٹے ناگس تھونگتیانگ، کھیوجاگونّی ہلژخمہ رُوح بوے سالکھانّی تھادپو نیامپو تے لونبو لینس۔ 7تیبوے جاستے یُونانی مکدنیہ تانگ اخیہ پا یولگونّی نانّگا فونو تشانگمے پھیا کھیرانگّون سپیجیگّا گیورتے اینوگ۔ 8کھیوجاگون گیُودتے مسیح کا بو ، مکدنیہ تانگ اخیہ یولگونّی نانّگا پھیلچیس ماتشاد، خُدایکا کھیوجے ایمان کھیونگسکھانّی ناتشولبو کانیکارو لیب۔ تے سکورلا نگاجے چانگ زیرگوس میدوگ۔ 9یانگ تے یولمیگونّی میتشانگمالا کھیوجاگونّی نگاجا دزاوے تشولّا گاسوس چوکھان تانگ کھیوجے سکونڈا چولچیس پھانگستے لدینبے سونپو خُدا جابستوگ جوچیس گُون شادّوگ۔ 10ماتشاد خُدے شیکھانگونّی ٹونے سونتیا لانّگا زادکھان بُوژا حضرت عیسیٰ، نامکھانے لوگستے پھیبسشیسّی پھیا، کھیوجاگون ثونگستے یودکھانبوے سکورلانگ شادّوگ۔ نگاتانگون خُدانے یونگچیسچانّی تھوگسثوے کانے سکیوبّا زادکھانبو حضرت عیسیٰ اینوگ۔

Currently Selected:

تھیسའلونیکའپའ ۱ 1: LBJNT

Highlight

Compare

Copy